عاوزة اتكلم عن ربع يوم من عمري
ربع يوم حسيت فية بمشاعر كتير قوي قوي مش عارفة هاقدر اوصفها ازاي بس هاحاول
قامت المدعوة هبة قلوب حائرة بترتيب مقابلة بيننا وجابت معها شخصيتين رائعتين
اية العك دة هو الكلام غامض كدة لية ؟ هي فزورة
معلش اعزروني
المقابلة اللي بيننا اقصد بيها
دوبة وابنها الرقيق يوسف وشيرين ايامنا الحلوة
وهبة قلوب حائرة والعبد لله شاهي
اما عن الشخصيتين فهما
اوشة مكان في القلب ومها سكوت هنصوت
هتكلم في الاول عن اوشة
انسانة عسولة قوي ومرحة جدا وطول ماانت قاعد معاها متحسش انك غريب عنها
حقيقي انا كنت مستمتعة جدا بكلامها وهزارها
مها
بنوتة زي السكر وعليها افكار جامدة موت ولها شخصية متألقة ومحبوبة
وبعدين دي برج العقرب زيي تبقى ليست قوة واحدة ولا اثنين بل ثلاث قوات فعّالة
شيرين
كتكوتة هادية خالص بتفكرني بالرايقة بنتي
شيرين غاوية تصوير ماسابتش حاجة ماصورتهاش شكلها ناوية تفتح معرض
هبه
دي بقى انا بحس بجد اني امها هو انا كدة ابقى كبرت نفسي شوية
بس هو دة احساسي وانا بتكلم معاها
دوبة
الجميلة دي بقى انا بحس انها اختي بجد
يعني لما نزلت علشان اقابلها مكنتش حاسة اني رايحة اقابل حد غريب
حتى لما طلعنا البيت كنت حاسة فعلا انها اختي وواقفة معايا علشان نستقبل الضيوف
ولقتني باخد رأيها في كل حاجة حتى الكبيات اللي هاقدم فيها الشاي والنسكافية
انا عندي اختين وربنا رزقني بأخت تالتة هي صحيح مش عاوزة تقولي يا أبلة
بس مش مهم أهي برضة اختي
يارب اكون قدرت اوصل مشاعري ليهم
ويارب تدوم المحبة بيننا
ويارب نتقابل تاني كتيييييييييييير
لان فعلا الوقت مرّ بسرعة جدا جدا
ايوة صحيح علشان اكون صادقة في كل كلامي
في حاجة زعلتني في المقابلة دي
وهي اني نسيت اقدم لهم حمص الشام اللي كنت عملاة
معلش بقى مرة تانية
بحبكم أوي
هناك ١٩ تعليقًا:
يا عينى يا عينى على الكلام الجامد
ربنا يهنيكم و يوعدنا يا ستى
ااااااااااااه
من اولها كده زعلنا ابو الدراوييش
معلش يا افندم اخدنا منك المودام لربع يوم حقك علينا
زى ماتكلمتى عننا احب ان انوه ومن موقعلا هذا بالبيان التالى
شاهى
مجموعة من المشاعر الدافئة الحنونة الوفية ذات قلب من دهب متألقة ومضيافة للغاية أمتعتنا جميعا وأشعرتنا وكأننا بمنزلنا الكبير وااله كأنه بيت العيلة والاخوات متجمعيين
أحببت فقط للذركى ان اخلد كم انتى انسانة لا يوجد منها الكثير فى هذا الزمان فانتى من تسمى امرأة من زمن الحب الجميل
تعشق بيتها وزوجها الكريم وابنائها الثلاثة - اللهم احفظهم - تعيش بالحب وللحب وتبث الحب لكل من حولها
اشكرك لاتخاذى اخت ثالثة لكى وذلك مدعاة لفخرى واشكرك لاعطائى الفرصة للتعرف على اصدقاء جدد من الصعب فى الحياة مقابلة مثلهم
لكى منى كل التقدير والاحترام والحب
يا ابلة شاهى
يلا خليها علينا
احبك فى الله
هبة
ابو الدروايش الي كسفته بيقر علينا ولا ايه يا ماما من فضلك ياماما قوليله ملهوش دعوة بينا علشان نقعده معانا المرة جاية بس والله كان يوم تحفة موت مووووووت والله وكنت قايمة بدور المضيفة لدرجة اننا حسنا ان البيت بيتنا وانطلاق غريب كنا عايشين فيه والله يوم نتمني يتكرر بس عندنا بقى كفاية الهجوم المسلح الي حصل يا شوشو سلامي للريقة قوي
بجد بجد ياشاهي كان اسعد يوم في حياتي ومقابلتك لينا تحفة بجد ربنا يخليك لينا ويفضل بينا دايما الحب يااااااارب وبجد بحسد ابو الدراويش عليكي وعلى قلبك اللي كلو حنان وطيبة وغير كده ست بيت من الدرجة الاولى
تحياتي ياقمر وانا هنزل بوست كمان تفصيلي شوية عن الصحبة الحلوة دي
يا جدعان قلنا التجمعات دي ممنوع الحكومه مانعه التجمهر
بس خلاص عدت على خير الحمد لله
وبعدين يا ستي انتي نقيتي اطيب واجدع المدونات علشان تقابليهم
ربنا يكرمكم
اه صحيح اذا كان على الحمص حطيه في ترمس كبير وابعتي على عنواني
ايهاب باشا
شارع العظماء
بجوار الفرن الفينو
سلاااااااااااااام
اه صحيح كلهم طلعوا قصيرين يا شاهي صح
اصل انا اتشفت ان كل بنات مصر حاليا مصابين بقصر القامه تفتكري ليه
سلااااااااااااام
الحمد لله ان كلكم سعداء بالزيارة والمقابلة دي. ويارب تكرر دايماً في الخير وبعيد عن الغيبه والنميمه وحمص الشام الغلبان اللي سرته بقة على كل لسان.
تحياتي
ربنا يديم المعروف
:)
شاهي وجميع الزائرين تعالو عندي نزلت بوست تفصيلي بالصور عن اليوم الجميل اللي قضيناه عند شاهي
تحياتي
ايوانننن
وطبعا قعدتو تجيبو في سيرة المدونين والمدونات ..
اللي عايش منهم واللي مات
عموما ربنا يجمعكم على خير يارب
بس انا عايز حمص الشام ولا مؤاخذه
سلاموووووز
جميله جدا فكره التلاقى والمقابلات الى بتحصل بين المدونين بتقربهم من بعض اكتر ويارب دائما متجمعين ان شاء الله
أيوه طب انا المفروض اقول ايه الوقتي
( صورة واحد مطلع لسانه )
الدرويش المرووش
الله يهنيك يا حبيبي
ربنا يوعدك بأية بالضبط؟
عموما دايما عامر ياابو الدراويش
...................
دوبة
يعجز لساني عن الكلام بعد كلامك الرائع
امرأة من زمن الحب الجميل
دة كتير عليا قوي بس دي شهادة اعتز بيها جدا لانها من اختي الثالثة هبة
لا شكر على واجب ياحبيبتي بس ابقي تعالي كل يوم
يافرج الله اخيرا قولتيها
طالعة من بقك زي السكر استمري بقى وخليكي جادعة علشان اجيبلك شيكولاتة
.......................
قلوب حائرة
بنتي هبة
محدش يقدر يقر علينا
انا بخرت وعملت حجاب علشان الحسد مش تخافي
انتو فعلا كنتم في بيتكم بحقيقي
مفيش هجوم ولا حاجة انتم تيجوا ومش ليكم دعوة بأي حاجة تاني
اوعي تنسي تشربي اللبن قبل لما تنامي خليكي شطورة واسمعي كلام ماما
.........................
ايامنا الحلوة
ميرسي ياشيرين على كلامك الحلو وبجد واللهي انا كنت سعيدة جدا وسعيدة اكتر علشان انتم انبسطوا
ربنا يديم المحبة يارب
....................
الشنكوتي الكبير
تجمعات اية ياابا انت عاوز اية بالضبط دي كانت زيارة عائلية
اية ياعم ايهاب انت عاوز تنتقم مننا علشان مش قلنالك
عاوز الحمص ياباشا
حاضر من عنيا هابقى ابعتهولك على العنوان
بجد بجد هما فعلا اطيب واجدع المدونين
قصيرين ميييييييييييين
دي البت هبة بنتي ماشاء الله عليها
....................
يحيى
غيبة ونميمة استغفر الله العظيم
لألألألألألألأ احنا مش بتوع الكلام دة خاااالص
حمص الشام صعبان عليا خالص وهو قاعد لغاية دلوقتي في التلاجة لوحدة ياعيني
عبدة محتاس
طيب
..........
ايامنا الحلوة
شفت الموضوع يافقرية تحفة
....................
احمد الصباغ
هذا شرف ليا يااستاذ
اسفة ماشوفتش التعليق غير بعد يوم 30 اكتوبر بس ممكن تقولي اعمل اية وانا هاعمل على طول
..................
سووووووو
يعني خفة الدم كلها وسمعني احلى سلام للأستاذ سووووووو
نووووووووو احنا قعدنا نتكلم على نفسنا بس اوعدك المرة الجاية مش هانسيب حد مانجبش سيرتة
حمص الشام موجود ابقى تعالى خدة والا اسيبلك كباية على باب مدونتك
..................
رئيس جمهورية نفسي
اهلا حضرة الريس واللهي كان تجمع برئ اوعى تصدق كلام الشنكوتي دة بس هو قال كدة من الحقد والغل علشان محدش قالة
فعلا حلوة قوي قوي وان شاء الله المرة الجاية نكون اكتر من كدة كمان
.......................
darsh
طيب ولية كدة احنا اللي هانطلع لسانا علشان شفنا بعض وانتو لأ
ان شاء الله المقابله تتكرر تاني
بس المره دي متنسيش حمص الشام
هستني تعليقك عالجديد
سلاماااااااااتي
ربنا يجمعكم على خير يارب دايما
تجمع رائع بجد :)
ربنا يسعدكم علطول ويزيد الحب الجميل بينكم ده
بس المرة الجاية ابقوا اعزمونا بس عشان نيجي نشجع حتى
:D
تقبلوا تحياتي
julieeet
ان شاء الله تتكرر وهاقدم الحمص اول حاجة
.................
كفاية طيبة
ربنا يسعدك
بس انتي قولي طريق فين واحنا نقولك على موعد المقابلة الجاية ان شاء الله
سلام
عزيزتى
ازاى تكونى مع الناس الحلوة دى وتخليها ربع يوم بس
عارفه ان الانطباع الاول بيحدد حاجات كتير اوى فى علاقتك مع اللى بتعرفيهم بس اكيد الانطباع بيزداد وضوح مع كتر المقابلات والحوار انا طبعا دعيت ليكم عند ايامنا الحلوة وزرت هم كلهم قبل كده واللى معرفهم دخلت اعرفهم وعلقت على اخر شئ كتبوه واحب اقولك كلهم عندهم فكر محترم وراى واحساس جميل يا بختك بيهم ودايمن صديقات فى الخير
بس سكوت هنصوت مش عاوز يخش عندها هجرب تانى واحاول وصللها تحياتى
سلام
لك الله يا ابا الدرويش
ربنا يسعدكم ويهنيكم
جميل اوى ان الواحد
يقابل ناس ويحس
بألفه ناحيتهم
صحبه ورد جميله
ياريت حبه حمص
كلامك ومشاعرك دافئه
كالعاده
تحياتى لك
إرسال تعليق