آة يا ركبي...........آة يا رجلي
آة يا ظهري
انا اتبهدلت آخر بهدلة
البنت ماشاء الله عليها ما بتتعبش طول اليوم لفّ على المحلات والمولات
لمّا خلاص كنت هابوس اديها واقول لها ارحميني في فرق 16 سنة بيني
وبينك يعني السن لة حكم برضة وبعد كل اللف دة شافت اعلان فيلم عمر
وسلمى جالها هلع وعاوزة تدخل الفيلم
انا:يابنتي الساعة12 باليل هاندخل امتى بس
هي: ندخل الحفلة الجاية
انا:يعني الساعة واحدة وتخلص تلاتة
هي:يعني اية؟
انا:يعني ماينفعش كدة متأخر قوي بكرة اوديكي بدري شوية
هي:بس انا بحب ادخل الساعة11 باليل
آة يا ظهري
انا اتبهدلت آخر بهدلة
البنت ماشاء الله عليها ما بتتعبش طول اليوم لفّ على المحلات والمولات
لمّا خلاص كنت هابوس اديها واقول لها ارحميني في فرق 16 سنة بيني
وبينك يعني السن لة حكم برضة وبعد كل اللف دة شافت اعلان فيلم عمر
وسلمى جالها هلع وعاوزة تدخل الفيلم
انا:يابنتي الساعة12 باليل هاندخل امتى بس
هي: ندخل الحفلة الجاية
انا:يعني الساعة واحدة وتخلص تلاتة
هي:يعني اية؟
انا:يعني ماينفعش كدة متأخر قوي بكرة اوديكي بدري شوية
هي:بس انا بحب ادخل الساعة11 باليل
ودخلنا
فعلا تاني يوم من 10 الي 12 ومابطلتش كلام عن الفيلم لغاية الساعة
تلاتة ونصف الفجر والحمد لله انها حسيت اني بنام وهي بتتكلم ف سابتني ادخل انام
احنا طول المدة كنا بناكل برة وبعدين قلت اسألها بتحب تاكل اية؟ يمكن تكون نفسها
في اكل بيتي والأ حاجة
فعلا تاني يوم من 10 الي 12 ومابطلتش كلام عن الفيلم لغاية الساعة
تلاتة ونصف الفجر والحمد لله انها حسيت اني بنام وهي بتتكلم ف سابتني ادخل انام
احنا طول المدة كنا بناكل برة وبعدين قلت اسألها بتحب تاكل اية؟ يمكن تكون نفسها
في اكل بيتي والأ حاجة
انا:انتي بتحبي تاكلي اية؟
هي:مجدرة
انا:نعم م اية؟
هي:مجدرة مجدرة
طبعا ظهر على وشي علامات الغباء والتعجب وكنت محتاجة لوالدة طهقانة
علشان تفهمني اية الكلام الغريب دة
انا:ايوة سمعت بس المجدرة دي يعني عبارة عن اية؟
هي:ارز وشو بتسموة ....اة عدس
انا:عدس بني والأ اصفر
هي:بني بني
انا:يعني كشري مش تقولي كدة من الصبح
واخدتها ونزلنا على كشري التحرير وهناك قعدنا على الترابيزة وجة المتر
قالت لة عندكم اية؟
انا:اية يا بنتي دول ماعندهمش غير كشري انتي مش قولتي عاوزة تاكلي مجدرة
شوف يا متر هات اتنين كشري وسط وتقلية وحمص زيادة
هي:اية الزجاجات دي؟
انا:دي شطة ودي دقة
هي:انتم مش بتاكلوا معاها سلطة
انا:لأ
هي:ولا لبن
انا:لبن اية؟انتي عاوزة تشربي لبن مع الكشري
هي:لأ مو اشرب .. اللبن بيكون في صحن لحالة واخد هيك واحط هيك على المجدرة
انا :اة انتي تقصدي لبن رايب احنا الكشري عندنا بيكون ارز ومكرونة وعدس ومش
بناكل معاة غير صلصة ودقة او شطة على العموم انا هانزل اشوف اي سوبر ماركت
واشتري لك لبن رايب
هي:شو مكرونة؟كيف يعني؟ انا مابديش مكرونة
انا:طيب لما اقوم الحق الراجل علشان يجيب لك بدون مكرونة واشوف حكاية اللبن
نزلت ادور على اي سوبر ماركت..ابدا مفيش ببص كدة لقيت محل كباب دخلت
بكل فخر وقلت للكاشير لوسمحت عاوزة واحد سلطة خضراء
قالي:واية كمان؟
قلت:وو..سلطة زبادي وبس
وفضلت اتفرج على المحل بمنتهى البراءة وتجاهلت نظرات الناس
هي:مجدرة
انا:نعم م اية؟
هي:مجدرة مجدرة
طبعا ظهر على وشي علامات الغباء والتعجب وكنت محتاجة لوالدة طهقانة
علشان تفهمني اية الكلام الغريب دة
انا:ايوة سمعت بس المجدرة دي يعني عبارة عن اية؟
هي:ارز وشو بتسموة ....اة عدس
انا:عدس بني والأ اصفر
هي:بني بني
انا:يعني كشري مش تقولي كدة من الصبح
واخدتها ونزلنا على كشري التحرير وهناك قعدنا على الترابيزة وجة المتر
قالت لة عندكم اية؟
انا:اية يا بنتي دول ماعندهمش غير كشري انتي مش قولتي عاوزة تاكلي مجدرة
شوف يا متر هات اتنين كشري وسط وتقلية وحمص زيادة
هي:اية الزجاجات دي؟
انا:دي شطة ودي دقة
هي:انتم مش بتاكلوا معاها سلطة
انا:لأ
هي:ولا لبن
انا:لبن اية؟انتي عاوزة تشربي لبن مع الكشري
هي:لأ مو اشرب .. اللبن بيكون في صحن لحالة واخد هيك واحط هيك على المجدرة
انا :اة انتي تقصدي لبن رايب احنا الكشري عندنا بيكون ارز ومكرونة وعدس ومش
بناكل معاة غير صلصة ودقة او شطة على العموم انا هانزل اشوف اي سوبر ماركت
واشتري لك لبن رايب
هي:شو مكرونة؟كيف يعني؟ انا مابديش مكرونة
انا:طيب لما اقوم الحق الراجل علشان يجيب لك بدون مكرونة واشوف حكاية اللبن
نزلت ادور على اي سوبر ماركت..ابدا مفيش ببص كدة لقيت محل كباب دخلت
بكل فخر وقلت للكاشير لوسمحت عاوزة واحد سلطة خضراء
قالي:واية كمان؟
قلت:وو..سلطة زبادي وبس
وفضلت اتفرج على المحل بمنتهى البراءة وتجاهلت نظرات الناس
واخدت السلطة وجريت على الكشري قبل لما يبرد
وعدى الموضوع على خير بس كانت مرارتي في حالة مش ولابد
وادي كمان يوم خلص ياترى هاعمل اية بعد كدة؟
سألتها عاوزة تروحي فين؟قالت
مصر الجديدة واهو فرصة نتمشى على البحر شوية ولو في وقت نروح مارينا
يخرب..........يلعن............يحرق...............طبعا في سري
انا:مصر الجديدة مش على البحر ومارينا دي بعيد جدا يعني سفر
هي:مش الكوبري اللي عدينا علية كان على البحر
انا:لأ دة النيل.البحر مش في القاهرة
وطبعا علشان تفهم الفرق بين البحر والنيل خدت لها بتاع نصف ساعة
مصر الجديدة...انا معرفش فيها غير روكسي
ولو لفينا روكسي رايح جاي مش هاناخد غير ساعة والأ اتنين طيب اعمل اية
في باقي اليوم...........ايوة
شديت تليفون لاحمد اخويا وقلتلة الحقني
بصراحة جة على طول وتكفل باليوم من اولة
المهم بقى انها كانت سعيدة جدا وقالت لوالدها على كل المغامرات اللي عملناها
وكان هو كمان مبسوط وعلشان كدة قرروا انهم ينزلوا مصر تاني الاسبوع
القادم ويجيبوا معاهم مامتها واخواتها الخمسة
ادي اخرة اللي يكرم ضيفة هايفضل يكرم كمان وكمان وكمان
وكمان وكمان.....................وكمان
هناك ٣١ تعليقًا:
هههههههههههههههههههه
وانتي مجدرة اقصد مكدرة نفسك ليه اوي كده دانتي بتساهمي في زيادة حركة السياحة العربية في مصر تخيلي لو كل بتوع السياحة عملوا كده زيك كانت السياحة في مصر ينضرب بيها المثل
قلبي ورجلي معاكي ياعزيزتي بس بيني وبينك لازم ابو الدراويش يجبلك هدية علي المجهود الجبار اللي بتعمليه ربنا يكون في عونك
انتي مش محتاجة مساعدة
هههههههههههههه
يعني انتي دخلتي للكبابجي واشتريتي طلب سلطه بس
يا قلبك يا شيخه
وبعدين مش انا قولتلك دول هايطلعوا ناس فظاع يعني هايطلع عينك وكله على حس العشم الجامد الله يسامحك ياللي في بالي
بس انتي طلعتي جدعه برده اكرام الضيف واجب مهما كان وافتكري كل الحاديث عن اكرام الضيف واجره عند الله صدقيني انتي كسبانه من كل ناحيه
طاعه لزوجك اجرها كبير جدا
اكرام ضيفك اجر كبير كمان
ترويح عن قلب مسلم ده لو كانوا مسلمين يعني
يعني سعادتك كسبانه كمية حسنات بالكوم يا بختك يا عم
ربنا يسعدك ويباركلك
وبالمناسبه اسيب القرص والفطير هنا ولا ادخلهملك المطبخ
سلااااااااااااااااااااااااااام
هااااااااااااي ياحبيبتي وحشاني قوي وعندي اخبارحلوة كنت عاوزكي تعرفيها وحشاااااااني قوووووووي وياستي اكرام الضيف واجب في السنة واديكي خرجتي برضه معاها
هههههههههه
معلش ده واجب ولازم نعمله بس المفروض يكون في دم بردو ولا ايه
ههههههههههه
تحياتي الخالصه
وعلشان كدة قرروا انهم ينزلوا مصر تاني الاسبوع
القادم ويجيبوا معاهم مامتها واخواتها الخمسة
ادي اخرة اللي يكرم ضيفة هايفضل يكرم كمان وكمان وكمان
وكمان وكمان.....................وكمان
لا يا أمى انما للصبر حدووووووووووووووووووووود لا والف لا كمان اعملى عيانة وهتفطسى - ثم بصراحة بقى انا فرحانة فيكى
حد يعمل فيها الشهم ورايحة تلفيلها على سلطات وتجيبلها لبن رايب - اللى يلاقى دلع وميتدلعشى ياختى - متحطيلها الاكل وتاكل ولا عنها مكلت ده ايه ده
احب أنوه من موقعى هذا إنك بتوقعى نفسك فى خطأ جسيم وإن كان حبيبك عسل متلحسوش كله - وقدرة العسل اللى عندنا خلصت خلالالالالالالالالالالالالالالاص
كفاية ---- حررراااااااااااام
كفاية ---- حررراااااااااااام
كفاية ---- حررراااااااااااام
تحياتى وسلامى ودموعى وآهاتى ليكى يا مسكينة --- هبة
tab matro7rlhom enty marra ba2a
ro7y 2entakemy menhom kolhom w baty fel share3 henak:)))
post laziz
أنتي عارفه كل ده ليه ؟
عشان انتي كان المفروض تتعاملي معاها على إن دي بلدك وهي اللي جايه تزورك وكل بلد وليها ثقافة مختلفه عن التانية يعني من الاخر اللي عاوز ييجي مصر .. يعيشها زي المصريين وينسى تقاليد بلده خااااااااالص
الموضوع على فكره اكبر من كده بكتير ..يعني احنا لما بنسافر أمريكا او انجلترا بنتكلم هناك انجليزي وهم مستحيل يتعلموا عربي عشان احنا ضيوفهم ..ولو فرنسا هانكلمهم فرنسي وهكذا .. لكن لو اي حد اجنبي بييجي هنا احنا بنكلموا لغته مش بنتكلم بلغتنا خالص حتى هو ما بيحاولش أصلا يتعلم ولا شيء من العربي .. لاننا مالناش أي أهمية على الخريطة
تحياتي
موضوعك لذيذ
Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Até mais.
هههههههههههههه عسل واللهي صعبتي عليا بس تصدقي انتي صبورة لو انا كان زماني رحلتها على اول طيارةههههههه
المصريين معروفين بالكرم ياقمر معلش استحملي بقى اكرام الضيف واااجب
بس تصدقي جريتي ريقي ياشيخة على الكشري بقالي كتير مكلتوش
تحياتي
سندباد
اديني ساهمت في السياحة على قد ماقدرت
و اخدت اية ...ولا حاجة غير وجع الركب والظهر وباقي الاجزاء ربنا يستر عليها
وفي الاخر الاقي كيلو البطاطس ب اتنين جنية ونصف وبيقولوا الارز والسكر سعرهم هايزيد هما كمان
يعني مساهمتي في السياحة ضربت الاسعار عندنا
شكرا لانك دايما اول تعليق
..........
الشنكوتي الكبير
والنبي يا شنكت يا اخويا هو دة اللي حصل
وعلى فكرة معظم كلامك طلع صح
انت شكلك بتنق عليا
عمال تحسبلي الحسنات كدة ومافيش ما شاء الله لية كدة دة احنا اخوات برضة
نشفت ريقي على القرص
اجري يا واد دخلها المطبخ بسرعة
وخد النص جنية دة شبرق نفسك بية
يالا باي
.........
قلوب حائرة
نورتي يا جميلة واخبارك الحلوة عرفتهامن عند ايامنا الحلوة
والف الف مبروك
وعلى فكرة سعيد الحظ دة امة دعيالة
تامر حسين
بعيد عنك مافيش رحتة
شكرا يا باشا على تشريفك
........
دوبة
شوفتي ياهبة انا مش عارفة لية الناس لما بتلاقي حد كويس وكريم معاها بتحب تستعبطة وتستغلة
العيب فين؟ فيا انا اللي كرمتها زيادة عن اللزوم والا فيهم هما اللي...........مافيش داعي
سلام يا قمورة
............
ايمان
اروحلهم فين يا بنتي....الكويت....لأ شكرا البلد دي احسن من غيرها وربك هو المنتقم الجبار
.........
درش
والله ماجاش في بالي اعمل كدة
بس ازاي يعني اخليها تاكل غصب عنها
على فكرة كتير من الاجانب بيحاولوا يتكلمو عربي وبيبقوا فرحانين قوي لما يعرفوا يقولوا شكرا او سلام او الكلام السهل شوية اصل احنا لغتنا صعبة حبتين
تحياتي
..........
ايامنا الحلوة
واللهي انتي اللي عسل
ايوة المصريين اهما حيوية وعزم وهمة
ونفس مقطوع ورجلين مكسرة وحاجة زي الفل
عنيا انزل اجبلك طبق كشري مخصوص يعني هي احسن منك
لأ طبعا
سلام
ربنا يبارك فيكي يا شوشو وميرسي ليكي ياحبيبتي وياريت اكون عند حسن ظنه وظنكم يارب
:D
لا لا واضح انهم زودوها شوية
قصدى شويتين
انتى جدعة جدا على فكرة
تقريبا مشفتش حد زيك كدة غير أمى
هى شخصيتها قريبة منك شوية :)
لكن برضه مش لازم الموضوع يعدى سهل عليهم كدة
المفروض يعنى تحصل اى ظروف بقصد او بغير قصد علشان تمنع الموضوع دة
إيه مامتها واخواتها الخمسة دا !!!
هى سايبة :)
جيت اسلم واقولك شكرا علي اهتمامك
ايه اخبار الضيفة العزيزة
ههههههههههههههه
ياااااه فكرتيني بالذي مضي
بس انا بقي اعرف 18 اردني و9 عمانينن
وتخيلي بقي
فوجئت ببنوتة جايالي من عمان وضايفتها وبقيت كل يوم اروح الساعه 2 بليل
واتخرب بيتي طول ماهي موجودة
وبعد ما اسفرت لقيت زميل اردتي جالي بعدها بتلات ايام
وعايزة اقولك اني بقت اشحت
بس انتي فكرتيني بالايام دي
وبعدين في حد مش يعرف ايه هي المجدرة
كويس انها مش قالتلك عاوزة اكل صالونا
ولا منسف
اهي يم يفوت وعلقة تفوت برضه
نصيحة اخوية أو ابوية اعملى على باب بيتكم لوحة مكتوب عليها مفلق للتحسينات الكبابجى عمل معاكى ايه دا الواحد بينكسف يقول له هات سنودتش واحد تقومى انتى تروحى تقولى هات سلطة بس طبعا لولا انك واحدة ست كان ولا بلاش
عارفة بجد انا لفت نظرى كلامك الى شىء مهم وهو عندما يتعود منك الناس على سلوك معين وهذا السلوك لا تكون مطالب به يصبح حق مكتسب ويطالبوك بيه مع انه مش فرض عليك مثلا
زى مثال بسيط لما تروح الشغل قبل مواعيد العمل ولما تروح يوم فى الموعد يقول لك الناس هو انت اتاخرت ليه
تحياتى
حبيت اقولك اني نزلت بوست جديد
محتاج رأيك بخصوص الموضوع ده
تجمع مدوني مصر .. حقيقة قابلة للتنفيذ أم حلم بعيد عن الواقع
تحياتي شاهي
انا تقريبا مررت بنفس التجربة...لكن الضيف كان غير عربي...اسبوع كامل اذهب الي الفندق صباحا...و ينتهي اليوم منتصف الليل تقريبا...من مشاهدة الاهرامات...ركوب جمال..البرج..الكشري...فلفله...المتحف..البرج...الاسكندريه...الخ...
و النتيجة؟!!! الاسرة كلها عايزة تيجي مصر لمدة اسبوعين...شفتي الدمار...ههههه.
الحقيقة كان الافضل لو شفت شركة سياحة تعمل لها تور...و هذا ما تنبهت اليه مؤخرا بعد فوات الاوان و ضياع اسبوع كامل...
تحياتي...و دائما صاحبه كرم و يجعله عامر.
تحياتي و تقديري
ايوه خليكي انتي في ضيوفك المتعبين والناس رايحه تصيف في اسكندريه
صاحبتك مسافره تصيف واحنا هانقعد هنا قفانا يقمر عيش
عايزك تطالبي بمكافأه انك تروحي اسكندريه انتي كمان
اشمعنى هوبه
وانا هاقعد هنا اعيط لوحدي
سلاااااااااااااااااااااام
ربنا يخليك لوزاره السياحه
ازيك وحشني البوستات بتاعتك
عجبني قوي زوقك
مع كل اللي جواكي بس دايما زوق
ياريت الناس تتعلم منك
سلامااااات
هههههههههههه
انت دمك خفيف قوى فى كتاباتك
مع انك مش بتوصفى كتير وبتكتفى بالسيناريو بس
لكن بتضحكينى من قلبى فعلا
من هنا
ومن هذا المزنق
اعلن ان هناك منافس قوي لينا
انت يا بنتي طلعتي مصيبة
تحفة بجد
عليكي اسلوب في الحكي..
غير شكل
روعة في الاداء
وقمة في المش عارف ايه
بجد
استاذة
قلوب حائرة
ان شاء اللة هاتكوني عند حسن ظنناالمهم هو يكون يستاهل
مبروك تاني وتالت وعاشر
.........
استاذ سليم
ليا الشرف انك تشبهني بمامتك
انت عارف الناس الكبيرة دي بتبقى طيبة قد اية وعندها حكمة وعقل كبير بتفكر بية
يارب يخليهم لينا ويدلهم الصحة
الحمد للة ربنا دبرها من عندة وهسافر يوم الجمعة الجاية لمدة اسبوع
ومصر اهي قدامهم يتفسحوا فيها براحتهم بعيد عني
تحياتي تحياتي تحياتي
..........
سندباد
الله يسلمك
الضيقة رحلت والحمد للة
اما اهتمامي فانا حاسة انة واجب عليا ولازم اعمل كدة مش عارفة لية
لو تعرف انت ابقى قولي
سمراء النيل
الاول عاملة اية بعد الخطوبة السعيدة؟
حرام عليكي 18 و9 لية يا بنتي كدة
افرضي دول اخدوا اجازة في وقت واحد هاتعملي اية؟
يعني اللي هاتقعدي تحوشية في سنة هايضيع في اسبوع دة لو انتي شاطرة وبتعرفي تحوشي
احسن حاجة لما يجي ميعاد اجازتهم تسيبي البلد خالص او تعملي كام مشكلة معاهم
وربنا معاكي
سلام
..........
الطائر الحزين
انت هاتخوفني لية؟
اية يعني واحد سلطة هو انا مش هادفع فية فلوس
انا حبيت مااتعبش الشيف بعمل كيلو كباب والا كفتة انا قلت اريح الراجل شوية واطلب سلطة وبس
لأ وعلشان حظي الجميل السلطة ما كانتش جاهزة وفضلت مستنية لما عملوها
اة والنبي يا اخويا او ابويا
بقى واجب وفرض عليا
تفتكر لية الناس كدة؟
لما بتلاقي حد كويس معاها بتحب تستعبطة
الربان
زميل البهدلة
يعني مش انا لوحدي اللي بيحصل معايا كدة طيب طمنتني
لما يوصلو هابعتهملك واضح انك بقيت خبير فلفلة والبرج والهرم والمتحف
كلة تمام انتظر ضيوف تاني و قدم على اجازة من دلوقت
تحياتي يا ابو الكرم
..........
الشنكوتي الكبير
لأ يا شنكت انا هاقعد اعيط معاك مش ممكن فرصة زي دي تفتني ابدا اهئ اهئ
سيب البنية تتفسح مع زوجها شوية اية دة مفيش رحمة ما انت سافرت قبل كدة ونزلت صورك كمان في حد قالك حاجة
يا ساتر مليتوا البلد اووووف
سلام يا عم
............
احنا
افهم من كدة ان الوزارة هاتبعتلي علاوة
شكرا لمروركم
...........
احمد
الله يجبر بخاطرك
انت مختفي فين؟
لسة بتدور على عروسة والا اية الاخبار؟
ابقى طمني
سلاااامات
.............
ميراج
اظهر وبان عليك الامان
انت بتروح فين
انا ماعرفش اكتب واوصف بأسلوب شيق زي حضرتك
سلام
طهقان باشا
اخيرا شرفت ونورت
الكلام دة عليا
مش ممكن
دة وسام هاعلقة على الحيطة في الانترية
والا اقولك على باب الشقة لأ لأ على باب العمارة احسن
بص فوق كدة
في السماء
ايوة ايوة
دي روحي المعنوية بعد تعليقك
سلام يا باشا
على فكرة انت بدئتي التدوين متأخر قوي
كنت فين من زماااان؟
ربنا يكرمك
وبالتوفيق
مش عارف اقول إيه فى اول مرة ادخل البلوج بتاعك
بس اللى اقدر اقوله بس انها ايام مش هتقدرى تنسيها ابدا
يا ريت واحد مجدرة وكتر التقلية شوية ;)
إرسال تعليق