تحديث
ههههه كنت بشوف ناس كتير بتكتب كلمة تحديث دي واقول ياسلام
امتى الواحد هايعمل زيهم
واهو جة اليوم اللي عملت فية التحديث
المهم
كنت بتكلم مع الصديقة الصدوقة دوبة
وكانت بتسأل على الجبارة وبتطمن عليها
فقلتلها : انتي عارفة يادوبة بعد ماالموضوع خلص واطمنت على البنت
دخلت الاوضة وقفلت عليا وقعدت اعيط شوية وبعدين خلاص حمدت ربنا وخرجت
دوبة : وماكتبتيش كدة لية في البوست
انا : مش عارفة هو الكلام خلص مني لحد كدة وماعرفتش اكتب اية
دوبة : اصلك بينتي في البوست انك قوية ومفترية وانتي مش كدة
وبناء على توجيهات السيد الرئيس دوبة قررت اني اكتب التحديث السابق
وقالتلي كمان انتي نكدتي علينا
فأنا بعتذر لكل اللي اتنكد من البوست وان شاء الله مايبقاش في نكد تاني
..............................
السلام عليكم
كان في كلمتين سمعتهم من شيخ مش فاكرة هو مين
ومش فاكرة كمان اية هما الكلمتين
لأ لأ انا بهزر انا اصلي مش فاكرة الكلام كلة بس هاحاول افتكرة اهو
هو كان بيتكلم عن حال الانسان وبيقول
تشبعة لقمة
ترهقة قرصة
تزهقة شرقة
هو دة اللي افتكرتة ومش متأكدة منة اوي كمان
المهم حصل معايا موقف خلاني افتكرت الكلام دة والموقف هو
كنت قاعدة في المطبخ ـ مكاني المفضل ـ وكانت معايا اختي الاصغر مني
كنا اشترينا شوية حاجات وقعدين بنشيلهم في اماكنهم وكان من ضمن الحاجات كيس ملبس
الملبس الناشف مش الطوفي الطري
وطبعا تم القبض علينا بواسطة الجبارة واخدت شوية ملبس وجريت
وبعد وقت قصير لقينا الجبارة داخلة علينا وشكلها غريب وعمالة تعيط ورمت الملبس على الارض
ولومة اختي ماتتوصاش عليها صوت ماشاء الله
لقيتها بتقولي : الحقي الملبسة واقفة في زور البت ـ مش عارفة اتكلمت ازاي وهي بتصوت ـ
انا طبعا شيلت البت بسرعة وخليت دماغها تحت ورجليها فوق وقعدت اخبط على ظهرها
ومفيش حاجة عاوزة تنزل
لومة : اهي باينة اهي الحقي واقفة بالعرض
انا : طيب حطي صباعك الرفيع دة وطلعيها انا مش هاقدر اعدل البت لازم افضل شيلاها
لومة : مش عارفة طيب انا هاتصل بأبو الدراويش
انا : لأ اوعي هايتخض
لومة : طيب استني خلاص باين عليها اتبلعت بس الجبارة عمالة تعيط برضة
انا : انا هاوديها المستشفى
ورحت واخدة الموبايل والشنطة واسدال الطوارئ
وكل دة وانا ماسكة الجبارة
طيب البس الاسدال ازاي وانا ماسكة البت
انا : امسكي الجبارة يالومة على نفس الوضع لغاية لما البس الاسدال
وعلى باب الشقة وقبل لما اخرج
خرجت الملبسة من زور الجبارة
قعدت احمد ربنا كتير اوي علشان البنت بقت كويسة
وعلشان ربنا الهمني الثبات وحسن التصرف
ملحوظة صغيرة
اسدال الطوارئ هو اسدال الصلاة بتاعي بس انا بقول علية كدة علشان لما الشينيور اتعور
لبستة وانا رايحة المستشفى
ولما حمايا كان تعبان لبستة وانا رايحة المستشفى معاة
يعني هو اسرع لبس علشان كدة انا سميتة اسدال الطوارئ
...............................
معلش بوست مش مضحك بس هو دة اللي حصل
اشوفكم على خير
تحديث تاني
ابو الدراويش قالي ان التحديث بيبقى في اخر البوست
وبما اني ماعرفتش انقل التحديث اللي فوق
فقلت اكتب تحديث تاني في الاخر
وبس خلاص
هناك ٤٧ تعليقًا:
سيبك من كل دة...الحمد لله ربنا ستر وقدر ولطف
بس قبل كل الكلام دة
في حد لسة بيشتري ملبس؟
ملبـــــــــــــس؟
معقول؟
هو لسة في كدة؟
ملبــــــــــــــــــــــــــس؟
يا خبر ابيض
الحمد لله وربنا يلهمك حسن التصرف دايماً يارب ويمنع عنك الطواريء اللي زي دي :)
أعتقد ان الجباره كرهت الملبس ده:)
حكاية ايه
مضحكة
حرام عليكي يا شاهى والله انا إتخضيت على البنت
الحمد الله انها كويسة دلوقتى
الحمد الله الحمد الله
معتيش بقى تجيبي من الملبس البايظ بتاعكم ده
بس كان نفسي أشوف المنظر وانتى قالبة البنت بالعكس
وازى أبو الدراويش قوليلو يا عم والله حسنى عبد ربه كل ما يجيب جون أفتكره
وتحيا مصر والأمه العربية والأمة الإفريقية كمان
وعمرو زكى ومتعب اللى نفسه يجيب جون ده
والله انا ما ليا فى الكورة أبو الدراويش اللى دخلنى اللعبة دى
:'(
المهم يا شاهى خلى بالك من العيال وسلميلي عليهم كتير
الاخت الجميلة شاهى
كان فى مثل سمعته
يا مخلفه البنات يا شايله الهم للممات
فانتى عندك بنتين وشينيور يعنى مفيش راحة انسى يا عمرو
هى دى الضريبة اللى لازم ندفعها علشان نكون اباء وامهات
الحمد لله ان البت بخير ومفيش ملبس تانى لا طرى ولا ناشف وولعى فى الملبس اللى انتى جبتيه
خدى بالك من عيالك وخلى عينيكى فى وسط راسك
اعلى اليمين....شمال كده
:)
تحياتى ليكى ولكل افراد الاسرة
على حب
الرسالة التى فمتها
انها لا يأخذك هول الموقف فى حسن التصرف
بارك الله لك فى اولادك وجعلهم قرة عين لك
ما يقع الا الجبار
بس بجد الحمد لله علي سلامتها وان الموضوع عدي وربنا يحفظهوملك
الف الف حمد الله على سلامتها
والحمد لله ان ربنا الهمك واتصرفتى صح
وربنا مايحكم عليكى باسدال الطوارىء
ويكون اسدال صلاه وبس
ربنا يحفظك انت واولادك وابو الدراويش
وكل حبايبك يارب
تحياتى القلبيه
الف الف الف حمدلله على سلامة بنتك يا ماما شاهي
؟؟؟
!!! بنتك يا ماما شاهي
يعني اختي
يبقى الف حمدلله على سلامة اختي يا ماما شاهي
والحمدلله ان ربنا الهمك حسن التصرف في الموقف ده
ملحوظه
الاقيش عندك جلابية طوارئ لي ؟؟؟؟
سلاموووووووووووووز
بصي يا مامتي اكتر حاجة عجبتني هنا التفكير بعقل في المواقف الي زي دي لان اغلبيتنا في المواقف دي مش بيقي في حسن التصرف جميل قوي البوست والاجمل المعني الي وراه تسلميلي ويخليكي الاولاد يارب ويجعلهم ذرية صالحة بارة بيكم وسلامي لابوو الدراويش
ألف سلامة ع البنت
آل جبارة آل
ادي اخرة اللي يشتري ملبس مالو البان على الاقل لما الجحبارة تاكل لبانة وتلزق في شعرها هيكون احسن من الملبس اللي بيقف في الزور ده
الحمد لله ربنا سترها ومتجبيش ملبس تاني واشتري ارواح
تحياتي
السلام عليكم
هو حياتك كلها مستشفيات كده ههههه
علي العموم الحمد لله انها كويسة
الحمد لله
الف سلامه على جوجو
ربنا يحفظها يارب
ويحفظك انتي كمان
انا قلبى وقع
بقيت اقرأ بسرعة
الحمد لله
دمت بكل الحب والسعادة يارب
كاميليا
خوفتينى وخضيتينى خضة
حرام عليكى يا شيخة
البونبونى ده مش حلو خالص وفعلا بيعملهم كده لو اتحركو اى حركات فجأة
المهم انها بخير وانك اتصرفتى بحكمة كعادتك دايما
مفتقداكى يا شريرة
تحياتى
هبة
========
الا هو يعنى ايه بقى الكلام اللى فى الاول ده - انا افتركتك بتشتمى ولا حاجة
التفسير يا جماعة للناس الجاهلة لو سمحتو
المهم سلامتها
ربنا يحفظهم ولا يصيبك فيهم ابدا
انا اتخضيت قوي وبطني وجعتني من البوست ده يا شاهي
انا مش عارف في موقف زي ده الواحد يجيب اعصاب منين عارفه لما بيكون الموقف لحد كبير شويه مثلا الواحد بيبقى متماسك ويفكر وكده انما الطفل ده قلب الواحد بيبقى هينط براه من الخضه
انا بجد احييكي على شجاعتك
طول عمري بتضايق من الأمهات الهستيريه اللي ساعة الجد تبص تلاقيها سايبه العيال تتحرق وقاعده تصوت وتصرخ بدون هدف
بجد يا شاهي انتي طلعتي بميت راجل
ربنا يحفظلك لأبو الدراويش
وبلاش بقى الملبس ده
اقولك هاتي الكيس اريحك انا منه
سلااااااااااااااااام
السلام عليكم ورحمة الله وبركاته
الحمد الله ، قدر ولطف
والف سلامه علي الجباره
الف مبروووووووووووووووووووك لمصر ولينا
وان شاء الله كاس العالم 2010
وياريت نتابع الاخبار مع بعض
يا ريت اسمع رايك في
اخوان ستايل
خضتينى
قريت البوست قبل ما اقرا التحديث وماخدتش عنك انطباع انك قوية
يمكن علشان شوفتك قبل كدة ومتوقعة انك كنت تعيطى من الخضة
الحمد الله ان ربنا ستر
بس بجد دى خضة وحشة اوى
الحمد الله انك كمان عرفتى تتصرفى
تحياتى ليكى
كل ده من ملبسه ياه
اهو ده عذاب الملبس الغلبان
ارمى الملبس اللى عندك كله
طرى وناشف
ارميه
ولا اقولك
هاتيه
انا كبيره واعرف ابلع كويس
الف سلامه للجباره
والحمد لله انها بلعت الملبسه
وخلى بالك كويس من الاولاد
وانا عمال اقول شجاعه وجامده
تقومي تخشي تعيطي يا فالحه
بس اقولك حاجه لما تعيطي بعد الموقف ده دليل على انك طيبه قوي
انما لما تعيطي وسط الموقف وتسيبي البنت تبقى مزعجه
كده انتي جدعه وطيبه في نفس الوقت
ربنا يحفظلك اسرتك
ويديم عليكم الخير
تحياتي
سلاااااااااااااااااام
السلام عليكم يا قريبتنا
النهاردة بالصدفة دخلت علىالبلوج لقين سلام، قلت اشوف المدونة
لقيت الجبارة بالعة ملبسة
ضحكت والله مش عشان حاجة
عشان واحد صاحبي بعتلي رسالة قاللي حمدا لله على سلامة سلمى
قومت اتصلت بوفاء وقلتلها مالها سلمى
قالتلي ما كناش عاوزين نقولك
اصل دبوس الطرحة كانت حطاه في بوقها ووقع في الجهاز التنفسي
والحمد لله طلع بعد عملية في عين شمس التخصصي
وكل ده وأنا ماعلعرفش
الف سلامة ع الجبارة
وربنا يحفظكم جميعا
أحمد
تزهقة شرقة .. فعلأ
تحياتي لكي بالعطور الفرنسية
سلامة الجبارة ألف سلامة عليها
بس انتي جبتي الملبس من فين بالضبط؟
دة مش موجود خالص اليومين دول
ربنا يحميهيا وأخواتها من كل سوءيا رب
:)
نوني
الف حمدالله على سلامة الجبارة يا شاهى
خلى بالك منهم بقى
وربنا يطمنك عليهم دايما
وبلاها الملبس ده يا شاهى
تحياتى ليكى وللشنيور والرايقة والجبارة ولابو الدراويش
this is the best blog in the net
ازيك يا شاهى وحشتينى
وازى الجباره والشنيور وابو الدراويش
مبروك التحديث كان نفسك فيه ونلتيه
ربنا يحفظك انتى وحبايبك ويحقق امانيكى
سلااااام
حلو كتير الموضوع
الموضوع حلو كتير
الاخت شاهي ....... والاخ ابو الدراويش ألف سلامه على البنوته الصغيره ويا رب يكونوا بسلام وامان على طول هم واولدنا كلهم.
أنا طول عمري بقول ان هدوء الاعصاب والتفكير السليم في المواقف الحرجة بيكون هو الطريق السليم لحل المشاكل المفأجأة، كمان عرفت معلومه من يومين بس بتقول ان في ساعة الغضب أو العصبية أو الحالات المشابهة في مادة بتتفرز من المخ بتقلل من مستوى الذكاء في الاوقات دي.
شاركني بالتصويت على فكرة كتابي الأول
www.somood.blogspot.com
ياخبر ابيض
الولاد دول ساعات بيعملوا فصول فينا
بس الحمد لله ربنا بيلهم ساعتها
حمد الله على سلامتها
وعلى سلامتك
سلاماتى
لى لى
el hamdolellah 3la ad keda ...
salamy for Gabbara basha :D
and always Be strong shahy :)
ckjdsancj
mdsjvion knidjsaskmcdf,v osmv
ldsmkvdksnavfnodnvudbs vlv,lgklbsg[sdl.v'c;,l;sdmpkamsdlclDPDKFM'KDSAMS
C;SAD
[LLVMKNASDFJVDSFJVSD
انا كنت معلقة هنا قبل كدة بس مش لقية تعليقى بس عموما انا قولت اقولك الف سلامة عليها الجبارة - وكل الاطفال بيحصلهم كدة اختى بردك كانت على طول تعمل فينا مواقف من دى لما كانت بتشيبنا
a.samir
ايوة يااستاذ ملبس اية هو بقى جريمة اليومين دول والا اية
لو جريمة قول مفيهاش حاجة
انت شكلك كدة عينك في ملبسة ومكسوف
..................
رحاب مصطفى
ربنا يخليكي
الجبارة ماكرهتش الملبس هي قعدت كام يوم خايفة منة وبعدين نسيت
.................
عبدة محتاس
بعد الشر عنك من الخضة ياعم عبدة
هههههه هاقولة حاضر
علي
الأخ الصغير اللي مدوخنا وراة وعاوز يقفل مدونتة
المثل صحيح مع تعديل بسيط
يامخلفة البنات والاولاد ياشايلة الهم للممات
هى دى الضريبة اللى لازم ندفعها علشان نكون اباء وامهات
على كدة انا دفعت ضرايب كتير اويييييييي
انا بحاول فعلا اني اخلي عيني في وسط راسي بس زي مابيقولوا
الحزر لايمنع القدر
وربك يسترها
...................
الطائر الحزين
استاذ طائر بجد مالكش حل
كلمتين وبس
بارك الله لنا فيك
...................
الاء
هههههه حلوة مايقع الا الجبارة دي
الله يكرمك
.................
كلمات
الغالية اميرة هانم
يسمع منك ربنا والف شكر على الدعوة الحلوة
.................
سووووو
الله يسلمك
خليك انت كدة داير على حل شعرك بين المدونات وسايبني انا واخواتك
عندي يابني جلابيتين ابقى تعالى خدلك واحدة
...................
قلوب حائرة
ميرسي يابنيتي وميرسي تاني على الدعوة
................
بيبو
الله يسلمك
ايوة جبارة ايوة
......................
ايامنا الحلوة
حصل يافندم ولزقت اللبانة في شعرها قبل كدة بس اظاهر البت قالت تنوع المرة دي
افاق الحرية
ايوة معظمها مستشفيات مش كلهاههههه
..................
كاميليا
جوجو دي دلع الجبارة صح
عرفتها لوحدي
الله يسلمك يا قمراية وبعد الشر على قلبك
..................
دوبة
اخص عليا
معلش ياجميلة انا ماقصدش اخضك ولا اخوفك
انا كنت عاوزة ارعبك بس ههههههه
انتي باين عليكي قلبك خفيف
اجمدي شوية ياأم يوسف مش كدة
اما عن الترجمة ابقى اقولهالك في التليفون ان شاء الله
..................
الشنكوتي الكبير
صحيح مصائب قوم عند قوم فوائد
بقى عاوز كيس الملبس
ومالة مايغلاش عليك ياأبو الشنكيت
انا معاك ان الموقف لما بيكون لطفل بيبقى صعب بس تعمل اية بقى ومفيش غيرك ولازم تتصرف اكيد ربنا هايقوي قلبك شوية
والحمد لله اهي كلها مواقف وبتعدي وربنا يستر
.......................
خمسة فضفضة
وعليكم السلام ورحمة الله وبركاتة
الحمد لله
معلش انا عارفة اني مقصرة في زيارة مدوناتك بس ان شاء الله هازورك في المدونات قريب
.......................
عبد الرحمن مدني
الله يبارك فيك
هو مين اخوان ستايل دة؟
......................
بنت خيخة واي كلام
معلش على خضتك
والحمد لله على كل حال
سلامي لشريف
..................
صوت من مصر
اة كل دة من ملبسة
شكرا لمرورك
..................
فرنسا هانم
بحاول على اد مابقدر اني اخلي بالي
بس مش هارمي الملبس نبقى نقسمة سوا انا وانتي والشنكوتي
...................
الشنكوتي الكبير تاني بعد التحديث
مرتين في بوست واحد يادي الهنا يادي النور
معنى كدة انك سحبت كلامك الحلو في التعليق السابق والا اية
لأ خلاص انت قلت اني جدعة وطيبة في نفس الوقت كدة كويس شكرا ياشنكوتيييييي
يوميات عيل مصري
قريبي الجدع الجميل احمد
الف مليون سلامة على سلمى
وحمد لله على سلامتها وابقى طمنا عليها وعليك
واخيرا وبعد طول انتظار
كتاب يوميات اتنين مخطوبين نزل يا رجاله في المكتبات والمحلات
متوافر بمكتبة عمر بوك ستور
مكتبة مدبولى
الديوان بالزمالك
مكتبة ساقية الصاوى
وكمان حفل توقيع في: عمر بوك ستور
15 شارع طلعت حرب فوق مطعم فلفله ( عند محطة مترو السادات
من الساعه 6 مساء الى الساعه 9 مساء
وذلك يوم الجمعه الموافق 22 فبراير 2008
وقناة OTV هتيجي تصور حفل توقيع الكتاب
والدعوه عامه وهنبقى لمه
تعالوا شرفونا واحضروا معانا اللحظه دي
كلكم مدعوين
lovelyghost14
تحياتي لك بعطور الورد البلدي
...........................
نوني
الله يسلمك
انا جبت الملبس من هايبر وان ولسة عندي كتير هاحجزلك شوية
......................
اية
الله يسلمك
وهاوصل تحياتك ليهم كلهم
.......................
الكومي
متشكرين جدا دي اقل حاجة عندنا والله ههههههههه
دور كويس هتلاقي بلوجات كتيرة حلوة
...................
كلمات
انا كويسة الحمد لله
ربنا يباركلي فيكي ومايحرمنيش من سؤالك عليا انا واسرتي وكل حبايبي ابدا ابدا ولكي مثل الدعوة بأذن الله
......................
gannh
شكرا كتير
....................
gannh
كتير شكرا
.....................
يحيى
الاخ الصغير سناوالكبير عقلا
الله يسلمك وربنا يسترها على اولادنا جميعا
وبيب بيب اهلي
تحياتي
النجمة الصامدة
حاضر هاحاول
.................
لي لي
منورة كتير من هنا للسنة الجاية
الله يسلمك ياليلو
..................
كفاية طيبة
الحمد لله وبدعي ربنا انة يقويني بجد في المواقف اللي زي دي
تحياتي
....................
احمد رفعت
انا في انتظار الترجمة علشان مافهمتش حاجة بس برضة كنت سعيدة لما شفت اسمك منور
.....................
زي الهوا
افهم من كدة ان في حد غريب دخل المدونة وسرق تعليقك
انا من بكرة هابلغ واجيب اتنين حراس
ربنا يخلي بنت اختك ويحفظها
حمد لله على السلامه الا الاطفال والحاجات دى ابقى خدى بالك بس لانها صعبه قوى
دة الدكتور عمر عبد الكافي كان بيقول الحديث على برنامج الاحاديث القدسية
الحمد لله ان ربنا فوتها على خير ياما بيورونا العيال من شهرين كدة حصل مع بنوتي اسراء حاجة زي دي بس كان عندها 8 شهور وربنا ستر الحمد لله
هيجننونا باين العيال دي
اعتقد دة اول تعليق لكن مش اول زيارة
متابعة باذن الله
كان نفسك تعملى تحديث واحد
عملتى اتنين ياست الكل
الف سلامه ع الجبااااره
وفعلا ماشاء الله
تصرفك كان طبى بحتت
برافوووووووو
كان نفسك تعملى تحديث واحد
عملتى اتنين ياست الكل
الف سلامه ع الجبااااره
وفعلا ماشاء الله
تصرفك كان طبى بحتت
برافوووووووو
إرسال تعليق