السلام عليكم بصراحة انا كان نفسي قوي حد يعبرني ويبعتلي تاج
وقد تحققت امنيتي وجالي تلاتة مرة واحدة اول واحد من الصديق
http://3abdo-me7tas عبدة محتاس
والتاني من الرقيقة هبة بتاعة قلوب حائرة http://kloob-truelove/
والتالت من عند الجميلة دوبة اللي وزعتة على الحبايب كلهم http://www-doba/
شوفوا بقى دي اول مرة احط لينكات يعني معرفش كدة صح والا غلط
كان نفسي احط صورة تاج بس ما باليد حيلة اختكم خيبة في الحاجات دي فممكن تتخيلوا
ان في صور تاج جميل بيلمع
بسم الله نبدا الاجابة
......................
اسم مدونتك؟
مفيش حاجة
لماذا اخترته.. وماهي نيتك من وراء اختياره؟
اخترتة لاني ماكانش عندي حاجة اكتبها
انا عملت مدونة علشان اعرف ابعت تعليقات لطهقانة
نية اية دة اسم وكمان الشاعرة ايمان البكري عندها
شعر بيعجبني اسمة مفيش حاجة
هل فكرت في إغلاق مدونتك؟ والسبب؟
لغاية دلوقت لسة
صورتك في المدونة ورمزيتها ؟؟
كان على عيني
انا مش بعرف انزل صوربس لو اتعلمت هانزل صورة
لوردة بلدي جميلة وتكون لونها ابيض او روز
لما دخلت عالم التدوين من الاساس؟
ابو الدراويش خلاني قريت بعض المواضيع في المدونات
وانا عجبتني قوي الحكاية دي وبقيت مرتبطة بيها
جمله قيلت لك فى وصف مدونتك؟
مفيش جملة محددة
كل الكلام اللي اتكتب لحد دلوقت جميل
التعليقات بالنسبه لك ,اهميتها؟
طبعا حاجة مهمة جدا
وكسبت منها صداقات جميلة
احلى بوست كتبته ...ضع اللينك , ثم اذكر لماذا؟
اية الكلام دة
انا كل اللي بكتبة فلة
بس احلى واحد تقدروا تقولوا
رحلة سعيدة
ومعرفش احط اللينك بتاعة
لماذا لاني كنت عايشة مشاعر جميلة في الوقت دة
مع ابو الدراويش اوعوا مخكم يروح لبعيد
أفضل بوست قرأته؟ وضع لينكه؟
لأ كتير هاقول اية والا اية
أفضل مدونة قرأتها؟
برضة كتير وممكن تقولوا كل المدونات اللي بعلق عندهم
حد قل ادبه فى التعليق إيه رد فعلك؟
قل ادبة ازاي يعني؟
شتم مثلا
هامسح التعليق بمنتهى البساطة
بس اكيد هاكون زعلت
أسوأ مدونة؟
معرفش
ما قابلتهاش
أسوأ بوست أسوأ مدون؟
برضة ما قابلتهوش
هيحصل ايه لإيميلك لما تموتى ؟؟
انا عارفة بقى انا هاكون خلاص في عالم تاني
بس اعتقد انة هايتلغي
اديتى الباسوورد لحد قبل كده؟
لأ لية
كانت إيه طبيعة علاقتك بيه؟
هو مين دة
انتم هاتجيبولي مصيبة
اسمك ؟
لية الاحراج دة
شاهي
حلو كدة لدواعي امنية
اسم مشهور ببيه وسط اصحابك؟
شاهي وشوشو
وحاليا
ام الشينيور
عمرك؟؟
في اكتوبر هابقى
32 سنة
برجك ؟؟
احترس
برج العقرب
دراستك؟؟ مجالك؟؟
انا من الشعب
ودخلت كلية الشعب
تجارة عين شمس
شخصيتك نوعها إيه؟
دي حاجة صعبة خالص مش عارفة اقول اية
بس ممكن اقول اني خيبة قوية
السفر بالنسبة لك؟
لو فسحة يبقى جميل
لكن لو اقامة هايبقى صعب عليا قوي
بس لو مضطرين يبقى خلاص نستحمل
وقت فراغك بتعملى فيه إيه؟
بمارس سلطتي على الواد الشينيور واقومة من على الكمبيوتر
واقعد انا
او
كباية شاي خفيف بالنعناع واقعد في البلكونة اتفرج على مخاليق ربنا
واشوف العيال اللي بتلعب تحت
المود بتاعك؟
مش ثابت
حسب الاوضاع
الاكلة المفضلة؟
كل الاكل اللي بتعملة ماما
والبامية والملوخية
اما باقي انواع الطبيخ انا وهما مش اصحاب خالص
الصفات اللي أخدتها من بابا؟
اة عم الحاج
صبورـ مايسيبش فرصة فيها ضحك وتريقة
واهم حاجة الدكترة هو مش دكتور بس معلوماتة كبيرة في المجال دة
الصفات التي أخدتها من ماما ؟
الطيبة
بس انا اخدتها بعبط شوية
الكرم ـ المعاملة الحلوة للجيران والناس الغلابة
واهم حاجة احترام الزوج ووضعة في مكانة مخصوصة لوحدة
اكتر ست حاجات بكرهها؟
الكذب ـ النفاق ـ الخيانة
الاستغلال
القسوة
احساسي اني مظلومة وحقي ضايع
اكتر ست حاجات بحبها؟
ستة بس
كل حاجة ربنا وهبهالي في الدنيا
الحنية ـ الحنية ـ الحنية
الشغل بالنسبة لك؟
مش بشتغل
انت سعيد؟
مفيش سعادة مطلقة
بس الرضا بكل اللي ربنا قسمة هي دي قمة السعادة
وانا الحمد لله سعيدة
لو اجتمعت انت وحسني مبارك في غرفة واحده؟
لية سايب الناس الوحشة في البلد من غير عقاب؟
لو معاك مليون ونص جنيه......تعمل بيهم ايه؟
النصف هاساعد بية ناس كتير قوي محتاجة
اما المليون
هاجيب شقة لاخويا واجهزها
ومش عارفة اية تاني
بس اللي انا عرفاة كويس ان لما الفلوس بتزيد في حاجات تانية بتروح
وانا كدة مبسوطة الحمد لله
بتحب مصر؟
جدا
وياريت الناس ضميرها يصحى شوية علشان نقدر نقول
مصر ياامة يا بهية ياام طرحة وجلابية
وتفضل مصر ام الدنيا
بتحبى البنات؟
قوي قوي
طول عمري كان نفسي يبقى عندي بنتين و ولد
والحمد للة
مسلم؟
الحمد لله على نعمة الاسلام وكفى بها نعمة
مين اكتر شخصية ما تقدرش تستغنى عنها في حياتك؟وليه؟
مفيش
ودي نعمة كبيرة الحمد لله
ايه اكتر موقف محرج اتعرضت ليه في حياتك؟واتصرفت ازاي؟
بعد زواجي بستة اشهر تقريبا كنا في دولة اجنبية
وحضرنا حفلة تبع شغل ابو الدراويش
قوم اية واحد خواجة ساب الناس كلها وجية عاوز يرقص معايا
طب اقولة اية والنبي
اقولة مش بعرف ارقص
هايقول علينا جاهلة
اقولة يعني الراجل اللي زي القمر اللي قاعد معايا دة مش مالي عينك
هايقول علينا متخلفين
تدخل ابو الدراويش وقالة مش هاينفع اصلها حامل
طبعا الراجل قعد يضحك وافتكرة بيهزر بس الحمد لله مشي
ايه الأمنية اللي بتدعي ربنا دايما انه يحققها لك؟
نفسي قوي اني ادخل الجنة من غير حساب
اصل حكاية اني اقف قدام ربنا ويقولي انتي عملتي كذا وكذا
دي صعبة قوي
وكمان نفسي يبقى عندي خشوع حقيقي في الصلاة
وبعدين باقي الحاجات بتاعة الدنيا العادية
التاج امرره لمين ؟
لكل الناس اللي اعرفهم ومش عندهم تاج يجاوبوا علية
اخيرا خلصت دي حاجة متعبة قوي
يعلم الله اني جاوبت من غير كذب ولا تزويق
نسيت اقول حاجة
البنوتة شيرين بتاعة ايامنا الحلوة هي كمان بعتتلي تاج
هناك ٣٥ تعليقًا:
والله انتى زى السكر
بخصوص كلية الشعب دى
اصل انا كمان تجارة
مرة واحدة ليبية بتسألنى انت خريج ايه ؟
بقوللها تجارة
لقيتها فطست على روحها من الضحك
بقولها فى ايه ؟
قالتلى انا لحد دلوقتى قابلت شباب كتير قوى مفيش منهم واحد مخلص كلية غير تجارة
انتوا معندكوش حاجة غيرها ولا ايه ؟
اجوبتك حلوة اوي ياشوشو
وحلو اوي الموقف المحرج ده انا تخيلتك وقعدت اضحك اد كده
وكل تاج وانتي طيبة ياقمر
تحياتي
كان نفسي اكون اول حد معلق بس الولد منيراج سبق بس انا برضه اول حد من البنانيت اللي زي القمر وعاوزة اقولكاني سعيدة بلتبية طلبي ومجوبتك على التاج اللي اخفيتيه في الكتير من صفاتك السكرة يا استاذتي ياللي معندكيش حد تقدري تعيشي من غيره بذمتك انتي هنا اجابتك صح على الموم بشكر ابو الدروايش انه كان السبب في تدوينك وانه اللي عرفني بيكي وسلامي ليه وبعدين ماكنتي تخليكي فريش وترقصي مع الراجل فيها ايه
ميراج
ميرسي على زوقك
وهي كلية التجارة وحشة
ابدا دي ذي الفل
............
ايامنا الحلوة
انتي الاحلى يا برنسيسة
ماشي ياسيتي اضحكي براحتك
لا خلاص مفيش تاجات تاني دة متعب قوي
..............
قلوب حائرة
انا الاسعد دة انا كان هايجرىلي حاجة ولو ماكانش حد بعتلي تاج
استاذتك انا استاذتك
انا اكبر منك اة لكن استاذتك مش ممكن ابدا
ايوة لازم تكون اجابتي صح وانتي كمان لازم تكوني كدة اصل الدنيا مش بتقف على حد ودي حقيقة وبصي حواليكي وانتي تعرفي
وانا كمان بشكر ابو الدراويش من كل قلبي وسعيدة جدا اني عرفتك على حقيقتك قصدي اتعرفت عليكي
على لرأيك خليكي فريش احنا في رحلة
انا بقيت كسلان خالص معقول ما كنش اول تعليق انا اتحسدت علي كده
معلش متزعلش
جميلة اجوبتك تدل علي شخصية جميلة وطيبة ربنا يديم عليكي سعادتك وعقلك وبيتك واولادك
تحياتي
هههههههههههههههه
الشقيقة شاهي
انا برضه العقرب
قصدي برج لعقرب
اه علي فكرة
سلميلي علي ابو الدراويش
:))
اجابة بسيطة دون تكلف تحياتى
ههههههههههههه
الله يحظك يا شوشو
ضحكتينى و أنا جى من الشغل الدنيا عامله زى أغنية على الحجار فى مسلسل الأيام
دوامه سوده و دايره تحت و فوق
إنتى لسه فاكره الخواجه إبن المجنونه ده
ساب كل الستات المصطافات اللى فى القاعه و الويسكى المغشوش اللى طفحه قلب دماغه إنه يرقص مع المحجبه الوحيده اللى فى جزيرة برمودا
و بعدين إيه الردود العاقله اللطيفه دى
ده إنتى غلبتى الخطيب فى الرياضه اليوم
و الله يا شوشو إنتى زى السكر
لأ العسل الأبيض
ربنا يخليكى و يديكى الصحه و طولة العمر
أولا : لو سمحتى انا طمعانة تعزمينى عندك فى البيت على كوباية شاى بالنعناع نشربهم انا وانتى فى البلكونة ونقعد ننادى عالعيال اللى فى الشارع ويقولو علينا الهبل اهم اهم
ثانيا: انا هقعد انق على الكلام اللى قاله عليكى ابو الدراوييش دلوقتى - عسل ابيض وحركات - ماشية معاك يا عم
ثم فيها ايه لما ترقصى مع الراجل - تقوليله حاضر- هروح اتحزم واجيلك ههههههههههههههههههههههههههه
تحياتى يا سكرة يا ام الشينيور
هبة
سندباد
انا مش زعلانة بس ياترى اية اللي شغلك؟
كفاية ان اسمك موجود بين التعليقات
الله يكرمك
وكالعادة سعيدة بزيارتك
.................
سمراء النيل
هل هلالك
انتي رحتي وقلتوا عدولي هي كل اللي تتخطب تعمل فينا كدة
ازيك واية اخبارك
انا قريت البوست بتاعك
بتاع عاوزة اسكن عند ربنا
وبصراحة ماعرفتش اقولك اية
طلعتي عقرب
ويا ترى خيبة زيي والا انتي عقرب قوي
نورتيني يا جي جي
.................
الطائر الحزين
الله يكرمك يا استاذ
انا سعيدة جدا ان حضرتك متابعني على طول
الدرويش المرووش
حبيبي الغالي والا بلاش علشان النق انا شايفة دوبة واقفة هناك وبتنق علينا
الف سلامة عليك من الدوامة ولا يهمك يا حبيبي بكرة تفرج
طبعا لسة فاكرة وهي دي حاجة تتنسي
اية رأيك في الردود بس بجد انا كذبت في حاجة؟
انا زي السكر والعسل اة تقريبا دي تخاريف النوم يالا روح نام يا حبيبي تصبح على خير
..............
دوبة الجميلة
طيب واللي يرجع في كلامة
انا هاستناكي انتي ويوسف في اي وقت وفي اي يوم بس انت تأمر يا جميل دة البيت والشارع والمحافظة بحالها هاتنور
اة انا بعد كدة هاعلق خرزة زرقاء جنب تعليق ابو الدراويش
علشان الحاقدين هههههههه
ماهو لو كان على الرقص البلدي يبقى مقدور علية
لكن رقص الفرنجة ويحط ايد كدة وايد كدة نو نو نو
وهافضل انونو من هنا للصبح
وبعدين انا معرفش اعمل الهبل اللي هما بيعملوة دة انا كان ليا في الرقص البلدي واعتزلت من زمان هههههههه
عايدة رياض
فيفي عبدة
دول تلاميذي
ههههههههه
البوست الجديد موجود
سندباد
علم يافندم وكنت تاني تعليق
عن اذنك هاروح اعمل فرح بهذة المناسبة السعيدة
عزيزتى
اجابات اتسمت بالصراحه
وبدل جوبتى بصراحه عن سنك وانتى امراه
يبقا مفيش اجابه مش هتجوبى عليها بصراحة
واما حط اللينك شوفى حد يعلمنا احنا الاتنين حطه
تحياتى
سلام
عذرا لتحليق خارج السرب
من اجل رفع الظلم عن المظلومين
ادعوك ىللمشاركة فى حملة رفع الظلم عن طلاب الاسكندرية المختطفين
التفاصيل بمدونتى
اجابتك كلها جميله
وبتدل على شحصيه تلقائيه
ودمها خفيف جدا
سعدت بمدونتك
تحياتى وسلامى
بجد بجد ربنا يزيدك
ويارب اتجوز بنت زيك كده
نبأ هام لكل الأعزاء تتفضل الأستاذة المبجلة الصغنونة من غير فذلكة وينكى هانم بتقديم مسرحيتها الجميلة بساقية عبد المنعم الصاوى وذلك يوم الخميس المقبل الساعة السابعة مساءً بقاعة الحكمة وعلى الحاضر أن يعلم الغايب لمساندة أختنا العزيزة وينكى الغالية
http://pinsywinsy.blogspot.com/
تحياتى وأمنياتى بالتوفيق للجميع
هبة
مش معقول فى تاجات بالجمال دة
ما شاء الله عليكي
إجاباتك صريحة قوي ودي حاجة مش تتخيلى جميلة قد إيه
يابخت ابو الدراويش بصراحتك وطيبتك
وربنا يرزقني بواحدة زيك :)
و انا كمان تجارة برضه بس لسة مش خلصت
ربنا يخرجنا منها على خير يا رب
والموقف المحرج ههههه فظيع وابو الدراويش كان سياسي بارع فيه
ما شاء الله
مش عارف اعلق على إيه ولا إيه
بس مفيش حاجة معجبتنيش والله
وعلى فكرة انا رديت على تعلليقك القديم فىالبوست إللى فات عندي واسف للتأخير
وحقيقى اتشرفت وفرحت قوي لأتفاقك معايا
تحياتى الجامدة قولى ليكي :)
وربنا يحقق لك كل إللى تتمنيه
السلام عليكم ورحمه الله وبرحاته
أولا ازيك يا شاهى انتى وأبو الدراويش والاولاد الأخ الشنيور والأخت الجبارة
بصراحة بعد فترة من عدم دخول اى مدونة قلت ابص لصه على المدونة بتاعتك قلت أروح أصطاد كام عنكبوت كده وأروح أبيعهم وأجيب سجارتين فرت
المهم
إيه الإجابات دى كلها يا حول ولا قوة الا بالله وانتى كنتى شايلة كل ده جواكى لالالا انتى غلطانه والله
المهم
نيجي بقى نعلق على الإجابات بتاعتك بقى :D
أولا بالنسبة للشخصية بقى انتى خيبة وخيبة اوى لالالالا قولى حاجه غير كده
ثانيا يعنى لواد الشينيور تتمرأسى عليه وتقومية من على الكمبيوتر إيه يا ابو الدراويش انت جايب الكمبيوتر لمين بالظبط يا عم حرام والله
وفيه حاجات كتير والله عايز اتكلم عليها بس انا مش قادر افتح عنيا المهم ابقى طمنينا عليكم كلكم
حاجه بعيده عن الموضوع بقى للاخت هبه دوبا انتى نسيتينا خالص يا ست هبه ابقى عبرينا ولا احنا يعنى مدونتنا بقت وحشه يلا خير ليك يوم
اجبابت ك جميلة اوى يا شاهى
عقبال التاج التانى باذن الله قريب
نيهاهاهاهاها
معلش يا شاهي اتأخرت عليكي في التعليق بس بجد عايز اقولك انك مش فاكره جمله حلوه اتقالتلك في مدونتك طيب يا ريت جملتي تبقى حلوه
انتي يا شاهي من اكتر القلوب الطاهره البريئه في المدونات كلها
بجد ربنا يسعدك ويباركلك في الراجل اللي زي القمر اللي بتقولي عنه ده "جوزك طبعا" عموما تحياتي على صراحتك وبساطة اجابتك
بجد تاج لذيذ
سلاااااااااااااااااام
انا جاي اسلم واطمن
احساس لسة حي
عزيزي حسام
شكرا على كلامك
وانا كان لازم اجاوب بمنتهى الصراحة والا يبقى التاج مش لية لازمة
شكرا على متابعتك لمدونتي البسيطة
...................
اسلام رفاعي
ربنا قادر يرفع الظلم عنهم واحنا بندعي لهم
.......................
klmat
انا اللي اسعد بزيارة مدونتك الرائعة المليانة حكايات ممتعة
سعيدة جدا بتعليقك عندي وبمعرفة مدونتك
.......................
spyfun
الله يبارك فيك يا احمد ويرزقك ببنت تتجوزها احسن مني
وانت بقى مختفي فين؟
عاوزين نعرف اخبارك ونطمن عليك
.......................
the manager
سليم
مش عارفة اقولك اية دة انت كاتب شعر مش تعليق
ان شاء الله ربنا هايرزقك بواحدة احسن مني وهاتنجح في الكلية بتفوق كمان
خلاص عقلي وقف عن التفكير ولساني يعجز عن الكلام
اسعد الله ايامك
تحياتي
عبدة محتاس
وعليكم السلام
الحمد للة كويسين انا وابو الدراويش والشينيور والجبارة والرايقة انت نسيتها
يا عيني هابقى اسيبلك كام عنكبوت على الجنب والا بلاش التدخين ضار بالصحة
اية دة يا عم انت هاتوقع بيني وبين الواد وابوة خليك محضر خير
اية دة هو في محضر بيبقى خير ابدا هههههه
سعيدة بتعليقك وبدمك السكر
الشنكوتي الكبير
ولا يهمك يا شنكت المهم انك علقت
انت كدة هاتخليني اغير اجابتي واكتب جملتك الجميلة
والله كلامك دة هزني قوي بس يا رب اكون عند حسن ظن اصدقائي بي
تمنياتي بالتوفيق ان شاء الله
سندباد
الله يسلمك ويسعدك ويهنيك ويريح قلبك
I passed to congratulate it with its work and to desire a good August to it in vacation.
انتى فين يا هانم - مختفية فين كل ده
العناكب ابتدت تبان تانى اهى
طمنينى عليكى برنه
سلاموز -- هبة
تاج مشكور
و ذنب مغفور
أنا لا هتكلم ولا هرد ولا مش عارف ايه يلا خير
انتى فين يا ستى مختفية والعناكب بدأت تظهر فى الركن الشمال برضه
والله انا حاسس ان ابو الدراويش سمع الكلام واخد الكمبيوتر وقال هو انا جايب الجهاز للواد ولا لامه
ههههههههه
طمنينا
وانت يا ابو الدراويش انت اختفيت فين بعد الرد الاخير بتاعك عندى وانت مش ظاهر
والله باين عليكو بتصيفو ومش عايزين تقولو عشان انق عليكم
يلا خير
طمنونا يا بشر
شاهي شكرا علي مرورك القصة هاتلاقيها النهارد انشاء الله
عايزك اول تعليق
تحياتي
كل تاج و انت طيب
تكلم حتى اراك
انا عرفت حضرتك أكتر وادينا بندردش ورانا ايه ورانا ايه .
تحياتي لاسرك الجميلة
هههههههه ردودك لذيذة جدا
ربنا يحفظك و يباركلك انتى و جوزك و عيالك
تحياتى يا جميلة
إرسال تعليق