اشمعنى لما الشبشب صغر عليا اديتة لمحمد ابن طنط نورة
انا : هو الشبشب زي النضارة وبعدين مفيش حاجة اسمها النضارة صغرت
هي : ماليش دعوة انا اخدتها خلاص خلي بابا يجبلك واحدة تانية
............................
اكتشفت اني لما بكون عاوزة اعلم اولادي حاجة كويسة
بعلمهم بضمير زيادة عن اللزوم لدرجة ان الحاجة الكويسة دي بتتقلب بعد كدة
لحاجات مش كويسة خالص
؟؟؟؟؟؟؟؟؟؟؟؟؟؟
لما كان الشينيور صغير شوية وكانت الرايقة لسة مشروع والجبارة كانت في علم الغيب
كنت بحاول اعلمة انة يقول السلام عليكم وهو داخل اي مكان
حتى واحنا داخلين الشقة واحنا عارفين ان مفيش حد فيها
ولما كان بيسألني انتي بتسلمي على مين ؟
كنت بقولة على الملائكة اللي في الشقة
وفضلت على كدة لغاية لما لقيتة داخل الحمام وبيقول
السلام عليكم يا بي بي
بس قعدت افهم فية ياحبيبي كلة الا الحمام
وهو ابدا انتي قلتي لازم نسلم في اي مكان
........................................
حكاية كمان حصلت مع الرايقة من كام يوم
الرايقة : ماما جارتي اللي تحت قالتلي ماتلعبيش مع فرحة بنت طنط نورة
علشان هي واختها ولاد بوابين
انا : تعالي هنا واية يعني ولاد بوابين وهما البوابين دول مش بني ادمين زينا
هي : ايوة ياماما
انا : هي مش طنط نورة دي اللي بتطلع تنضف معايا الشقة كل يوم
هي : ايوة ياماما
انا : مش هي اللي بتشيل اللعب بتاعتكم وتروق الدنيا وتشيل كمان الزبالة
اللي احنا بنعملها
وفرحة دي مش هي اللي بتجيب العيش الفينو اللي بعمل لكم بية السندوتشات
وانتي بتكوني نايمة في الدفا وهي اللي بتروح تشترية بدالك او بدال اخوكي
هي : ايوة ياماما
انا : يبقى الناس دي كويسة وبتساعدنا ولازم نحترمهم ونقدر التعب اللي بيتعبوة علشانا
هي : حاضر ياماما انا هالعب معاهم ومش هاسمع كلام جارتي
انا : ايوة كدة شطورة
وفات يوم واحد ياحضرات ولقيت الرايقة جاية ومبتسمة على الاخر
الرايقة : ماما يا ماما انا لقيت طنط نورة بتغسل سجادة قلتلها اساعدك ياطنط
بس هي مارضيتش مش انا كدة شاطرة ؟
طيب انا اعمل اية ؟ اعتزل عملية التربية كلها وخلاص
.....................
شكر لابد منة لدوبة علشان ساعدتني في تنزيل صور الجبارة
اشوفكم على خير
هناك ٥٦ تعليقًا:
مش قادرة اكمل قراءة
خايفة احسن دوبا تسبقنى
قولت احجز وارجع
ههههه
هالو دوبااااا
ولما كان بيسألني انتي بتسلمي على مين ؟
كنت بقولة على الملائكة اللي في الشقة
وفضلت على كدة لغاية لما لقيتة داخل الحمام وبيقول
السلام عليكم يا بي بي
بس قعدت افهم فية ياحبيبي كلة الا الحمام
وهو ابدا انتي قلتي لازم نسلم في اي مكان
........
وعودة اخرى
الحتة دى مووووتتنى ضحك
مش ممكن بجد
ربنا يحفظهم ويحميهم يارب
على فكرة الجبارة
رقيقة اوى وعسولة
ربنا يكتبها من السعداء
الصالحات يارب
تسلم ايدك
بحبك وبحب كتاكيتك الصغننين
كاميليا
الخايبة اهى اهى
الخايبة اهى اهى
كده تخلى فيفى تزعل من البنت وتنام عالارض - عالارض يا مفترية
وكمان ايه المشكلة انه بيقول السلام عليكم يا بى بى - كنتى ساعتها تكملى جميلك بقى وزى معرفتيه ان فيه فى الشقة ملايكة يبقى الحمام فيه ايه.......اسم الله عليكى ....شاطرة اهو وعرفتيه لوحدك
نيجى بقى لحبيبتى الرايقة وحبيبة ابنى
لازم برده تكملى جميلك وزى معلمتيها كل النقاط دى وانها تلعب عرفيها ايه هيه الواجبات اللى عليها وهيه فى سنها وايه المفروض على الآخرين
يعنى هيه المفروض تذاكر وتساعد وبما انها عاوزة تساعد طنط نورا يبقى تساعدك فى البيت لان طنط نورا بتعمل شغلها وهيه تعمل حاجات معاكى او تهتم بمذاكرتها
ده رأيى الشخصى طبعا
متحاوليش تقللى من قدراتك التربوية لانك ماشاء الله مربية تلات أطفال ربنا يحميهم وما شاء الله عليهم زى الورد
أحسنى نبتك
يحسن زرعك
تحياتى يا أخيب وأطيب واحدة عرفتها
هبة
ههههههههههههههههههه
ياخراشى
بقيت بموت ف اطفالك دول
ربنا يخلهملك يارب
بس بعد كده لما تحبى تعلميهم حاجه بضمير
ابقى اعملى منها الاكسكلوشن اللى عيزاه
قبل مايجو هما يقوعوكى فيه
يعنى حبيبى تقول سلامو عليكم ف كل مكان الا الحمام
كده علشان متقلبش بحجات غلط
هههههههه تحياتى ليكى
جميل قوي يا اخت شاهي انك عايشه تفاصيل حياة اولادك كده ، وفكرتيني بشخص فاضل كنت بشتغل معاه وقالي انه ندمان قوي عشان الشغل خلوه بعيد عن اولاده وهم بيكبروا ومعرفش يستمتع معاهم حتى بمشاكلهم. ربنا يخليكي ليهم ويطلعوا احسن ناس. وعلى فكره انا برده لو لعبت مع فيفي بخسر على طول تحياتي للجبارة والريقه والشنيور وابو الدراويش وليكي.
سلام
إيه الجمال ده بس
يا مدام شاهى انا خلاص قررت بعد ما شوفت الصورة بتاعت الجبارة
انى حجزتها ليا لما ربنا يسهل واكون نفسى فى سن ال65 اللى هو سن الشباب الفعلى
يا ريت الرد
بس يا ريت ادمان فيفي قصدى فيفا ينتهى لانى مليش فى الكورة
انتى عارفه مفيش احلى من ان الواحد يشوف ولاده وهم بيكبرو حوليه
ربنا يخليهوملك يا رب
سلامى
للجبارة والرايقة والشنيور وأبو الدراويش
كامي
طبعا دعوة رقيقة زي دي لازم تطلع من انسانة قمة في الرقة زيك
ربنا يسعد قلبك يارب
انا كمان بحبك جدا
.............
دوبة
يامهزئاني قصدي يامهنياني
انا عملت كدة يافندم بس مارضتش اطول في البوست انتي عارفة اني رغاية ولو سبت نفسي الناس هاتزهق من كتر الرغي
انا هاعمل نفسي ماشوفتش الكلمتين اللي في الأول واشكرك على البقين الحلوين اللي في الأخر
تحياتي وحبي ياشقية
.................
د/ اجدع بنوتة
الله يكرمك يارب
حاضر هاخد الملحوظة دي في الأعتبار علشان اوفر على نفسي
تحياتي يااجدع بنوتة دمها خفيف
.................
يحيى
اخي الفاضل يحيى سعدت كثيرا بكلماتك
دمت لنا بكلامك المفيد بس فكر شوية في حكاية الأ حضان اللي بمواعيد دي ههههه
انا سيبت لك تعليق عند كامي وهي كمان ردت على تعليقك التاني
تحياتي واحترامي
................
عبدة محتاس
اية دة يامحمد انت عاوزني اجوز البنت لواحد اكبر من ابوها
بقولك اية عاوزها خدها من دلوقتي وربيها انت بمعرفتك ومش بعيد تخليك ليك في الكورة دي جبارة يابني
تحياتي
هههههههههههههه
ربنا يخليهم لكم
بس انا رأيي من رأي أجدع بنوتة
حتوفر علليكي غرايب كتير
بس برضه مش حتقدري تعرفي كل الإستثناءات
لأن الاطفال بيبصوا للدنيا من منظور تاني غيرنا و ممكن اللي يجي في بالهم ما يجيش في بالنا أبداً
بس حاولي و ربنا يوفقك
:)
و سلامي ليهم و لأبوهم ربنا يعينكم
عارفة حضرتك أنا لما بشوف المواقف اللي بتحصل معاكي ومع أولادك
و كمان مواقف نوران مع شريف
ببقى نفسي أتجوز بسرعة و أخلف علشان يبقى عندي عفاريت
قصدي ملايكة زي اللي عندكم كده
بجد ما شاء الله عليكي وعليهم
ربنا يباركلك فيهم يا رب
على فكره بجد أنا معجبه أوي بطريقة تربيتك دي والله ... ربنا يكرمك فيهم ان شاء الله
بس فعلاً التربيه زياده شويه :))))
المشكله انك لو حاولتي تفهميهم ان دي حاجه ودي حاجه هيقولولك طيب ليه يا ماما اشمعنى ... وساعتها مممكن ماتعرفيش تردي عليهم!!!!
:) بس بجد ربنا يخليهم ليكي ويخليهملك يارب
ربنا يخليهملك يارب
والله مفيش اجمل من كدة
انى الانسان يكون عنده اطفال زى العسل
والمواقف دى هتفضل احلى ذكريات ان شاء الله
تحياتى
تحياتي
حضرتك تكلمتي في موضوع جميل...و بارك الله فيك علي ذلك و علي تعليمك لاولادك
وحرصك علي ارشادهم...
و ياريت يكون هناك حوار بين كل الاباء
والامهات و ابنائهم...كما بين حضرتك و اولادك.
تحياتي و تقديري.
D:
مش ممكن بجد حالة الضحك اللى بتجيلي من عيالك دول
ربنا يخليكي ليهم يارب D:
دانتي اللي جبارة اللي قادرة تستحملي
ربنا يخليكي ليهم ويخليهم ليكي
ويخليكم لبعض
تحياتي
هههههههه
بجد انا ضحكت اوى عند حتة فيفى هتزعل منى
لا بس بجد انا باحيكى على طريقة تربيتك لاولادك حتى لو هما فهموها بطريقة غلط بس الاولاد لما يتعلموا العطاء وعدم التكبر احسن من العكس حتى لو صدر منهم افعال خاطئة يعنى على قد فهمهم لما يكبروا هيفهوموا بس هيكونوا عارفين المعانى الجميلةالمزروعة بداخلهم
تحياتى ليكى
على حب
صحيح انا تهت بين الرايقة وطنط نورة والجبارة بس مش قادر امسك نفسي من الضحك وربنا يخليهمبك
معلش يا جماعة هارد على hero
علشان اوضح لة الامور
الرايقة والجبارة بناتي
الشينيور ابني برضة
وطنط نورة البوابة
فرحة بنت طنط نورة
ولو قريت كام موضوع من القدام هاتعرف تفاصيل اكتر
تحياتي
الف شكر على التوضيح والله حبيتهم من غير ما اشوفهم وربنا يخليهملك
اصل انا تقريبا عندي نفس الوضع مع العيال الصغيرة وولاد البواب بس مع اختلاف بسيط ان انا مش ابوهم
انا ابن عمهم
يا هلا يا هلا
ازيك يا شاهى أخبارك
والأولاد عاملين إيه وخطيبتى عاملة إيه
انا قلت ادخل أشوف الجديد وفعلا لقيت جديد بس مش فى البوست هنا لا فى بوست تانى
اما بقى بالنسبة انى آخد الجبارة من دلوقتى
مش عارف أقول إيه
بس انا غيرت رأيي لو هتجيبو الشقة والعفش والعربية والعريس
لا العريس لا امال انا ابقى مين
المهم
مش عارف
انا متلخبط بجد
انتى مين
وانا هنا بعمل ايه
يلا بس خلاص
سلام
سلميلي على أبو الدراوييش وقولى ليه
بيب بيب أمير
بيب بيب أهلى
أرقص يا أمير
هو مين أمير بجد
انا بسمع عنه كتير وقلت أشوف مين مش عارف
يالا خير شكله المدرب الجديد بتاع الأهلى
سلامى للجميع
والله باين عليا انى مهييس لانى منمتش من أربع أيام
يلا خير
الحمد الله
سلام بقى
بزمتك ياشيخة
يعنى بزممك دى جبارة دى
مين اللى نايم على الارض ومتعذب
مين اللى عذبها ومش عاوزها تلعب ومش هين عليها حت تشيلها من على الارض
ومع شوية دموع ومسكنة وهينزعوا منك لقب المربية والام
بجد تسلم ايدك
ربنا يبارك فيهم ويقر بهم عينك
وكمان الاسئلة المحرجة اللى بيسألوها
؟
تحياتى
كل أمنيتي في الدنيا أجوز و أخلف بنت صغيرة
أنا بحب البنات الصغيره جحدا جدا جدا
ربنا يخلي الجباره والرايقه
ويخليكي ليهم
حرام عليكى هى مستبده بس انما مش جبارة دى ماشاء الله الله اكبر سكر
وبعدين ما تسبيها تلعب مع فيفى ههههههههههههه
لا بجد انتى تربيتك ماشاء الله عليها كويسه
بس لازم تفهميهم شويه شويه هما عقلهم مش هيستوعب كل شئ اما الشنيور ده فسكر صديقى وبيسمع الكلام انتى زعلانه ليه
بس دى بشرى كويسه الحمد لله على انهم يسمعوا كلامك
ربنا يبارك لكى فيهم يا رب
شاشى يا عسل
انتى مربيه جامده قوى
وفعلا كل اللى انتى قولتيه للرايقه عن الشغاله سليم ميه الميه
اما عن النضاره
هى الجباره فهمت كده
وفهمت ان اى جاجه بتصغر لازم ياخدها الصغير
ومخها مستوعبش ان النضاره بتصغر
ولا
يمكن استوعب
ودى حيله من حيل الجيل الجديد ؟؟؟
اولا الصورة تجنن والجبارة نايمة على الارض
وصورتها عسولة اوى وهى لابسة النضارة
ربنا يحميها يارب
ههههههههههههههههههههههه
السلام عليكم يا بى بى
ههههههههههههههههههههههههههههه
هههههههههههههههههههههههههههههه
دى فطستنى على روحى من الضحك
وبجد برافو عليكى يا شاهى انك بتعلمى اولادك يعاملوا الناس كويس اى كان وظيفتهم او مستواهم
ربنا يكرمك يارب
بس بجد قوليلى عملتى ايه لما قالتلك كنت عايزة اغسل معاها السجادة
ابقى قوليلى عملتى ايه علشان لو اتحطيت فى الموقف ده ابقى اعرف اتصرف
ربنا يخليهملك يارب
تحياتى ليكى
اختك خيخة
ربنا يخلهاك يااااااارب
على فكره نصيحه سجلى ليها فيديو عشان لما تكبر تشوف نفسها وهى رايقه
ههههههههههههههه والله بجد
ههههههههههههههههههه
ههههههههههههه
ههههههه
---
"السلام عليكم يا بي بي"
---
روعة
ربنا يخليلك الشنيور والرايقة والجبارة
تبارك الخلاق
وأحييك على أسلوبك : في التربية وفي الكتابة
بسم الله ما شاء الله
ربتا يخليهملك ويخليكي ليهم بصراحة انا بستمع لما القي واحدة مهتمية باولادها وافكارهم الصغنونة وباكنلها كل احترام وتقدير ونتمني انك توضوحي للشنيور البي بي طريقتك معاهم جميلة جدا
اول مره ازورك بس بجد مدونتك وكلامك بجد تحفه.. واولادك ماشاء الله ربنا يحفظهك عسووولين جدا.. ليكى حق تكتبى المغامرات دى هههههههه ..
تحيااتى ومنتظرين المزيد ,وياريت تزورينى
دي اول مرة ازور المدونة و اكيد مش هتكون اخر مرة ان شاء الله بجد اسلوبك حلو ومضحك اوييي انا اول ما قريت معرفتش ابطل قراية ربنا يخليلك شينيور و الرايقة و الجبارة ويحميهملك ان شاء الله
السلام عليكم ربنا يخلهالك بنوتة زى القمر
ربنا يباركلك فيهم
الشنيور والجبارة والرايقة
ايه الأسماء اللى ما لهاش علاقة ببعض ده ؟
موقف الشنيور أضحكنى كثيرا
وشكل الرايقة رايقة خالص
ربنا يعينك ويقويكى عل تربيتهم
تربية العيال شكلها صعبة قوى
تقبلى مرورى
ههههههههههههههه
ربنا يعينك ويقويكي ويخليهم ليكي يارب
اول زيارة ليكي وان شاء الله مش هتكون الاخيرة
ادينا بناخد خبرة للزمن
تقبلي مروري
هههههههه ..ربنا يخليهوملك ياارب وتفرحى بيهم وهم كبار ..وكمان ربنا يكون ف عونك ف تربيتهم بس عجبانى موووت اسامى الشنيور والجبارة والرايقة فظيييييييييييييعة
هههههههههه
ربنا يخليهالك يااااااارب
ويحفظها من كل شر
بس لازم توعيهم شوية ما ينفعش كدا
العيال بالمنظر دا هيتاكلو لما يكبروا
هههههههههههههه
جميلة اوي اوي
بس مينفعش تعتزلي خااااااالص
شر لابد منة ربنا معاكي
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the MP3 e MP4, I hope you enjoy. The address is http://mp3-mp4-brasil.blogspot.com. A hug.
ربنا يحميهم يارب ويباركلك فيهم ويباركلهم فيكي
وبعدين ماتسيبي الجباره تلعب مع فيفي براحتها .. وبعدين تسيبيها نايمه عالارض
ّّ!! اون سيراميك
الشنيور ده والله واد مجدع وربنا يبارك فيه .. عامل زيي .. وانا صغير كنت حافظ مش فاهم .. ولغاية دلوقتي انا كده برضه عشان تبقي عارفه
------
وبعدين لو في اي حاجه اخواتي الصغنغنين عملوها ومحتاجين حد يفهمهم .. قوليلي انتي ومالكيش دعوة .. اخواتي بقى وانا ادرى بتفهميهم
قبل ما امشي .. كل سنه وانتي طيبه يا ماما شاهي
سلامووووووووووووز
ما شاء الله ولا حول ولا قوة الا بالله
زى القمر
كل سنة وانتى طيبة يا شاهى
وياريت امهات كتير يكونوا زيك كده
بجد ربنا يخليهملك
انا لما بدخل البلوج عندك بحس انى بسمع صوت اطفال بتضحك وبتجرى وصوتك وانتى بتزعقى وبتضحكوا
قصره بحس انى فى بلوج دافى كده ولذيذ
كل سنة وانتى طيبة يا جميلة
ويارب تفرحى بيهم كلهم ويباركلك فيهم
كل سنه وانتى طيبة يا شاهى عشان عيد الأم
الأولاد جابولك ايه ها
قولى قولى انا الفضول مبهدلنى عايز اعرف جابولك ايه
مليش دعوه لازم أعرف
علاسة بقى
ربنا يخليهوملك يا رب
مهندس مصري
شكرا يابشمهندس وعقبال لما تشوف اولادك وتقدر تعرف هما بيفكروا ازاي
وكلامك فعلا حقيقي بيفكروا في حاجات مش ممكن تخطر لنا على بال
تحياتي
....................
nigro
ربنا يقرب البعيد نفرح بيك وبأولادك كمان
شكرا لمرورك
....................
رحاب مصطفى
ازيك يارحاب عاملة اية؟
تعرفي انا حرمت كلمة اشمعنى دي
قلتلهم اللي هاسمعة بيقول الكلمة دي تاني مش هايحصلة كويس
يابنتي كل لما اعمل حاجة لحد التاني يقولي اشمعنى واحاول افهم اية هي اسبابي في كدة وهما ابدا مش بيرضوا يقتنعوا فقلت اريح دماغي والغي الكلمة دي خالص من قاموسهم اللغوي
تحياتي وسعيدة بتواجدك الدائم
..................
مدحت محمد
الله يكرمك يارب
والله انا في انتظار ان المواقف دي تبقى زكريات على احر من الجمر
تحياتي
الربان
سيدي الربان منور من هنا لسنة قدام
بيني وبينك التربية دي طلعت صعبة اوي والحوار معاهم اصعب بس الله المستعان
تحياتي
.....................
كفاية طيبة
ماشي ياسيتي انتي اضحكي وانا طالع روحي على العموم كلنا لها برضة ونحن السابقون وانتي اللاحقون
تحياتي
...................
سندباد
يامراحب يامراحب
انا جبارة دة انا غلبانة
ربنا يقدرني ويصبرني
تحياتي
...................
علي
يارب ياعلي اكون بقدر اعلمهم حاجة حلوة فعلا واتمنى انهم يفهموا زي ماانت بتقول
تحياتي وشكرا انك فاكرني على طول
صحيح انت كتبت حاجة جديدة والا لسة؟
وعملت اية في نتيجة الترم الاول؟
.....................
hero
لا شكر على واجب
انا بكتب الموضوع ومش بوضح مين الرايقة ولا الجبارة على اساس ان اللي بيدخل عندي عارف انهم بناتي بس بعد كدة هاخد بالي وابقى اوضح
شكرا انك خلتني اخد بالي
تحياتي
عبدة محتاس
اية دة ؟ رجعت في كلامك
شقة اية وعربية اية؟
بقى انا قلت اديهالك من دلوقتي واوفر تقوم انت تقولي نجبلك شقة وعفش
امشي من هنا يالا عاوز تتجوز على الجاهز
رجالة اخر زمن
ياخبر ابيض على الدماغ البايظة
امير دة حارس المرمى بتاع الاهلي
مدرب اية بس
خش نام ياعبدة ضحكت الناس علينا
سلام
...................
الطائر الحزين
يعني انا اللي طلعت جبارة في الاخر
اة ياني
طيب مين اللي اتعذب من صوت العياط؟
ومين اللي قفل الباب على باباها واخواتها علشان مايصحوش ويبقى يوم مش فايت؟
ومين اللي صورها وهي نايمة؟
ومين اللي شالها وحطها في سريرها؟
ومين اللي غطاها؟
اكمل والا كفاية كدة؟
تحياتي يا استاذي الفاضل
بارك الله لنا فيك
.......................
محمود سليمان ابو العزم
انا كمان بحب البنات جدا جدا
ان شاء الله ربنا يرزقك بالبنات والبنين كمان
بس قولي انت بتقول بتحب البنات الصغيرة جدا طيب لما يكبروا هاتعمل فيهم اية؟
تحياتي
........................
ابي
والله ياابي هما لغاية دلوقتي بيسمعوا كلامي الله اعلم بعد كدة اية اللي هايحصل
انتي عارفة ان بة بيجي على العيال وقت يعندوا فية دة غير بقى فترة المراهقة يالهوي فكرتيني لية
اقولك ربنا يستر
تحياتي
..................
فرنسا هانم
ممكن تقبلي مني البوسة دي اموووووووة
اعتقد انها حيلة من حيل الجيل الجديد
ياخبر ابيض اما دة جيل ياستار يارب
تحياتي
...................
بنت خيخة واي كلام
نونو ازيك
انا فعلا بحاول اخليهم يعاملوا الناس كويس بس مع الشنيور مش عارفة خالص صعب اوي التعامل معاة ومع عصبيتة وبحاول على اد مابقدر اني اخلي دايما حوار بيني وبينة بس هو حقيقي متعب جدا
اما عن الرايقة لما قالتلي انها كانت عاوزة تغسل السجادة مع نورة
قلتلها ماينفعش تعملي معاها كدة ولو عاوزة تساعديها ممكن ماتبهدليش الدنيا هنا في البيت وتشيلي كل حاجة في مكانها وبكدة تبقي ساعدتيها وساعدتيني انا كمان
طبعا قلتلها كل الكلام دة بعد لما فقت من صدمة كلامها معايا
يارب اكون قدرت افيدك
تحياتي
بطوط حبوب
حاضر اول لما اشتري كاميرا فيديوا هاصورها على طول ان شاء الله
تحياتي
.....................
خبيب
شكرا على تعليقك واهلا بيك وكويس ان احنا قدرنا نضحكك
تحياتي
....................
نفرتيتي
الله يبارك فيكي وعقبالك ان شاء الله
واطمني الشنيور خلاص مابقاش يقول كدة
تحياتي
......................
الشموع السوداء
اهلا بيكي وان شاء الله ازور مدونتك
تحياتي
.................
golden angel
الله يكرمك يارب
اجي انا اية جنبك وجنب مامتك
تحياتي وهاستناكي تاني بأذن الله
.....................
رئيسة حزب الاحلام
وعليكم السلام وبارك الله فيكي
تحياتي
...................
اللؤلؤة المكنونة
اهلا بيكي
لو قريتي بوست الأجازة جت اللي انا كتبتة من زمان هاتقدري تعرفي انا لية سميت اولادي كدة
فعلا التربية طلعت صعبة جدا
تحياتي
.....................
the queen
ايوة خدي خبرة واسأليني انا مدوباهم تلاتة هههههههه
ربنا يبارك فيكي
تحياتي
....................
المتمردة
ربنا يبارك فيكي
الاسامي دي صفات بتوصفهم ولو قريتي بوست الاجازة جت هاتعرفي انا بقول عليهم كدة لية
تحياتي
......................
النجمة الصامدة
اوعيهم اكتر من كدة
طيب ازاي؟ قوليلي اعمل اية؟
تحياتي
والله طب دى عسولة خالص ولا جبارة ولا حاجة اومال يعنى هتدلع على مين تعالى شوفى بقى بنت أختى انا بتعمل فيا ولا عليها حب إستطلاع فوق الفظيع مش عاتقة لا كممبيوتر ولا كاميرا ولا أى حاجة عموما
ربنا يخليهالك
المنسى
http://elmancy2000.blogspot.com/
البوست رائع...و دمك خفيف جدا.. و موتيني من الضحك.. ربنا يخليلك اولادك و يعينك على تربيتهم يارب .. اما بالنسبة للاستاذ شنيور فاحمدى ربنا انه داخل يعمل بي بي بس مش حاجة تانية....اما الجبارة ... فبرضة احمدى ربنا انها سألتها تساعدها بس .. و مامسكتش فى ديلها و دخلت وراها فى شقة تنضفها .....
ربنا يعينك على تربيتهم
إيه ده أنا رديت رد تانى
فين الإجابة
أنا عايز أعرف الأولاد جابولك إيه مليش دعوه
أنا لازم أعرف
فين الجديد العناكب هتبدأ تشتغل
يا ربى على الناس تسيب الحاجه بره كده لغاية ما تبوظ
بسم الله ماشاء الله جباره فعلا ربنا يخليهالك يارب
ومين سمعكيا اختشي
احنا في الهوا سوا
ربنا يخلهملك ويبارك فيهم
تحياتي
ماما وحشتيني قوي بس والله أنا اساسا بقالي مدة مش بتابع أي مدونة وده والله لظروف خارجة عن ارادتي بس الحمد لله واول حد اسيب عنده تعليق هو أنتي وحشاني قوي ووحشني جو المدونات والسلام عليكم شوفتي أنا شطورة ازاي
عزيزتي شاهي
بجد ضحكتيني من قلبي
هقوللك ايه غير ان ولادك زي العسل وربنا يخليهملك
السلام عليكم يا بي بي
:)
العجيب بقا لو
الولد سمع حد بيرد عليه السلام
وعليكم السلام يا حبيبي...شفيتم مقدما
فعلا.. انا ناوي اعتزل التربية ، بس تعرفي..انت لفتي نظري.. انا ممكن اصبر كام شهر كدا واجمع شوية حاجات من دي للعيال وانزلهم في موضوع جبار
لاني كل يوم الواحد بينضرب قلم كالصاعقة من ردود عياله
تحياته
وسلمي لي على الشنيور والجبارة والرايقة
والمظلوم
...طبعا معروف هو مين
اين انتي يا ماما شاهي
غبتي وغيبتك طولت
قلقتينا عليكي
ربنا يرجعك لينا بالسلامه ياااااااارب
سلاموووووووووووووز
مشمش
ميرسي خالص
وفعلا ماينفعش اعتزل اهئ اهئ اهئ
تحياتي
....................
MP3 @MP4
انا دخلت على الموقع بتاعك ومافهمتش حاجة هاستعين بصديق واحاول مرة تانية
تحياتي
.................
سوووو
ابني الغالي
بس ياولد انا زعلانة منك
كدة برضة سايب اخواتك يعملو فيا كدة
وبعدين ازاي واحد خبرة زيك يقول على البورسلين سيراميك سبت اية للناس العادية بقى
وانت طيب ومش هازنقك واقولك فين الهدية
انا مش فارقة معايا اوي السنة دي بس عارف لو ربنا اداني العمر للسنة الجاية ودخلت عليا ايدك فاضية مش هايحصلك كويس
سلام ياولدي
.....................
اية
وانتي طيبة يا اية
كلماتك اسعدتني اوي اوي اوي وحسستني بأحساس غريب مش عارفة اوصفهولك
بس اية دة انتي بتسمعينا بجد والا اية؟
انا فعلا لما بزعق العيال بيضحكوا وببقى هاتجنن وعاوزة اعرف هما بيضحكوا على اية
تحياتي
.................
عبدة محتاس
خلاص يازنان هاقولك
هو كان المفروض ان ابو الدراويش هو اللي ياخد العيال ويختار معاهم الهداية بس علشان هو مش فاضي فقامت بهذة المهمة مامتي ربنا يخليها
تفتكر بقى هاتكون الهدايا اية؟
فكر شوية
خلاص بلاش هاقول اهو
الشنيور جابلي 4 كيس خدادية مش عاوزة ضحك
والرايقة 6 اطباق صغيرة وفضحتني عليهم كل لما تشوف حد تقولة انا جبت لماما 6 اطباق ولما شافت اخويا قالتلة ياخالوا انا جبت لأختك 6اطباق مش واحد بس وكل اللي تقابلة من العيلة تقولة نفس الكلمتين دول
اما الجبارة فجابت ساعة صغيرة واتنين فازة صغيرين برضة
استريحت دلوقتي
قولي بقى انت جبت لمامتك اية؟
سلام
....................
المنسي
ربنا يخليلك بنت اختك
وعقبال مانفرح بيك انت كمان
اما بالنسبة لحب الأستطلاع مش هاقدر ارد غير بكلمة واحدة
اةةةةةةةةةةةةةةةةةةةةة
يارب اكون اللي اقصدة وصلك
تحياتي
.....................
واحدة مفروسة
الحمد لله
الحمد لله
الحمدلله
كدة كويس والا اقول كمان
نورتي يامفروسة
تحياتي
...................
عبدة محتاس تاني
رديت عليك فوق
...................
صوت من مصر
الله يكرمك متشكرين
.....................
NONOYMM
الاخت زي حالاتي برضة
ربنا معانا
تحياتي
....................
قلوب حائرة
شطورة ياهبة بس ياترى اية هي الظروف دي؟ يارب تكون خير
شكرا انك فكرتي فيا
شكرا لية دة واجب عليكي والا انا امك بالأسم وخلاص هههههه
انتي كمان وحشاني خالص وبقالي كتيررررررررررررر مش بكلمك في التليفون بس تتعوض ان شاء الله
......................
الأء
انا سعيدة جدا اني ضحكتك من قلبك
ربنا يسعدك يارب
تحياتي
اكتب بالرصاص
اية الرعب دة الحمد لله ماكانش في حد بيرد علية
طيب دي فكرة كويسة وحضرتك ماشاء الله اسلوبك جميل واكيد الموضوع هايبقى قنبلة
ربنا معاك
ايوة طبعا عرفت هو مين المظلوم اكيد انا ... صح
تحياتي
..................
سوووو
انا هنا ياولدي
اشكرك على السؤال
ودة شئ كان متوقع منك
سلام
الجبارة شكلها جميل فى النضارة
انا فى الصف السادس الابدائى
تصدقى
انا ضحكت ضحك محضلش فى عمرى
عاوزة انزل المسجد وقاعده اقرأ فى مدونتك
ربنا يحفظهم لك يارب
إرسال تعليق