انتم عارفين انا بحب ادخل في الموضوع على طول
الموضوع بقى
انا خلاص دماغي وقفت عن التفكير في الاكل
ـ الاكل بس ـ
وحاسة اني خلصت الاكلات اللي في الدنيا
حاجة مملة قوي انك تقعدي تفكري في الاكل
ومين بيحب اية ومين مش بيحب اية
ـ طبعا الكلام دة للسيدات فقط والرجالة خالعين اديهم ـ
المهم كنت بكلم البنوتة شيرين ايامنا الحلوة وقالت لي اعملي بامية
عملت البامية وتقدروا تقولوا انها كانت كويسة
وجة ميعاد الغدا وحطيت البامية لأبو الدراويش ولقيتة بيقولي
فين البتنجان المخلل؟
انا : مفيش بتنجان فيّ ليمون و زيتون
هو : يعني هو فيّ حد يعمل بامية من غير بتنجان مخلل
انا: معلهش المرة الجاية هاعمل مع البامية بتنجان حاضر
بيني وبينكم المرة الجاية اللي هاعمل فيها بامية مش هاعمل بتنجان برضة
لية بقى ؟ اقول لكم
في مرة من المرات طلب مني ابو الدراويش بتنجان مخلل
عملت البتنجان ...قالي
لأ مش هو دة البتنجان المخلل بيبقى مسلوق
اتاري هما عند ماماتة بيعملوا المخلل مسلوق
احنا بقى عند ماما بنعملة مقلي
ومن هنا ظهر الاختلاف
خلاص مفيش مشكلة اتصلت بطنط وسألتها بتعمل ازاي البتنجان مسلوق
علشان ابقى اعملة زيها بالضبط
وفعلا عملتة ولقيتة بيقول
لأ يعني مش اوي طعمة غير اللي ماما بتعملة
وفي مرة كانت طنط عندنا وقعد يقول لها اعملي بتنجان مخلل وخلي شاهي
تشوفك بتعملية ازاي علشان تتعلم منك
ـ اوكي بيجامل ماماتة هاعديها ـ دة طبعا في سري
وقفت مع طنط في المطبخ ولقيتها عملت زي ما انا عملت بالضبط لا حاجة
زادت ولا حاجة نقصت
وبعد فترة عملت اعادة للتجربة ولقيت الكلام نفس اللي فات
من وقتها اتفقت مع نفسي اني ما ادخلش البتنجان المخلل بيتنا تاني
سواء مقلي او مسلوق
ـ لان بصراحة حتى المقلي مش بيطلع زي اللي امي بتعملة ـ
واكتفيت بأني اكل البتنجان عند ماما
وهو لما طنط تيجي تبقى تعمل لة المسلوق
مش كدة احسن.........والا انا غلطانة ؟
اما صحيح دي بقت حاجة بتنجان خالص
هناك ٤٨ تعليقًا:
اول تعليق هقول حكمة قالها اللى قبلى
بنات هذه الايام
اذا تزينت فتنت واذا سمعت نشرت واذا طبخت قتلك .
الله يعين الرجاله
ازيك ياشاهى
واللهى برافو عليكى انك سألتى
ماماته على الطريقه مش عيب
ابدا وكل واحد فينا بيحب اكل امه
حتى اللى تلاقى اكل ماماته
مش اوى بيحبه نتيجه التعود
على فكره مدونه حواء فيها
اكلات وحلويات رائعه
بوست جميل ودمه خفيف
تحياتى وسلامى
و هو فيه أحلى من طبيخك؟ ده إنتى ممكن تفتحى مطعم
تسلم إيديكى ودايما تمتعينا
أبو الدراويش
مركز السموم و الحموم
إمبابه
وانت مالك مأخداه عليكي كده
وللا انا مالي ياختي لبعدين يخش يكسر لي المدونة
احمد رفعت
انا سعيدة جدا انك اول تعليق
لية كدة بقى
على فكرة انا مش من بنات اليومين دول والحمد للة اني مش منهم
انا كنت اخر واحدة في النوع بتاعي هههههههه
يا عمونا انا عندي 32 سنة ومتجوزة من 10 سنين اية رأيك بقى
................
klmat
اهلا اميرة هانم
انا قلت اسألها علشان مش يبقى عندة حجة وبرضة مفيش فايدة
معاكي حق بس انا حمايا كان دايما بيقول كل واحد بيتعود على عك مراتة
يعني المفروض يكون اتعود على العك بتاعي
ممكن تبقي تبعتي لي اللينك بتاع مدونة حواء يمكن نستفيد منها حاجة وهابقى ادعي لك
سلام يا اميرة هانم
لايقة عليكي قوي كلمة هانم دي
الدرويش المرووش
وقعتك بيضا
انت بتتريق عليا
علشان كدة داخل تقولي تسلم اديكي من غير ما تدوق
طيب انا غلطانة اني عملت لك صلصة مع الكشك وانت عارف اني مش بحبة بصلصة وعملتها علشان خاطرك
وتخرج بالسلامة من مركز السموم يا حبيبي
بس من هنا ورايح هاعملك ابونية مع المركز
جبهة التهييس الشعبية
اخيرا شوفت تعليق ليكي عندي
انا بجد بجد مش عارفة اقولك اية
انا جالي هبل لما شوفت تعليقك
انا عارفة اد اية انتي مشغولة
بس انشاالله يخليكي يا نوارة ابقي تعالي عندي تاني
انتي معاكي حق انا اللي اخدتة عليا
كان المفروض لما قالي فين البتنجان
كنت قولت لة
كل وانت ساكت ما عملتش بتنجان واذا كان عاجبك بقى عندك الليمون والزيتون هاتاكل منهم والا اشيلهم
ما تخافيش مش يقدر يعمل اي حاجة في المدونة عندك لان حبايبك كتير وهايخاف يعمل حاجة
سلام يا نوارة الانتصار
عجبك كده يا شوشو خلتي عم احمد يقول ايه ماشي ياعم احمد طب والله بنات اليومين دول مية مية وبيعملوا اكل تحفة بس انتم اللي مش واخدين بالكم اقولك كمان سنة ونص ولا سنتين ابقى اسال احمد خطيبي على اكلي ساعتها هيقولك طبيخك تتطور قوي ياحورية وادي جزاك يا ست شاهي حد يسمع كلام ايامنا الحلوة بتاعت صنية السمك
حرام عليكي يا شيخه الراجل نفسه في شوية بتنجان تقومي تحرميه منهم وعموما بيني وبينك كل واحد اتعود على اكل امه سنين وعمر الكل اللي بيحبه من ايدك ما هيغنيه عن اكل امه مش بقول كده عشان تزعلي بس اكيد هو دلوقتي مش بيستطعم اي اكل بره البيت غير اللي بتعمليه انتي عشان الواحد مش بيستطعم الأكل بلسانه بس لكن بإحساسه ان هو ده اكل زوجته اللي عملته عشانه مخصوص
زي ما كانت مامته بتعمله الأكل مخصو فهمتي يا بنتي ربنا يسعدكم
ملاحظه اخيره هو مين ده اللي بيحب الباذنجان مسلوق انا اعرف ان الباذنجان لازم يكون مقلي
ماما بتقولي ايوه في ناس بتعمله كده بس انا بحبه مقلي ابقي ابعتيلي شويه مقليين
سلااااااااااااااااام
انا هاقول لك كلمتين وعقلك فى رأسك تعرفى خلاصك
انتى ممكن توقعية تخلى مامتة تعمل بتنجان وتروحى تجبية منها وتقدمية على انك اللى عاملاه وتشوفى هيقول أيه
وبعيدها تقولى له على المفاجأة
اما أقوم اخلى الجماعة يعملوا بتنجان
بقى فى حد مايدخلش البتنجان بيته
ولا مقلى ولا مسلوق
دا هو البتنجان بعينه :)
بتنجاناتى
أقصد تحياتى
بتنجان
لا حول ولا قوة الا بالله
أكيد ليا تعليق آخر
بس شوية كده
تحياتى لمعده ابو الدراويش
فكرتيني بقصه اتحكيتلي من واحد زميلي علي باباه مامته
اول ما اتجوزوا
كانت كل كا تعمل رز يقولها لا الرز ده مش زي بتاع امي
وكانت مامته متوفيه
المهم كل مره تعمل رز يقولها الرز ده مش بتاع ماما
لحد ما مره الرز اتلسع منها
خافت وقالت انه هيطلع عينيها
اول ما اكل الرز
ضحك وقالها هو ده باه بتاع ماما
ايه يا شاهى يا حبيبتى الراجل نفسه ياكل بتنجان مخلل من اللى أمه بتعمله روحى لمامته وخليها تعمله البتنجان وخليه عندك فى الثلاجة وفعلا هو تعود يعنى لو كان البتنجان بتاعك أحلى من بتاع مامته الف مرة برضه هو عايز اللى تعود عليه
على فكرة انا بعمل البتنجان المخلل مسلوق برضه والله زى مامته ابعتلك واحدتين
ربنا يعينك يا شوشو على طلباته
تحياتي
حقيقي موضوع مهم...و هاقولك مهم ليه... انا عن نفسي بما أني رجل مغترب
و أحيا بمفردي فأني لا أطهو الطعام... لكن أنا زبون دائم علي المطاعم و الرستوران...و مع هذا أعاني من مشكلة الاختيار بين المطاعم اولا ثم من قائمة الطعام بالمطعم....
فيه موقع جميل :
www.aklat.com
يمكن يكون مفيد و به الجديد...
تحياتي
شاهي الجميلة
انا بقيت وحش خالص معقول اتاخر في التعليق للدرجة دي
بس والله ضغط شغل غير عادي
المهم انتي عاملة ايه
وايه الموضوع احنا هانسيب كل حاجة ونتخانق علي الاكل
عدي خلي المركب تعدي
تحياتي
منتظر تعقيبك على البوست الجديد
http://sfahmy78.blogspot.com/
طنط طنط - انا عندى فكرة حلوة
خلى ماماته تعملك كل فترة بتنجان وحطيه فى التلاجة وقبل ميخلص قوليلها تعملكو تانى - وقضوها بتنجان فى بتنجان يا حبى
هجيب ربع كيلو قشر برتقال واجى ازور ابو الدراوييش فى مركز السموم - بس قوليله يبطل رمرمة من بره - مش ياكل بره ويجيب العيب فى اكلك - ده انتى فولة
سلاموز
هوبا
متعمليش بتنجان مخلل وهى طنط اكيد متعرفش البتنجان المخلل
ياريت تزورينى وتقولى رايك فى مدونتى
سلامات
بصراحة يا مدام شاهي انا اليوم في صفك
لان
في رجالة ماعهندهمش دم
ماياكل اللي بيتحط وخلاص
ويسيبوا من حكاية اكل ماما
ما هو لازم يغير من حياته كلها
وانت برضه
ابقي اعملي له البتنجان اللي نفسه فيه
كبري دماغك وخلي الليلة تعدي
تحياتي
لالا غلطانه طبعا انا لو منك اخلي مامته تعمل كميه و خديها خزنيها
وكل مايطلب بتنجان طلعي منه هتلاقيه بيقولك بتاع ماما احسن
انا كتبت بوست نكد معلش ياريت تشوفيه واسمع تعليكك
احمد
هههههههههههه
فكرتينى
انا جعانه
هقوم اعمل اكل
:D
ههههههههههههههههه
عجبنى اوى خفه دم البوست ده
و اكتر حاجه عجبتنى لما بتقولى
بينى و بينكم مش هعمله تانى
عجبنى جرئتك بس يا ترى هتقدرى توفى بعهدك ؟
احلى حاجة انك سمعتي كلامي وطبختي لابو الدراويش بمية ...... برافو ياشوشو
وبعدين تعالي نعمل مظاهر على حكاية البتنجان المسلوق ده في حد ياكلو مسلوق يحيا البتنجان المحمر
تحياتي ونصحيتي لابو الدراويش ياكل اللي قدامو وخلاص وميتأمرش
علشان بتنجانه يحصل كل دة
طب وليه البهدلة دى كلها .. انت تروحى تاكلى البتنجان المقلى المخلل عند مامتك وهوه يروح ياكل البتنجان المسلوق عند مامته .. وتتقابله كل خميس وجمعه وربنا هيكرمكم ان شا ءالله
شاهى هانم
أنا فى إنتظار طيارة كينيا اللى يا إما ما تجيش فى ميعادها
أو تيجى فى ميعادها و تطنش الخرطوم
أرجع إنشاء الله يوم الجمعه
إتمرنى على البتنجان لحد ما أجى
العمليه سهله
إقرى المقال اللى فى المدونه بتاعتى 10 مرات و إنتى هاتبقى بتنجان على أبوه
سلامين و حته
السلام عليكم و رحمة الله و بركاته
بعد كل التعب الل انتي بتتعبيه علشان خاطره يقول انه في مركز السموم
انا لو منك اصدر امر اعتقاله
بس لما يخرج من المركز
ههههههههههههههههههههههههههههه
حقيقي بوست جميل جدا
تقبلي مروري
مساء العسل
ايه كل ده مفيش جديد
عايزين موضوع
عايزين موضوع
عايزين موضوع
عزيزتى
عارفه السبب شرين كان لازم تقولك على المخلل وكمان انتى مدلعاه خلاق بقوم اهو
انتى تحطيله اى نوع من الخلل ولازم هيعجبه حتى لو كان مش تمام هيحبه بدل من ايديك وكمان فهميه ان لكل امراه نفس فى الاكل ولازم يتعود على نفسك
ومش البتنجان اللى يحصل فيه خلاف ومنع
افرضى الكلام جه فى اللحمه هتقدرى تمنعيها
تحياتى يا افندم
سلام
la2 el mawdoo3 baseet 7'ales
7'ally tant mamto te3amelo ezay ye3mel el betengan el me7'alel w howa ye3melholko:)
gazaki allah kol 7'eer manty bardo lazem teraya7y abo el daraweesh mesh keda
2a2olek fekra 7elwa
law mamto gat marra w 3amalet 3andoko betengan 2e3mely tany yoom w 2olelo dah ba2y men beta3 mamtak le7ad mayo2a3 el far fel masyada
w taba3an law maw2e3sh yeb2a el 3eeb feky:( w mate3melesh betengan me7'alel tany:)
يا أهالى البلوجات الكرام
طم ططم طم طم
أسمعوا وأعوووووووووووو
لقد قمنا بنشر الفصل الجديد - للقصة المجنونة والجوهرة المدفونة - كشف المستور - وعلى الحاضر أنه يعلم الغايب بحضور المدونة لقراءة القصة وكتابة التعليق - وعلى كل زاير انه ميدخلشى الا برجله اليمين ويجيبلى حاجة حلوة قوى فى ايديه
يا اهالى البلوجات الكرام
مستنياكم كلكم
تعالوووو زوروووووونا
باى باى
دوبه
قلوب حائرة
ازيك يا هبة
شوفتي احمد رفعت بيقول عليا اية
لازم تيجي تتغدي عندي علشان الاشاعات اللي طلعت عليا دي
وبعدين انتي جيتي على شيرين الغلبانة يعني مش كتر خيرها انها فكرت معايا
ومالها صينية السمك يا هانم طيب يارب احمد خطيبك يطلع بيحبها علشان تتعلمي الادب
سلام يا امورة
...................
الشنكوتي الكبير
يا عم ايهاب انا مش معترضة
ياكل بتنجان زي ماهو عاوز بس يكون في كلمة حلوة تشجع علشان الواحد يقدر يعمل الاكل بنفس
وعلى العموم كل الاكل اللي بعملة غالبا بيطلع كويس الا البتنجان المسلوق دة عقدني طيب وعلى اية العقد مش يبقى قلتة احسن
المثل بيقول
الباب اللي يجيلك منة البتنجان سدة واستريح
اهو انت كمان بتقول البتنجان يعني مقلي
انا عند مماما وعملت لي بتنجان فظيع هابقى ابعتلك شوية
الطائر الحزين
انا فعلا هاعمل كدة
شكرا على الفكرة وهابقى اقولك على النتيجة
................
misrology
ايوة انا
بعد كل اللي قلتة دة وعاوزني ادخلة بيتي
انا قصدي اني مش هاعملة لكن لو منحة يبقى لازم يدخل
نورتنا
...............
عبدة محتاس
فين يا سيدي التعليق الاخر
انا في انتظارة
محمود علي
ههههههههههه
ايوة كدة الصراحة حلوة
نورتني يا استاذ محمود
..................
نانو
حاضر يا نانو
بس البتنجان المسلوق دة بيبوظ بسرعة
مش ينفع يتشال في التلاجة كتير
يا ريت ابعتيلي وحدتين ندوقهم ويبقى لك الاجر والثواب عند الله
..............
الربان
كان الله في عونك
وترجع بلدك بألف سلامة
وشكرا على الموقع ولما اعمل منة اكلة هابقى ابعت لك
تحياتي
.................
سندباد
ربنا يعينك
عموما ضغط الشغل بيبقى كويس
احنا مش عملنا مشكلة خالص دة موضوع عادي ونقاش هادي
ومفيش خناقة ولا حاجة الحمد لله
................
shreif fahmy
حاضر
...............
دوبة
ربنا يخليكي ليا يا دوبة يا جميلة
هاستناكي انتي وربع كيلو القشر اوعي تتأخري
.............
juliet
ماشي مش هاعمل البتنجان
وهازورك في المدونة ان شاء الله
................
اكتب بالرصاص
الله يبارك فيك
مفيش موضوع ولا حاجة
وحكاية البتنجان دي بسيطة
انا سعيدة جدا انك سمعت الكلام وشيلت الصور
ربنا يسعدك
................
هاني جابر
معلهش
انا مش عاوزة افضح حد
وهما يعني اللي اتفضحم حصل لهم اية؟ ولا حاجة
spyfun
جاري تنفيذ الفكرة
انا قريت البوست بتاعك وربنا يقويك ان شاء الله
تحياتي
وربنا معاك
...............
catroz
طيب اوعي تنسي تعملي بتنجان مخلل مع الاكل
................
maro
ايوة انا على العهد وفعلا مش بعمل البتنجان
لما بيكون اعانة بس بيدخل البيت غير كدة لأ
دي اول مرة تشرفيني
ابقي تعالي تاني
.............
ايامنا الحلوة
انتي فين يا هانم من بدري
ادي اخرة البامية
ايوة كدة يعيش المقلي
ابو مفراح
هو اية بقى اللي حصل
حصل خير ان شاء الله
..................
اخف دم
اهي دي فكرة كويسة قوي
وكل واحد ياكل البتنجان في المكان اللي يريحة
......................
الدرويش المرووش
زوجي الغالي
تيجي بألف سلامة
انا هاخد الاعانة من طنط لا تخاف
دخلت عندك المدونة يا سيدي وكفاية عليا قراية مرة واحدة
...............
mraghy
امر اعتقالة لألأ مش للدرجة دي
تقبلي مروري دة مرورك اسعدني جدا
ياريت تمر علينا كتييييييير
.................
احمد رفعت
مساء الجمال يا استاذ
ربنا يسهل
قريبا ان شاء الله
...............
احساس لسة حي
يعني البنت مش كتر خيرها انها قالت لي على البامية كمان تقولي على المخلل
اكيد هو هايخاف يعترض على اللحمة لانة عرف النظام اي حاجة مش هاتعجبة يبقى ممنوع تدخل البيت
كدة هو يفكر الف مرة قبل مايقول رأية في اي اكل
............
ايموس
انتي متفألة قوي
عاوزاة يتعلم وبعدين يعلمني دي حاجة عمرها ما هاتحصل
شكرا لمرورك
صحيح اخبار العربية اية؟
انا بايد كلام احمد رفعت بس برافو علي الباميه و يكفي شرف المحاوله انك تعملي بدنجان بس اللي ما يشكرش ما يستهلش
و ده خير عقاب يتعمل للي ما يشكرش و انا عندي مثل
البنت كوردة بشوك ان استطعت ان تتعامل مع الشوك استمتعت بالوردة و اذا اخطأت التعامل مع الشوك اصابك بالجروح النازفه و الالام
فلتختار افضل تعامل مع الورد الشائك
ازيك ياشاهي ايه اخبارك معلش انا مقصر مع الكل بس والله عندي مشلكة في النت
تحياتي
أنا فى مطار الخرطوم الجديد
فيه إنترنت و زى الفل
أشوفك قريب يا جميل إنشاء الله
ايوه يعني لامؤاخذه فين الجديد والبوستات الطاظه ولا احنا هانستنى البوست اللي جاي من الخرطوم
تيجي بالسلامه يا ابو الدراويش
سلاااااااااااااااااااام
اولا تيجي بالسلامة يا ابو الدراوييش
ثانيا العناكب خلاص بقت بتعمل مستعمرات زى اليهود فى المدونة هنا اهو
يا ريت تشوفى البوست الجديد عايز رأيك فيه مش زى كل مرة
طمنينا عليكم
فينك مش باينة
انا جي اطمن
سوري يا جماعة
اصل النت مفصول عندي في البيت
وانا دلوقت داخلة بخط التليفون من على اللاب توب بتاع ابو الدراويش
احنا كلنا كويسين الحمد للة
واول لما النت يرجع تاني هاكتب البوست الجديد ان شاء الله
احب اشكركم كلكم فرد فرد على اهتمامكم وسؤالكم علينا
نلتقي قريبا ان شاء الله
حلو قوي لسة مانسيتش اللغة العربية ههههههههه
سلام مؤقت
ايه يا ست شاهى انتى مش ناويه تطبخى اسف تكتبى موضوع جديد ؟
يا ترى عملتى بتنجان من يومها و لا ايه
شكرا لكى مارو
محمد مارو
اخيرا نورتينا و رجعتى لنا
يااااااااااه ده احنا مفتقدين طبيخك جدا اسف كتاباتك جدا
حلو البوست ده بس انتى فكرتينى بمسلسل هو و هى
و كانت حلوه اوى الاغنيه اللى فى المقدمه
شكرا لكى
هههه
طب والراجل ذتبه ايه مايكلش بتنجان
اقولك على حاجة
لما مامته تيجي خليها تعمله بتنجان
وتاني يوم اعملي انتي وقدميه على انه بتاع مامته وساعتها نشوف بقا هيعرف ولا هي لماضة وخلاص
ربنا يهنيكوا
محمد سمير
إرسال تعليق