كنت بتكلم مع مامي (يعني ماما بس بالأنجليزي) في التليفون
وسألتني هو انتي ماكتبتيش حاجة جديدة؟
اصلها متبعاني بس سماعي وبابا هو اللي بيتابع عن طريق القراية
ماما بتعرف تقرا برضة بس لسة هاتروح تجيب النضارة وتلبسها
انا بختصر وبقرالها
المهم قلتلها ايوة كتبت حاجة كدة عن العيال
قالتلي طيب اقري
بصراحة انا كنت خايفة لحسن تزعقلي وتقولي لية بتقولي على العيال كدة
فقلتلها يعني ياماما كتبت عن دوشتهم
شخطت فيا نصف شخطة وقالتلي طيب اقري
وانتو عارفين انا مش بخاف بس قلت معلش بقى اهي امي برضة ومفيش داعي ازعلها
وقعدت اقرا بكل شجاعة وخلصت وهي بتضحك وبعدين قالتلي اقري التعليقات
انا: ماخلاص يا حاجة بقى
ماما: اقرييييييييي
انا: طيب قرينا
ماما: بتقولي حاجة
انا: ابدا بقول هاقرا اهو
انا خلصت قراية من هنا ولقيت صاروخ طاير عبر اسلاك الهاتف واترزع في وشي
ماما:الحمد لله ربنا مابيسيبش حق حد
يمهل ولا يهمل
انا:اية يامة في اية هو مين مات
ماما: مفيش بس اللي كنتي بتعملية فيا اتعمل فيكي والطاق طاقين
امال انا اعمل اية اللي خلفت اربعة بس انتي كنتي اكتر واحدة رغاية فيهم
كنتي فظيعة ماكنتيش بتسيبي حاجة مش بتحكي عنها وتفضلي تلفي ورايا في
الشقة كلها لغاية لما تخلصي كل اللي عندك ماكنتيش بتفصلي
انا: اية ياماما الكلام دة انا كنت كدة دة انا كنت هادية خالص وكل المدرسين بيحبوني
ماما: لية مش فاكرة لما روحتي اشتكيتيني للأخصائية الأجتماعية
انا : ياخبر ابيض ياأمي انتي لسة فاكرة دة انا كنت في ابتدائي
ماما: وهي دي حاجة تتنسي
انا :معلش والنبي يا ماما عيلة وغلطت وبعدين ماانتي كنتي بتزعقيلي ومش بترضي تسمعي
ماما: كنت ساعات بسمع بس انتي كنتي فظيعة وبعدين دة سبب تروحي تشتكيني علشانة
انا: اية دة ياماما هو احنا هانتعاتب بعد الموضوع بعشرين سنة وبعدين ماانتي مارضيتيش تروحي المدرسة لما جالك الاستدعاء
ماما: خلاص لا عتاب ولا حاجة انتي برضة كنتي صغيرة والمسامح كريم واهو ربنا بياخد حقي
انا : خلاص ياحاجة حقك عليا
ماما: خلاص بس لازم تكتبي الحكاية عندك في المدونة علشان اصحابك بتوع النت يعرفوا انتي كنتي بتعملي فيا اية مش تكتبي عن العيال الغلبانة وتطلعي نفسك ضحية
انا : حاضر ياماما هاقولهم
ماما :لأ مش تقوليلهم اكتبي بوست
انا: طيب لية الفضايح ماانا هاقولهم على الماسنجر
ماما: لأ يا فالحة انتي مش بتكلميهم كلهم انا عاوزة كل اللي يدخل عندك يقرا الحكاية
انا: حاضر
وجاء هذا البوست بناء على طلب الست انوش دة اسم الدلع طبعا
هناك ٦٢ تعليقًا:
هههههههههههههههههههههه
هههههههههههههههه
هههههههههههه
يا لهووووووووووووووووى
بقى رايحة تشتكى امك للاخصائية الاجتماعية
ده طنط دى
روحى روحى روحى
ده انا هقطعك حتت حتت وارميكى للقطط
ازاى تزعلى طنط كده
تصدقى معاها حق انها تفضحك على صفحات الانترنت - اه يا زنانة - والله معاها حق الجبارة تعمل فيكى كل ده
لو سمحتى بقى انا همشى احسن يوسف بيزن جنبى - تفتكرى انا كنت بزن برده - هكلم ماما اسألها
مامااااااااااا
لا
لا
لا
خلاص بلاش فضايح احسن
سلاموز
هبة
حقيقى انتى ومامتك زى السكر
بس بجد جامده اوى حكايه
الشكوى للأخصائيه
الحمد لله مافيش اخصائيه عند الاولاد
هههههههههههههه
العمليه وراثه ياشاهى
ربنا يخليهم وتفرحى بهم
وقوللى لماما
ماما ان كلنا عرفنا
شاهى كانت ايه وهى صغننه
سلااااااام كبييييييييير
ده انتو عيله مفتريه خالص
انت تروحي تشتكي مامتك
ومامتك تصر تكتبي الموضوع في المدونه
ربنا يعينكم على بعض
بس مادمتو بتحبو بعض خلاص ولا يهمكم
تحياتي للبوست الجميل
ههههههههههههههههههه ... والله طنط دي سكره خالص الحمد لله ان الشنيور والجبارة والرايقة خدو بطارها منك ياشاهي
وتلاقيكي انتي كمان اللي مدوخة العيال وبتشتكي منهم ياهانم ارحميهم بقى مش كده دول عيالك برضو
تحياتي
بقى ده كله واقول الجشع الي انا فيه ده جيباه منين اتريني جيباه منك ياماما بس انا لسة مش اشتكيتك لحد لسة وبعدين شكلي هشتكيكي قريب علشان مش بتسالي على بنتك يامامتي ماشي
لذيذ لذيذ
مثل غزل البنات بالضبط .. تأكل كتير .. زى العسل
بس بيخلص بسرعة من غير ماتشبع
هههههههههههههههه
والله مامتك زي العسل
اقترحي عليها تعمل بلوج وتحكيلنا هي فيه كل شئ بالتفصيل وتتأكد تماما اننا هنقف في صفها
تسلمي يا قمر عل البوست الرائع ده
وربنا يخليكي ويخليلك ماما واولادك
والله لازم تقرئيها مني السلام بالنص تقولي ليها يا حاجه اسامة بيسلم عليك تقولك مين قوللها واحد من اللي بيذورا المدونة .. اصلها معاها حق ههههههههههههههههههههههههههههههههههههههههههههههههههههههههههههه
حوار جميل اوي ودافئ اصل انا ديما لما كنت بجنن والدتي تقولي هيحصلك مع اولادك اقولها لا لا منا مش هعمل فيهم كده اتاريني يا ولداه مش فاهم هههههههههههه
الرقيقه طالع ليك بقى تعد تقول ماما كذا ماما كذا هههههههه
ربنا يخليهملك جميها
دمت بكل ود..
خالص تحياتي
ايه العمايل دي كده تعملي كده في مامتك ماكنش العشم
ده انتي كنتي كارثه صغننه
هههههههههههه
يلاهوى بتشتكى للاخصائيه عن ممتك يلاهوى دى طنط ليهاالجنه يعنى لو كان بباكى ضربك هتشتكيه فى القسم ده انتى كنتى طفله ياستار يارب ملكيش حل
تحياتى واحترماتى
ههههههههههههههههههه
ههههههههه
والله ماما زى السكر يا شاهى
ربنا يكرمك يا ست الكل
بس بلاش ضرب الله يخليكى احسن حاسه ان سلك التليفون جه فى وشى انا
فكرتينى وبابا كل شويه يقولى كنتى زنانه وانتى صغيره وبتسالى على كل حاجه ورغايه
كله كوم وتروحى تشتكى للاخصائيه دى كوم
صراحه تستاهل الضرب
انا بهدى النفوس بس يا شاهى
فعلاً كما تدين تدان .... لأ طمنتيني ان اللي بعمله في ماما هيطلع عليه :D:D:D:D
ربنا يستر بقى
بس احمدي ربنا ان الجباره مااشتكتش للأخصائيه منك زي ما انتي عملتي زمان ... حد يعمل كده برضه :D:D
ربنا يخليلك مامتك والأولاد
جالك الاستدعاء
ببنط صغير اكثر حاجة لفتت نظرى
احييكى عليها
لا حرمك الله منها
تحياتى
ههههههههههههه
ههههههههههههه
فضيحة على الهواااااااا
والله الحاجة انوش دى زى العسل
وليها حق تعمل فيكى كدة
بقى رايحة تشتكيها للاخصائية الاجتماعية
ياجبروتك
ده انتى حق اللى بيتعمل فيكى ده واكتر
هههههه
بجد انتى اسلوبك حلو اوى
والبوست عجبنى اوى
تحياتى
و الله عمرى فى حياتى مسمعت عن طفله أشتكت للأخصائيه الأجتماعيه غيرك
الست لها حق و الله
وجايه فى البوست السابق تشتكى يا هاااااانم
الفطار الجاى أنوج تفطر معنا فهما ولا لاء
ربنا يخليهالك يارب وتفرح بولادك وبولاد ولادك يارب
الله يكرمك سلميلي عليها قوي
قوليلها سوووو ابني - ابنك انت يعني يا شاهي - بيسلم عليكي وبيقولك ربنا يديلك الصحه يارب
وقوليلها اني باتبرأ من افعالك معاها واني باشجب وادين واستنكر
وهعمل طلب احاطه ان شاء الله في الجلسه اللي جايه
سلامووووووووووز
دوبة
اععععععععععععع
اولا انا مش زنانة
انا رغاية وبس
اصل انا كنت بحب اهتم بأدق التفاصيل بس واضح انها ماكانتش بتعجبها
خليكي شجاعة وكلمي مامتك علشان المستخبي يبان
سلاموز
..................
كلمات
اميرة هانم
ميرسي يا اميرة
العيال عندهم اخصائية برضة بس الحمد لله مايعرفوهاش
ربنا يستر
................
دكتور حر
والنبي يادكتور مااقصدش اني اشتكيها
هي الاخصائية اللي جت الفصل وقالت اللي عندة مشكلة يقول عليها وانا كنت بزعل لما ماما ماترضاش تسمعني فقمت وقلت الكلمتين دول بس في ودن الاخصائية
شفت انا شاطرة ازاي
وماما صممت اني اكتب البوست لانه واضح ان الموضوع كان مضايقها من زمان ياعيني وهي بتكتم ولما جت المناسبة انفجرت
تحياتي
.................
ايامنا الحلوة
طيب ياشيرين يامجرمة بكرة اتفرج عليكي يااستاذة
لة حق الواد الشينيور يدخل فيكي شمال
طيب لما اشوفك
....................
قلوب حائرة
حسك عينك تشتكيني هواللي بنعملة في الناس هايطلع علينا والا اية
خلاص يافضيحة هابقى اتصل بيكي يالا خليها عليا المرة دي
...................
شريف
بجد بجد مش قادرة اقولك تعليق البسيط الجميل كان لة معاني اد اية
بارك الله فيك
تحياتي
..................
the queen
لأ بلاش الله يخليكي بلوج اية خلي الطابق مستور
شكرا على الزيارة ياجلالة الملكة
.......................
اسامة
سلمتلك عليها وقلتلها كل كلمة انت كتبتها
وبتسلم عليك قوي وبتقولك
خلي بالك بقى من تصرفاتك وكلة سلف ودين
بصراحة ايوة الريقة فيها كتير مني بس هي على اروق قويييييييييي
تحياتي
نسيت اقولك
دمت بكل ود دي كلمة جميلة قوي شكرا
emy
ابدا ابدا دة انا كنت غلبانة خالص
ميرسي على تشريفك
................
ضد الظلم
طيب لية الظلم دة
انا كنت طفلة بلسم هو البوست دة هايجي فوق دماغي طيب ياماما ربنا يسامحك
نورتنا
...................
لماضة
سلامة وشك يالماضة هانم
دة بعض ماعندكم
انا يمكن هي دي النقطة السودا في طفولتي لكن انتي ماشاء الله شغالة على طول لماضة
الله يرحم ايام الفانوس دة انا بالنسبة لك نسمة
باي يالمضة
...............
رحاب مصطفى
خلي بالك يارحاب اديكي شايفة
اذا كان على الجبارة فأنا متوقعة انها هاتعمل فيا اكتر من كدة
اصلك ماتعرفيهاش دي جبارة بجد
تحياتي
.................
الطائر الحزين
حياك الله ياأستاذي وبارك الله فيك
احمد الصباغ
كدة ياأحمد حتى انت ععععععععععععععع
ياناس عيلة وغلطت هو مفيش رحمة
بس انا مبسوطة قوي ان البوست عجبك
شكرا ياباشا
..................
في القلب
اوشةالنوشة
اديكي سمعتي واللي يعيش ياما يشوف
طيب انتي شفتيني والنبي قولي الحق انا وحشة وشريرة
امي بوظت سمعتي خلاص عاعاعاعاعاعاع
تحبي اخليلك الفطار الجاي عند انوش شخصيا
تحياتي يا اوووووووشة
.....................
سووووووو
الله يسلمك ياسوووو وربنا يخليك واعيش واشوفك عريس
جلسة اية ماكانش العشم دة انا قلت انا ماليش غير الواد سووو هو اللي كويس دونا عن اخواتة واديك شايف البت قلوب حائرة عاوزة تشتكيني
اعقل ياسووو وبلاش تهور
سلاموز وبلح وبرتقال
الاخت الجميلة شاهى واضح طبعا من مدونتك ان انت مشاغبة جدا وما استغربتش لما قرأت حوارك مع مامتك اينعم انا ضحكت جدا بس طبيعى ان انت تكونى كده وطبيعى اللى بيحصل فيكى دلوقتى عشان ربنا مبيرضاش بالظلم ولازم تشربى من نفس الكأس وياريت انت عندك شاهى واحدة بس
مش قوة واحدة ولا اثنان بل ثلاثة
ربنا يخليلك اولادك ومامتك فى صحة وسعادة
على حب
السلام عليكم ورحمة الله وبركاته
ربك يمهل ولا يهمل ، واهه خد لمامتك بتارها ...ههههه
ودي اخرة اللي ما يسمعش كلمه ماما تقولها
قصدي ودي اخرة اللي يعمل مدونة ويدي مامته وباباه اللينك بتاعها ..هههه
سلامي للحاجه
عزيزتى
وجايه على الشنيور والجباره برضوا
صحيح يا تحت السواهى
على الاقل دول مش بيشتكوا لحد غلابه
فى الابتدائى شكوى عاوزين ماما تجبرك تقولى عملتى فى الاعدادى اكيد محضر فى القسم ولاشكوى فى الحى ولا ممكن جواب للرئاسه ما بانت اهو من ابتدائيه
على العموم البركة فى ماما هتخليكى تقولى كل حاجه والاولاد حقهم يرجعلهم شويه من شابه امه ما ظلم
تحياتى ليكى وللولده والوالد كمان
سلام
أنا كنت متأكد برده أن الموضوع فيه سر .... عشان الدنيا كده ..... اللي تعملي زمااان تلاقيه يجيلك تاني. وانا اللي كنت فاكرك ضحية !!!! الحمد لله الحقيقة ظهرت.
تحياتي
ربنا يخليلك انوش يارب
الز حاجة فيكي انك بتسمعي الكلام
مطيعة خالص
ربنا يهدي عليكي فريق البرازيل
والفيفا
الله يكرمك ... وهنحاول هههههههههههههه
لا يكلف الله نفساً الا وسعها...
هنعمل ايه بقى قدرنا هههههههههههههههه
والتفاتك في غاية اللطف والكرم منكم
دمت بكل ود..
خالص تحياتي
هههههههههههههههههههههههههههههههههه
كلنا فى الهم سوا يا شاهى
انا فاكرة ايام زمان قبل ما اتجوز
كنت ومازلت انا وماما نائر ونئير
وكانت ماما لما تحب تدعى عليا عارفة كانت تدعى تقول ايه
يارب علشان خاطرى يارب ارزقها باربع ولا خمس بنات من عينتها علشان تشوف اللى انا بشوفه منها
ولما ربنا رزقنى بشريف
تقول لأ
انا لسه مخدتش حقى
انا عايزة ربنا يرزقك ببنت وتكون زيك
وبعدين تستدرك وتقول ل بنت واحدة مش كفاية انتى علشان تتهدى لازملك خمس بنات من عينتك
مع انى والله ياشاهى
هادية ووديعة خالص
معرفش ماما مضايقة منى ليه
غريبة ماما دى
سلام اختك خيخة
سلامووووووووووووووو عليكوووووووووووو
أنا بجد كنت هفطس علي روحي من الضحك وأنا بقراه البوست أصلي أنا صحيح كنت عيل وأنا صغير بس مش مع مامي ( ديه ماما بس بالإنجليش )
بس يااااااااه مامتك لسه فاكرة لغاية دلوكتي وكمان أجبرتك ببوست زي ده
يااااه فضيحة ما بعدها فضيحة
هههههههههه
كان معكم ..,
كيكووووووووووووو
كويس انها جت على كده وبس
ومش قالت لك تحكي حاجه تانيه
ربنا يخلي لك مامتك يارب
هى كمان عسولة زيك
تحياتي ودعواتى لك ولماما
كاميليا
ههههههههههههه
اول زيارة
بس لعلمك
ماما قلبها ابيض اوى
وشكلك كدة
مبتعرفيش تاخدى منها ولا حق ولا باطل
هههههههه
متخليش ماما تقرا التعليق ده
عشان تنامى فى البيت
ياللا
تحياتى
هههههه
كل ما افتح مدونتك واقرا اسمها
مفيش حاجة.. الاقينى بقول بينى وبين نفسى
مفيش حاجة تيجى كده اهدا حبيبى كدا وارجع زى زمان
ههههه
حاولت امنع نفسى بس مفيش فايدة
كاميليا
شاهى انتى فييييين
أنا بقالي فترة كبيرة أسمع الناس تتكلم عنك وتشكر فيكي وأد ايه انتي طيبة وحنينة
بس من كم يوم دخلت المدونة بتاعتك من عند هبة (بيبو)
وقريت أغلب الموضوعات اللي قدرت أقراها
فعلاً مجابوش الكلام دة من فراغ
ربنا يكرمك يا رب
انتي شخصية عسولة وسكرة
ربنا يخلي لك أولاد ويحرسهم ويجعلهم من الذرية الصالحة
من الواضح إن اللي بيحصل فيكي نظام
"من أعمالكم سلط عليكم"
:)
نوني
هأو او او
هههههههههههههههههه
ايوه كده الدنيا كده مظبوطه
بابا حكى لي حكايه زيها
انه وهو صغير ابوه كان بيضربه وبعدين هو كان بيجري مه ولما اتزنق مسك طوبه علشان يهوشه بيها
فأبوه اداله ضهره وسابه يضربه بالحجر
وبعدين قاله اصل ربنا لازم يخلص
وانا ضربت جدك بالحجر زيك بالظبط
طبعا انا خفت اقوله وانا اضربك امتى بالزلطه يا بابا علشان تبقوا خالصين
مش خايف منه يعني
بس لحسن عيالي يبطحوني بالزلطه برده
سلااااااااااااااااااااااام
انا الحمد لله كنت غلبان طول عمري ومش بتكلم خالص
قريبتنا شاهي والعم الدرويش
شكل الولاد في امتاحانات
ربنا معاكم
يا لهوى تانى
على كده انا ابنى بقى هيبقى شطان مش شقى بس
:D
علي
انت فين مختفي لية؟ وفين ياعم المدونة بتاعتك؟
انت شايف ان هو دة الطبيعي عاعاعاعاعا انا كنت صغنونة
ماشي ماشي انا مش هافرح فيكم غير لما اشوفكم متجوزين ومخلفين
تحياتي
..................
خمسة فضفضة
وعليكم السلام ورحمة الله وبركاتة
يمهل ولا يهمل كويس يعني اللي بيتعمل فيا هايتعمل في اولادي هههههههه
يارب اعيش واشوف اليوم دة
الله يسلمك
شرفتيني ونورتيني
.....................
احساس لسة حي
هههههههههه
هههههه
ههههه
مين قالك
انا سمعتي باظت خالص في الوسط البلوجري
اوري وشي للناس ازاي بعد كدة
ماما هاتخليني اقول كل حاجة
لألأ توبة خلاص
تحياتي
يحيى
اهئ اهئ اهئ
انا ضحية واللهي يابية
طيب انا معايا رقم تليفون الحاجة وهاتصل بيها واسألها انت كنت عامل ازاي وانت صغير
ماهو مش معقول واحد بيحب النط من الشبابيك قصدي الطيارات ويبقى طفل هادي
وكل شئ هاينكشف ويبان
عن اذنك علشان ورايا مكالمة مهمة
...................
سندباد
الله يخليك بس انت ادعيلي
يعلم الله اني مش بنساك في الدعاء انت وجهينة
تحياتي
اسامة
انت اللي كلامك في غاية الجمال
ودمت بكل ود وحب
ومش هاقول تحياتي لانها هاتبقى بايخة بعد الكلمتين بتوعك
..............
بنت خيخة واي كلام
هههههههههههه
لأ واضح انك كنتي ومازلتي مفترية ههههههه
مش كفاية شريف عاوزة خمس بنات
دي مامتك مستوية منك على الاخر
ربنا يستر
kikotalaat
وعليكوووووو السلااااااام
متشكرين يا استاذ بكرة كل واحد يتفضح فضحتي وانا ساعتها مش هاسكت وهانتقم
نورت وابقى تعالى تاني يا كيكوووووووو
....................
كاميليا
كاميليا يعني الرقة والاحساس
شكرا على دعواتك والحمد الله ان مفيش حاجة تاني هي لسة فكراها
تحياتي
..................
ضحى
اهلا وسهلا بضحى اللي كل لما اشوف اسمها افتكرة دوبة
انا خلاص قريت لها التعليق بس هي قلبها ابيض
ميرسي يا امورة
بنت خيخة واي كلام
انا هنا
............
نوني
اية الكلام الجميل دة
ماتقوليش كدة انا بتكسف
حقيقي كلامك اثر فيا قوي
ربنا يبارك فيكي
سعيدة جدا بزيارتك وتعليقك
...................
الشنكوتي الكبير
طوب وزلط يا عيني
انت فكرتني بالكتاب اللي شدني جدا اني اقراة اللي هو كما تدين تدان
كان مليان مواقف مشابهة
ربنا يستر علينا وعلى اولادنا
بس انت جدع وعاقل ايوة كدة ونعم الابناء بس مفيش فايدة ولادك هايطلعوا عينك يعني هايطلعوها ههههههههه
ربنا يهديهم
يوميات عيل مصري
اة فعلا يااحمد كانوا في امتحانات وابو الدراويش مشغووووووول
بس خلاص خلصوا النهاردة
انا قريت موضوعك الجديد من بعد نزولة بكام يوم بس ماعلقتش هاخلص الرد واروح اعلق
تحياتي
..............
كاميليا
معلش نظري خانني
مفيش حاجة تيجي كدة
ومالة ماتحاوليش تمنعي نفسك ابدا
انتي عارفة انا لما اتعلم انزل اغنية على البلوج ـ ربنا يديكي ويديني طولة العمر ـ هاحط الاغنية دي وتبقى فكرتك
تحياتي يارقيقة
عبدة محتاس
حمد لله على السلامة
اخبار الاستدعى اية؟
اكيد هاتحكي وتقول
واحنا في انتظارك
دة انت هاتشوف ايام من اولادك يااااااااة ربنا يستر
سلام
موضوع جميل بس ربنا يستر علي الاودنا شكلها ايام خضراا المهم انتي عايزه تعرفي حكايه القطه اسألي عبده عنها هو هيقالك قطه 360 دفاع جوي وهو هيعرف علطول وانا متشكر جدا desha
ازيك يا عسل وازاى الاولاد
وحشتينى جدا
ووحشنى كلامك العسل
بس انتى رحتى اشتكيتى مامتك صح ؟
ولا هنعرف بعد التدوينه
على العموم
كل جيل وليه شقاوته وحلاوته
ماما وحشاني قوي كده ياماما مش تسالي على بنتك ماشي يا مامتي بس برضه بموت فيكي ياغالية وحشاني قوي
اخيرا رجعتى
كنتى مختفية فين يا بنتى
حمدالله على السلامة
وبعدين هو احنا مالناش نصيب نشوفك على الماسينجر ولا ايه
سلامى للعيال وابو الدراويش
اختك خيخة
فين الجديد
تحياتي
غريبة
اللى فاكره انى اشتكيت الاخصائية الاجتماعية لأمى مش العكس
ثم اننا ما كانش عندنا اخصائية اجتماعية فى ابتدائى اصلا
هو يعنى ايه اخصائية اجتماعية ؟
انا كل مرة ادخل المدونة دى اضحك من قلبى بجد ..
و مستنين الجديد
واضح انك بخيلة فى بوستاتك
ايه يا اخت شاهى فين الجديد عايزين حوار جديد من حوارتك الجميلة
عثل عثل
ثكر ثكر ثكر
بقالي كتير ما ضحكتش بجد
مستني الجديد
تحياتي
عثل عثل
ثكر ثكر ثكر
بقالي كتير ما ضحكتش بجد
مستني الجديد
تحياتي
ههههههههههههههههههههههههههه
فظيعه بجد
اشتكيتي مامتك للاخصائيه الاجتماعيه
هههههههههههه
كويس انها لسه سبتك تعيشي معاها
سكر بجد
ماما دايما تقلي بكره لما تتجوزي و تخلفي كل الي عملتيه فيا وانتي صغيره هيطلع عليكي تاني
كما تدين تدان
و ربنا يستر بقى عشانانا كنت زنانه
ههههههههههه
تحياتي للاسلوب الجميل
مامتي وبعدين علىالغيبة دي وحشااااااااني قوي
طخ طخ طخ
حد هنا ولا إيه إنتو يا ناس يا اللى فوق
بطلو تحدفو علينا عناكب بقى
فين الجديد يا ست شاهى العناكب كترت اوى
اين انتي يا ماما شاهي
مختفيه ليه
لعل المانع خير يارب
ربنا يرجعك لينا وللمدونين بالخير يارب
كل سنه وانتي طيبه
سلاموووووووووووووز
يا ناس يا اللى فوق
والنبى شوية عناكب من عندكم
أصل ناوى أعمل فرع عندنا من العناكب المستوردة دى
عايزين نغرق السوق بالعناكب
إيه يا ست شاهى انتى إختفيتى فين
المهم طمنينا عليكى وعلى الأولاد وأبو الدراويش
يا رب تكونو بخير
كل سنه وانتي طيبه
يا حاجة شاهى
هو انتى بتحنسينا
انتى بتروحى فين
انتى مشغولة بايه
كل سنة وانتى طيبة
اختك خيخة
desha
موضوع جميل اية بس ياعمنا دة انا اتبهدلت اخر بهدلة
ايوة طبعا هاسأل عبدة على حكاية القطة ولعلمك مش هاسكت
نورت يا استاذ واهلا بك في عالم التدوين
.........................
فرنسا هانم
ازيك انتي
عاملة اية دلوقتي
ربنا معاكي ويتم شفاكي على خير
ايوة رحت بجد
عيلة يا ناس
شكرا يا سكر والف سلامة عليكي
..................
قلوب حائرة
وانتي كمان وحشاني بس انتي بقى مش فاضية وبترجعي البيت متأخر والصبح عندك شغل طيب انا اقبض عليكي امتى؟
ربنا يقويكي يا بدورة
....................
بنت خيخة واي كلام
يابنتي انتي على طول اوف لاين يبقى هاشوفك ازاي
انتي اخبارك اية ؟ وشريف عامل اية؟
يارب تكونوا بخير
..................
سندباد
حاضر بس ممكن بعد العيد
كل سنة وانت طيب
rian man
والنبي وانا كمان كنت اول مرة اشوف اخصائية اجتماعية في مدرستنا في السنة الزرقة دي
ربنا يسعدك يا استاذ
انا سعيدة جدا انك بتضحك لما بتشرفني في المدونة
انا مش بخيلة ولا حاجة في البوستات وان شاء الله بعد العيد هاكتب بوست جديد
......................
علي
ازيك عامل اية؟
حاضر
ربنا يسهل
.................
darsh
الله يعسلك
الحمد لله اننا عرفنا نضحكك
الجديد بعد العيد ان شاء الله وكل سنة وانت طيب
..................
rosa
اهلا اختي في الزن
هههههههههه
دة انتي هاتشوفي ايام سكر حلوة الدنيا سكر
تحياتي
.................
قلوب حائرة
خلاص يابنتي هاكلمك اعيد عليكي يالا ان شاالله ماحد حوش
عبدة محتاس
اية ضرب النار دة هو كل اللي يجيلة استدعاء يرجع يعمل فينا كدة
انا شاكة فيك ان انت اللي بتجيب العناكب دي معاك
المرة الجاية هافتشك وانت داخل المدونة
....................
سووووووو
ولدي انا هنا يا بني
كلنا كويسين والحمد لله
شكرا على السؤال
...............
عبدة محتاس
اية العناكب المستوردة دي حلوة والا اية
طيب انت جربتها
يالا يا ولد لم العناكب بتاعتك دي من هنا
..............
الشنكوتي الكبير
وانت بألف خير ياشنكت
والعيد الجاي ان شاء الله تقولهالي وانت في بيتك
......................
بنت خيخة واي كلام
خلاص يابنت انا جيت اهو
وانتي طيبة يا ام شريف
كيفك ياقمر انا من السعودية وعجبتني مدونتك بصراحه دمك خفيف وانتي وحدة عسوله
اختك سارة
إرسال تعليق