وحشتوني......وحشتوني........وحشتوني.......اهلا..اهلا
دة كان جزء من اغنية وردة حبيت ابدأ بية
عبدة محتاس اللي بيعلق عندي بيقول ان العنكبوت عشش في المدونة ماشي مقبولة منك يا عم عبدة
انا سافرت اسبوع واحد كان المفروض اقول اني مسافرة زي ما دوبة عملت بس ماكانش عندي
وقت خالص ولما سافرت حاولت ادخل على الموقع من اي كافي نت ولقيت واحد فعلا بس
كان عندهم فيروس بيخرج من على النت
ملحوظة مهمة جدا
ابو الدراويش ماكانش معانا
الملحوظة دي علشان النق كفاية اللي حصل لدوبة
نكمل بقى موضوع التلاجة
هاتقولوا في اية تاني التلاجة اتصلحت والراجل ماعرفش ينصب عليكي...............ابدا
الراجل صلح التلاجة يوم الثلاثاء وانا سافرت يوم الجمعة
اتصل بيا ابو الدراويش يوم الاحد وقالي التلاجة باظت
انا:لية اية اللي حصل؟
الدرويش:معرفش انا جيت افتحها لقيت النور مش بينور والموتور مش شغال
انا:يادي النيلة طيب سيبها لغاية الصبح وبعدين نشوف هانعمل اية
اتصلت الصبح وقالي
ايوة اشتغلت بس تقريبا اللمبة محروقة
انا:منة لله المندوب النصاب اخد اللمبة الاصلية بتاعة التلاجة وساب لي اللمبة الوحشة
طبعا هاتقولوا عرفتي منين انة غير اللمبة ولما هي لمبتك سليمة سيبتية يغيرها لية؟
اقول لكم
بصراحة انا ما شوفتهوش وهو بيغير اللمبة بس لما نزل وفتحت التلاجة لقيت
النور قوي جدا مش زي النور العادي بتاع التلاجة
فعرفت انة غير اللمبة مش عارفة ويمكن نيتي هي اللي وحشة بس اللي انا متأكدة منة
ان مش دة نور اللمبة بتاعتي
المهم وصلت القاهرة يوم الجمعة وقلت لازم اعمل شكوى في الراجل ابو طويلة دة
اتصلت فعلا يوم السبت بالشركة وبعد كلام كتير مع اللي رد على التليفون
قالي:شوفي يا مدام المندوب كاتب في التقريران تلاجتك بايظة ومحتاجة900 جنية
علشان نجيبها الشركة تتصلح وهو قالك الكلام دة صح
انا:يا نهار اسود ماحصلش دة صلحها وقالي كلة تمام دة حتى قالي لو مش عاوزة تمضي على التقرير
مش مهم
هو:ازاي يعني التلاجة عندك شغالة
انا:ايوة
هو:مش ممكن
انا: يا عم وانا هاكذب عليك لية..واللهي شغالة انا كنت متصلة علشان اقول لكم على اللمبة اللي هو
غيرها واتحرقت بعد اربع ايام
هو:لأ المندوب ماغيرش حاجة
انا:لأ غير اللمبة والمندوب دة مش كويس ما تبعتهوليش تاني
هو:مش ممكن يعني يغير اللمبة ويدفع لك خمسة جنية من جيبة وبعدين المندوب دة كويس جدا
دي الناس بتطلبة بالأسم
انا:لية نانسي عجرم
هو:افندم
انا:لأ مفيش ممكن تبعتلي واحد غيرة
هو:خلاص هابعتلك واحد بلمبة جديدة يوم الاثنين
اوف اعوذ بالله الراجل اتقلب مرة واحدة لمحامي للمندوب ومش عاوز يفهم اي حاجة
حاولت افهمة ان اللمبة بتاعتي كانت سليمة وهو اخدها يعني مش هايدفع حاجة من جيبة
وهو ابدا مصمم ان المندوب كويس جدا وشاطر ومطلوب
وأديني اهو في انتظار البلوة الجديدة قصدي المندوب الجديد
سلام مؤقت لما نشوف اية اللي هايحصل تاني
هناك ٢٥ تعليقًا:
ده مسلسل بقي
اه حمدالله علي السلامة الاول
مسلسل التلاجة الغامض
ياتري مين سرق اللمبة ياتري المندوب ولا شاهي عملتها وسافرت
انتظروا الحلقة القادمة
وحشتينا والله
تحياتي
ياجبيبتي فداكي مليون لمبة ... ال لمبة ال المهم الصحة سيبك انتي
وحمد لله على السلامة ياراجع من السفر وسمعنا سلام صعيدي ياجدع لرجوع شاهي بالسلامة عشان تنورلنا المدونة من جديد
تربيتييييييت
تحياتي
ندعوكم لزيارة مدونة خليك فى البيت ومتابعة باقى التعليقات ومتابعة الرد على كل الأستفسارات ومحاولة نشر الفكرة أكثر
عزيزتى
انا راى بدل ما تغيرى الراجل غيرى الشركه وشوفى حد تانى يصلحالك
كده كده هتدفعى
وانتى كمان ما قطعتيش العرق وسيحتى دمه من الاول وسالتيه عن اللمبة
سلام
الحمد لله على السلامة
بس قولي لي ...إجازو أيه دي اللي تسافري فيها لوحدك وتسيبي ابو الدراويش ..!
طيب كنت خدتي اختك وحبيبتك طهقانة معاكي
كنت ريحتي اخوكي و
شوية
ثانيا
لمبة ايه دي اللي عمالة لك قلق
فداكي اللمبة
اتن غيري التلاجة
والا اقول لك
ولعي فيها
والله ليك وحشة يا شاهي يا اختي
ومستني البوست الجاي
تحكي فيه عن الاجازة
وكل ده عشان لمبة
طيب متولعى شمعة وخلاص
هو يعنى الناس قبل الكهرباء كانت عايشة ازاى
انا برده عاوزة اعرف ازاى اجازة من غير ابو الدراوييش
ثم زى ميراج مبيقول اديها شمعة اديها شمعة
شكلك مش هتجيبيها لبر مع الشركة وهيحطوكى فى البلاك ليست للعملاء المزعجين - بقى يا مفترية بتتبلى عالراجل انه سرق اللمبة - ده بدل متقولى كتر خيره انه خلالك التلاجة تنور اكتر - ثم اكيد اكيد اللمبة اتحرقت علشان الكهربا البايظة بتاعتكو - تلاقيكى نقيتى الكهربا المرة دى كحلى - مش انا قلتلك الكهربا الحلوة بمبى قبل كده - ركزى بقى - مليتو البلد
انا اعرف واحد شاطر بتاع تلاجات على فكرة - يلا سلام بقى وعاوزاكى تبقى ناصحة المرة دى كمان
هوبا
ba2olek eh
be3ey el talag beta3tek deh w 2eshtery wa7da gededa men sdhare3 3abd el 3aziz:)
enty to2afy ganb el ragel w howa beysala7ha w te3mely fahma kol 7aga howa beye3melha w kol shewaya 2es2aleh 3ala el fady wel malyan hay7es enno metra2eb w hayeshta3'al b zemma
w hatla2y el talaga zay el fol
matsebehomsh ma3 el talaga lewa7do
ma3andenash talagat teban 3ala 3omal seyana
إيه ده انا مش مصدق عنيا يااااااااااه
أخيرأً مفيش عناكب دا انا حلقت قرعه عشان العنكبوت مش يلف على شعرى طيب ما كنتى تقولى كنت أسيب شعرى الحرير :( يا خشارة بكرة هيطلع تانى
اولا حمد الله على السلامة يا ستى
ثانيا ً إيه حكاية التلاجة اللى انتى كل شوية جايبه سيرتها الله يرحم ايام زمان كان الواحد بيجيب التلاجة يموت وهى تكون لسه بصحتها لاكن هتقوليلى تلاجات الايام دى اللى عامله زى نانسي عجرم ومش عارف مين
شوفيلك تلاجه كده من القدام دول اللى بيعمرو مع الواحد ولا أقولك هاتيلك شوية تلج وحطيهم فى صندوق خشب وحطى فيه الأكل عشان يبرد
أما بالنسبة للست دوبا اللى جاية من الإسكندرية بقى ودماغها فى العالى أنا مش بحسد أنا بنق بس :))بتقول إن إنتى مفترية وبتتبلى على الراجل
أنا بقول وقدام كل الناس انك مش مفترية ولا بتتبلى
لإن اللى دوبا مش تعرفه ان الراجل هابش 10 جنيه من غير ما يعمل حاجه يعنى الراجل سرق لمبة وسيادتك اديتيله 10 جنيه بتقوليله شكرا يا مان على انك سرقتنى وخد العشرة جنيه دى من عندى واوعى تقطع الجوابات فيه كتير فى التلاجة عايزة تتسرق
والله العظيم
أنامهيس تقريبا وبقول كلام مش عارف هو ايه بس المهم والأهم إم سيادتك رجعتى بالسلامة ونضفتى البلوج عشان العناكب بس انا شايف عنكبوت نونو كده على الجنب فوق اهو على الشمال نضفو بضمبر بقى :P
طيب ماشى سلام بقى مؤقت وابقى سلميلى على ابو الدراويش والأولا
يا جدعان منعا للقلق و الإشاعات
الإتفاق كان كده من الأول و ماشى زى الساعه الحمد لله
شاهى ليها أجازه منى علشان ترتاح من زنى
مره مع عمى
و مره مع أبويا
و مره مع حمايا
و لينا أجازه مع بعض إحنا و العيال
أما اللى مش عارفين ننفذه
هو إننا نزوغ من العيال
لكن كل أتٍ قريب إنشاء الله
و بعدين الواحد إن ماكانش يضحى علشان شاهى يضحى علشان مين
على فكره أى حد عايز حاجه من الساحل يقول
أنا طالع مع شله هربانين من بيوتهم لمده أربعة أيام فردانى
بدون زوجات بدون عيال بدون مديرين بدون عملاء
زباين يعنى
و علشان ماحدش يخدم و يضرب أسفين
ده برضه ضمن الإتفاق
و سلملى على أوسلو
طبيعى أن الرجل يدافع عن نصيرة لان ان كان ما تقولية صحيح يبقى كل اللى هناك حرامية وبيقسموا ما بينهم
وبعدين الاجهزة مفيش حاجة اسمها تمضى انها شغالة لانها ممكن تشتغل دلوقتى واول ما الناصح يمشى تبوظ
وبعدين هى الثلاجة فى الضمان ولا برة الضمان
لو فى الضمان يبقى حقك
لو برة الضمان يبقى اى حد من برة يصلحها أحسن
تحياتى
مش عارف كل ما ىجى اخش على المدونة لازم أوطى ليه أكيد خايف من العنكبوت آه العنكبوت انشال خلاص بس اللى يتلسع من الشوربة ينفخ فى العنكبوت
إيه يا أبو الدراويش هترب وتروح فين
أيوا يا عم الساحل الشمالى وما أدراك ما الساحل الشمالى أوعدنا يا رب
يا ريت يا ابو الدراويش تجيبلى معاك شوية رمل اصفر من هناك أقعد أشم فيهم الصيف ده
اه يا عينى يا شاهى اللى كنتى خايفة منه حصل
أهو أبو الدراوييش فتن على الاتفاق والنق هيبقى للركب عليكى وعليه وعالعيال
يا عينى يا ختى وانا اقول انضربتى عين ليه - يلا البقاء لله يا شوشو - كانت طيب والله اهىء اهىء
سلالالالالالالالالالالاموز --- هبة
حمد لله على السلامة يا شوشو ده اولا اما ثانيا ماشي ياشوشو وانتي عارفة ماشي ليه ثالثا احسن بقي علشان مجبتليش الفوط والهريسة ولا البت شيرين قالتلك اني بعمل دايت اقولك سليميلي على الشنيور وسلاموز على راي دوبا
غيه يا شاهى انتى فين هو ابو الدراويش لسه مسفرش ولا إيه انا قلت أخش أغلس شوية بس إظاهر ان مفيش حد فى البيت النهاردة
يلا خير طمنينا عليكي وعلى أبو الدراويش والعيال
ويا ريت يا ريت حلة محشى كده وفرختين عشان طالع انا والبت ستيته على الترعة النهاردة نقضى اليوم مع بعض ومفيش أى لقمة
يلا خير
سلامووووز دلوقتى
هو صحيح موضوع اللمبة بسيط
لكن بيعبر ان مبقاش فى ضمير عند الناس
واللمبة برضه على بساتطها لكن والتلاجة ضلمة كدة دي مشكلة برضه
يلا خير إن شاء الله
ونقري الفاتحة على عم ضمير :(
تحياتى على اسلوبك الممتاز
ماشاء الله :)
خير فينك
شكرا لكم كلكم يا جماعة
انا وجعت دماغكم بالتلاجة بتاعتي
بس احب اطمنكم ان المندوب الجديد ركب اللمبة ونورها عادي وكويس وكلة تمام
واهو الواحد اتعلم
واخدت قرار جبار
في القريب العاجل ان شاء الله هاشتري تلاجة جديدة ومش هاتكون كريازي خالص
هانقل على ايديال
اية رأيكم؟
في اي شكاوى من ايديال
ملحوظة
بعد ما ابو الدراويش خلع على الساحل
رحت انا والعيال عند ماما
وماما مش عندها نت
الملحوظة دي علشان عبدة محتاس اللي فاضحني كل شوية بالعنكبوت
وسندباد اللي دائما بيسأل عليا
وسلام مربع قصدي مؤقت
لا اله الا الله
ما كان من الأول تغيرى التلاجة كويس انك تقعدى توجعى دماغنا بيها واللمبة مش عارفه ايه وايه والتلاجة بتمشى وهى نايمة حرام عليكي انا قربت ألسع مع انى لاسع من زمان دا انا لسه مدخلتش دنيا
المهم ربنا يرجع أبو الدراوش بخي باذن الله اللى انا متوقع انه هيتصدم لما يعرف انك عايزة تشترى تلاجة جديدة مش عارف هيعمل ايه نفسي اشوف تعابير وشه اوى المهم ابقى طمنينا عليكي وسلميلى على العيال وعلى ابو الدراويش
سلام مربع لعى رأيك
salam
ايه رحتى فييييييييييييين !!!!!!!!!!!!!!!
هو ده اللى سلام مؤقت
اهم حاجه حمد لله علي سلامتك
هي دي الزمه بصحيح هو حضرتك مش بيسرقك انتي بس لا دا بيسرق الشركه اللي بياكل منها عيش
بس ماضيقيش نفسك دي بقيت حاجه عاديه بتحصل للناس كلها
سلامي ليكي ولابوا الدراويش
الحقى يا شاهى العنكبوت بدأ يعشش تانى وانا معنديش استعداد احلق قرعة تانى شوفى ليكي حل ولا أجرى حد يفتح المدونة دى فى غيابك حتى يهويها شوية انتى فين من زمان مسمعناش صوتك
وازى ابو الدروايش هو رجع ولا لسه ربنا يرجعه بالسلامة جيت أخش عنده فى البلوج بتاعه لقيت العنكبوت مش عشش لالالا دا احتل المدونة من زمان
هو ايه الحكاية دى بقى فهمونا
سلامى للأولاد
إيه ده هو انا بس اللى بخش البلوج ده ولا ايه
ما انا عايز اعرف شاهى جابت التلاجة الجديدة ولا لآ انا مش عايز أحسدها انا بنق بس ونفسي اشوف ابو الدراويش وعلامات الفرحة على وشه وهو بيدفع الفلوس بتاع التلاجة الجديدة يا خرابى نفسي والله شاهى تصورها بالتليفون وتجيبها نتفرج عليها أنا أقصد التلاجة محدش يفتكر حاجه تانية عشان أبو الدراويش ميزعلش منى
كده كتير اوي خير في ايه
انتي زهقتي مننا باين عليكي
يا خرابى على العنكبوت
المهم ليكي تاج عندى
إبقى تعالى خديه بقى أصل تقيل عليا
خلى أبو الدراويش يجيب العربية وييجى ياخده بقى
إرسال تعليق