السلام عليكم
عاوزة اسأل كام سؤال وياريت الاقي إجابة تريحني
لية الواحد لما بيكون في نعمة كبيرة مش بيحس بيها غير لما تضيع منة؟
لية الواحد وهو زعلان من حد مش بيشوف غير عيوبة وبينسى خالص كل صفاتة الحلوة؟
لية في ناس لما بتعرف نقطة ضعف الانسان اللي قدامها بتحاول تستغلها
وبتفضل تدوس علية لغاية لما يجيب اخرة ويقول جاي؟
الي كل إمرأة انانية
والي كل رجل اناني
والي كل ظالمة وظالم
اهدي لكم كلمات هذة الاغنية
ومعلش مش عاوزة حد يقولي اية القسوة دي
لان في فعلا ناس ماتستاهلش غير كدة
ومحدش يسألني برضة مين اللي بيغني الأغنية دي علشان انا مش عارفة
....................
اشوف فيك يوم
على اللي انت عملتة فيا.. لما انت غدرت بيا
واللي بترضاة عليا..بكرة انا هارضاه عليك
اشوف فيك يوم
والاقيك تعبان بجرحك..وبتشكي علشان اسامحك
تشكيلي وانا افضل اضحك.. وافرح من قلبي فيك
اشوف فيك يوم
كلامك تاني مش هيفيدك..محدش ضربك على ايدك
علشان تنسى حب زمان
هتمشي بس مش قلقان..هتيجي وابقى فيك شمتان
هتتعب ولسة كمان
اشوف فيك يوم
ياللي صغرت في عنيا..لو يوم قربت ليا
لما تسلم عليا..يومها انا هاكسف ايديك
اشوف فيك يوم
وتشوفني بعيش لوحدي..وانت بتموت في بعدي
وتلاقي الدنيا بعدي..متقفلة في عنيك
............
خلصت كلمات الأغنية
اللهم اهدي كل ظالم وانصر كل مظلوم
اشوفكم على خير
هناك ١٥ تعليقًا:
تصدقى انا تساؤلاتك دى كلها محيرانى
وهاتجنن
لان بالإضافه لكل كلامك..هو مش فى ناس فجأة بتموت ومن غير مقدمات
طيب لو صادف ده حصل معانا او مع حد مختلفين معاها ..هيبقى شعورنا إيه وأحنا زعلانين ومش شايفين غير العيوب
مهو المشكله يا شاهى ان الناس مش بتقبل بعضه بكل ما فيهم
يعنى مفروض اقبل ولادى بشقاوتهم ونجاحهم وبشغبهم
واقبل زوجى بروقانه...وتوتره وطيبته وغضبه
اختلف معاه طبعا بس قابلاه
اختلف معاك بس مكرهكيش
انت بتتكلمى فى موضوع واجع قلبى
لما زهقت من النا س وعامايلها
نفسى اعيش بعيد عن الناس بس مش عارفه
الناس بتضغط على بعض علشان فاكرين ان اللى قدامهم هيستحمل ويفضل يضغط لغاية مش يجيب آخرة لاء يتفرتك...ويبقى مستغرب
هو بيعمل كده ليه
بصى انا هامش علشان مش عاوزة اكئبك اكتر
سلام
لازم يبقى فيه حاجة معينه تخلينا نبقى على بعض وتكون نقطة للتلاقى والنقاش والعتاب
كل واحد بطبيعته عاوز الافضل ايما واحيانا نقدة للواقع لبغيتة فى الحصول عل الافضل وليس مجرد النقد وايضا العين ترى القصور اسرع ما ترى الفضيلة
ربنا يرحمنا كلنا
السلام عليكم ورحمة الله وبركاته
دعوة
أخي يا من رفضت سياسة مبارك عليك أن تكمل معنا الطريق حتي لا تكون دعواك دعوة إفتراء دون إثبات
دعوي مرفوعة ضد مبارك بنص ".........................."
أول جلسة
نتمني منك أخي المدون الحضور للجلسة
مع تحياتنا لك بالتوفيق
الكتيبة السياسية
بصي يا استاذه انا شخصيا اسلوب الثأر والتشفي مبحبوش حتى لو اللي قدامي ظلمني ويستهال وشايف ان القوة فعلا انك تساعده لو هو في وضع يحتاج المساعده رغم كل اللي عمله فيك
الفقيرة الي الله أم البنات
شوفي يا ام البنات العزيزة كلنا عارفين اننا هانموت وان الموت قريب جدا بس برضة مفيش حد بيبقى مصدق انة هو اللي ممكن يموت النهاردةمش بكرة
انا اعرف واحد حلم في مرة انة مات ولما صحي من النوم قالي على حلمة وقالي انة مستغرب جدا ازاي هو يموت بكل قوتة وجبروتة .
انا معاكي ان المفروض اقبل اولادي بشقاوتهم ونجاحهم وشغبهم ومعاكي برضة اني اقبل زوجي بروقانة وتوترة ... طيب ولية هما مايقبلونيش انا كمان بكل حالاتي؟ ماهو انا كمان بني ادم واحوالي متغيرة
حقيقي انا مش بعرف اكرة حد حتى لو الحد دة سبب لي ضرر ومين عارف يمكن في يوم اسامحة على ظلمة دة
سلامة قلبك من الوجع
تحياتي
..................
الطائر الحزين
العين ترى القصور اسرع ما ترى الفضيلة
دي حاجة صعبة ومتعبة اوي
بس على رأيك
ربنا يرحمنا كلنا
تحياتي
..................
يحيى
واللهي يا يحيى انا مش قصدي ثأر ولا تشفي بس انت عارف ساعات بيجي عليك وقت وتبقى منتظر عدل ربنا
صحيح انا مش هاشمت وفعلا الانسان دة لو محتاج مساعدة مش هاتردد وهاساعد على طول بس في حاجة بقى اكتشفتها
ان الظالم المفتري بيبقى مش حاسس انة ظالم والأغرب انة ممكن يكون حاسس ان هو اللي مظلوم
بقولك اية كفاية كدة وخليني ساكتة احسن
تحياتي
هات الازازة واقعد لاعبنى
دى المزة طازة والحال عاجبنى
هى دى وجهة نظرى فى الموضوع بتاعك
كلمة السر : حمامة
لية في ناس لما بتعرف نقطة ضعف الانسان اللي قدامها بتحاول تستغلها وبتفضل تدوس علية لغاية لما يجيب اخرة
--------
عادي جدا
عااااادي جدا
هو انتى ياشاهى لسة معرفتيش ان ده العادي ؟
لا بجد انتى مش ابديتد خالص يعني بجد
ابديتد يعنى مش منزلة اخر نسخة منك
اللى هو العااااادى خالص بتاع الكلام ده
عادي جدا ان اللى بيشوفك بتضايقي من حاجة يفضل يعملها عشان تتضايقي اكتر
وعادي جدا ان لما يجرحك اوى ولا يكلف نفسه يقول كلمة اسف بزعم ان كرامته ماتسمحلوش
واحنا صراصير كرامتنا تتداس والمفروض نتكلم ونقولهم رشوا بيروسول كمان
عادي جدا لما نزعل ونتفلق وهم اللى غلطانين ويسيبونا لغاية لما نخبط دماغنا فى الحيط ولا نقف على رموشنا وعادي
بس ياشاهي بس
انا داخلة وقولت مهما كان البوست هقولها وحشتيني
معلش الكلام اخدنى
فينك يابنتى
والله وحشتيني اوى
انا اول مرة اشارك
والله كلامك ده جا عالجرح
انا لسة منفصلة عن خطيبي علشان غلطة غلطتها واعترفت بيهاوهو كأنه ما صدق
مع اني استحملت كتير وعملت حاجات حلوة أكتر
بس هو ده حال البشر
ربنا يدي كل واحد على قد نيته
انا بحب الاغنية دي على فكرة كمان
كل إناء ينضح بما فيه
عاملو الناس على قدر عقولهم
ولكل إمرء ما نوى
وربك عالم باللى ف القلوب
ومن يتق الله يجعل له مخرجا
بس خلاص
============
هبة
انا مقريتش الاغنيه
لانى الحمد لله مش يظلم حد
وربنا ما يحكم عليه اظلم ..
السلام عليكم
ي أول زيارة ليا هنا وان شاء الله لن تكون الأخيره
لما بتتزرع مكان الحب قسوة يبقي بنحصد ايه غير الألم
شئ صعب التعبيرعنه صعب تتخيله صعب توصفه وهو أحساس المظلوم
طب يا تري أيه أحياي الظالم
سعاده ولاحزن
فرح ولا كآبه
تقبل مروري
بنت خيخة واي كلام
هاتي الأزازة وتعالي ياحبيبتي العب معاكي للصبح
اما الحمام فأنا بحبة محشي رز مش فريك
يع
امشي يابت يافقرية من هنا
................
كفاية طيبة
كلامك بيقطعلي قلبي مليون حتة
اكيد مش كل الناس كدة
اكيد في حد كويس واحنا اللي مش واخدين بالنا
انا مش عارفة اقولك اية غير الصبر واللي عاوزة ربنا هو اللي هايكون
خلي بالك من نفسك
انتي كمان وحشتيني وبتوحشيني كتير
..................
غير معروف
ربنا يعوض عليكي بأحسن منة ان شاء الله
ماتزعليش نفسك في ناس مش بتعرف تسامح ويارب مانكونش زيهم
تحياتي
قصده على مين الراجل ده
أكيد قصده على الإرهابيين بافندم
آه برضه تمشى
شركة تسليك مجاري بالقطيف
شركة تنظيف مجالس بالخبر
شركة مكافحة النمل الابيض بالجبيل
شركة تنظيف بالخبر
إرسال تعليق