السلام عليكم
بأختصار شديد
عيد ميلاد اولادي كان اول الشهر اللي فات
مش هحكي عن تفاصيل اليوم ولا حاجة
انا بس عاوزة احكي عن ارق هدية جتلي في اليوم دة
ايوة صحيح ان الهدايا كلها كانت للأولاد
الا الهدية دي كانت ليا انا
الهدية عبارة عن كلمتين عجبوني اوي
وهما
احمد الله ان زوجي محمد
وقد رزقت منه بمحمود
وجعل اموري سهلة
و وهبني سهيلة
وجعل لي ملك ترافقني في الجنة
ولي اخوة بمثابة الأصدقاء
احمد ولوما وموني
وامي نور عيوني
ورغم كوني شهيرة
اتواضع للجميع
فالخير لا يضيع
............
صقفة كبيرة وشكر كتير لكاتبة الكلمات
حقيقي اسعدتيني
هناك ٧ تعليقات:
ورزقني منه بمحمود
روحي يا شاهي
شيلي التاء المربوطة
اللى فى كلمة منه واكتبيها هاء
وكل سنة و ولادك طيبيبن
بس انا كان ليا ااستفسار على حاجة فى عيد الميلاد
هو ليه بقى الدى جى ماشتغلش؟
نيهاهاهاهاهاهاهاهاهاهاع
سلام
اختك خيخة
كلام فعلا رقيق جدا
تحياتى
على فكرة نهارك ابيض من الرز بلبن ولو سمحتي من هنا ورايح ماتكلميش حد غيري عشان انا باغير جداًجداًجداًواديني باتكلم بالذوق الأول بعد كده حاتكلم بالذوق برضه عشان ماحلتيش غيره وبعد كده برضه أكون أول المعازيم في أعياد ميلاد ولادك وانتي شخصياً شوفي ياستي أنا داخلالك من الباب اهو يعني مش عن طريق رأس الرجاء الصالح عشان ماحدش بعد كده يدعي إن هو اللي عرفني على الناس المجدع دول وببرضه عايزة أعرفك على طباعي عشان اللي أوله مش عارفة إيه برضه آخره مش عارفة إيه أنا ياستي باحب الناس الرايقة اللي بتضحك على طول أما العالم المتضايقة باهرب منهم على طولواذا كان على الشعر خدي عندك دي:الشين:شباب في العمر وفي القلب جميلة-والألف :أدب وأخلاق في الزمانده قليلة -والهاء:هدية ربنا لدرش وللعيلة-والياء:ياريت شعري يوفيكي حقك وانتي انسانة حلوة ونبيلة وبس خلاص
الحمد لله الذى أظهر الحق و جلاه
و أبان المنطق و أعلاه
و أنطق بالصدق غيرى
بما هو كائن فى ضميرى
كام مرة قلتلك و مصدقتنيش
إحمدى ربنا على نعمة وجود أبو الدراويش
ازيك يا شاهى
كل سنة وانتى طيبة يا مزة
اولا انتى مش انسانية عادية زى ما بتقولى على نفسك خالص
انتى انسانة جميلة جدا قلبا وقالبا
وفعليا بحس انك اختى او بنتى وبدون مبالغة .. بس بنتى الطيوبة الحمولة
ويوم ما بقابلكم انتى ونور بيكون يوم مختلف وسعيد بكل المعايير
صحيح صحيح الوقت بيعدى بسرعة بس الكام ساعة دول بيلونوا بقية اليوم
سنة جديدة من عمرك سعيدة يارب
thx
شركه تنظيف
شركة تنظيف موكيت بالجبيل
شركة تنظيف سجاد بالجبيل
شركة عزل اسطح بالجبيل
شركة المثالية لتنظيف المنازل بالقطيف
إرسال تعليق