اليوم المفتوح

السلام عليكم

استكمال لموضوع المدرسة

يوم الجمعة اللي فات نظمت ادارة المدرسة

يوم رياضي او مفتوح او اوبن داي

بالنسبة للرجال يبقى يوم رياضي

بالنسبة للي زي حالاتي يبقى يوم مفتوح

بالنسبة لأولياء الأمور بتوع العنجليزي يبقى اوبن داي

سيبكم من الاسم المهم انة كان يوم لذيذ

انا صورت لكم معظم احداث اليوم

اتفضلوا معايا

دي صورة للبغبغانات التلاتة بتوعي وهما بيستعدوا للسباق

اخدوا الطلاب بالباصات بتاعة المدرسة وسابوهم على بعد

اتنين كيلو والمفروض انهم يرجعوا تاني للمدرسة جري

وطبعا كانت الباصات وعربية الشرطة ماشية بجانب الطلاب

ولما سألت على عربية الشرطة بتعمل اية؟

قالولي احنا مبلغين القسم من امبارح علشان التجمعات

دي فقرة اللغة الألمانية وطبعا مافهمتش حاجة لاني كنت فرنساوي

وعلشان اكون صريحة معاكوا حتى لو كانت بالفرنسي

ماكنتش هافهم برضة لان كلة اتنسى

وهذا هو الشنيور يركب على ظهر الفرس

ايوة كان في ركوب خيل في المدرسة برضة حاجة اخر دلع

ودي فقرة البالية

العيال شكلهم يفرح وهما لابسين ابيض في ابيض

دي الرايقة وهي في منطقة الألعاب

دة شكل المعارض اللي كانت هناك

كان فيهم معرض لمنتجات المدرسة

ومعارض خارجية بتبيع لعب وملابس وتحف وهكذا

ودي فقرة على اغنية لو سألتك انت مصري

وفي الاخر رفعوا علم مصر بس انا مالحقتش اصورة

ودي العروسة بتاعة ماكدونالز

هما كمان عملوا فقرة وطبعا كانو بيبيعوا الوجبات بتاعتهم

بلدي يابلدي وانا احب اروح بلدي

دي فقرة الرقص الشرقي

ودي رقصة الحصان

وكانت جميلة اوي

واخيرا علشان انا تعبت

فقرة المرح وبعض الألعاب الخفيفة والمسابقات

ولو الصورة مش واضحة دي كانت مسابقة

الام وابنها وهي بتحاول تأكلة زبادي

نتائج اليوم المفتوح

أـ احمرار ثم اسمرار في لون بشرتي انا والعيال وبقينا زنوج

ب ـ صداع حاد في دماغي مع اّلاّم في الركبة

وطقطقة في الرقبة ووجع في الظهر

بس العيال كانوا مبسوطين

اشوفكم على خير