هو : بيحب ينام بدري
هي : بتحب السهر
...............
هو : اكيد بيصحى بدري قوي
هي : بتصحى بدري برضة بس مش قوي
......................
هو : بيصحى من النوم فايق و رايق على الأخر
هي : بتصحى مضروبة 100 .....مفيش داعي
......................
هو : بيحب يفطر بدري جدا
هي : مش بتفطر اصلا
.................
هو : بيحب الاكل بدون ملح
هي : بتموت في الحادق
....................
هو : بيحب قاعدة البيت
هي : بتحب الخروج والانطلاق
....................
هو : بيحب الهدوء
هي : بتحب الهيصة
.......................
هو : بيحب الكورة والنادي الاهلي بجنون
هي : بتحب الاهلي علشان خاطرة
.....................
هو : بيحب الحلويات جدا
هي : مش بتحبها قوي
...................
هو : عنيد وعصبي وكسلان
هي :؟؟؟؟ بتحب هو
......................
حاجات بسيطة وهايفة بس في الاخر برضة
اختلافات
هناك ٣٠ تعليقًا:
أولا
الف حمدالله على السلامة
----------------------
ثانيا
انا أول كوميينت
----------------------
ثالثا
البوست ده سبقتك فيه اجندة حمرا من كام يوم
نفس الفكرة بالظبط
-----------------------
رابعا وأخيرا
الحب بيوفق اى اختلافات بس شرط ان يبقى فى تفاهم وعقل مش عند وخلاص
حمد الله على السلامه ، بس انا مش عارف كان مالك اصلاً. كلام جميل جدا وانا زمااااااان كتبت حاجة نفس الفكرة مده ان شاء الله هبقى اضفها على الموقع بتاع البوست بتاعي ان شاء الله. وحمد الله على سلامتك تاني
سلام
اشمعنى انا مقولش حمد الله على السلامه
هاقول زيهم مع اني عارف ان الموضوع كان دلع وكسل من ناس كده حلوين
المهم الأختلافات موجوده بين اي شخصين والغريب ان اكتر ناس بيحبوا بعض قوي وبيكونوا مغرمين ببعض قوي هم الناس اللي بينهم اختلافات كتير شبه اللي انتي قلتيه والغريب اكتر ان اللي بيحب مثلا الهدوء مش عايز يتجوز واحده هاديه واللي بيحب قعدة البيت تلاقيه لازم يتجوز شعنونه بتموت في الفسح والتنطيط
هي الدنيا كده بنكمل بعض مينفعش اكمل اللوحه بنسخه من النص اللي عندي لازم اكملها بالنص التاني اللي فعلا معاه هتبان لوحه جميله قوي
وبالحب كل الأختلافات دي بتبقى مصدر مناغشه ومعاكسه وهزار وبتحلي الدنيا
وهي دي بقى اللي بيقولوا عليها ملح الحياه اللي لابد منه
طولت عليكي معلش
بوست تحفه
سلاااااااااااااااااااام
والله يا بنت يا شاهى جبتى المفيد
هيه الاختلافات دى اللى دايما الواحد بيقعد يندب بيها على حظه ويقول يا سلام لو كانت بتصحى بدرى - ياااااه لو هيه بس بتحب الهدوء والسكينة والملح الخفيف
تصدقى جربى انك تمشى ضد الاختلافات دى هتلاقيهم زعلانين ومكشرين ومتضايقيين
عاوزين الوقت اللى بيقضوه الصبح وعاوزينك متدلعة ومفرفشة وتهزرى
بس تصدقى علا وجود الاختلافات دى كلها بتخلق احلى حوارات وسبحان الله متعة غريبة برغم التناقضات دى كلها هيه برده بتنيها تحب هو وتدلعه وتراضيه
يلا حصل خير انشاء الله
سلاموووووووووووووووز
هوبا
مين اللي كتب تعليق ومسحة تاني
اعترف احسن لك
يالا حصل خير
.............
ميراج
اهلا وسهلا انت مش علقت لية على البوست اللي فات؟
اولا
الله يسلمك
ثانيا
يا مرحب بأول كومنت
ثالثا
انا مش بروح عند اجندا حمرا بس هاروح دلوقت واشوف
رابعا واخيرا
طبعا كلامك صح والحب بيعمل حاجات كتير قوي
شكرا على تعليقك يا استاذ
.................
yahia
يادي الهنا يادي النور
كفاية كدة علشان خاطر ام يوسف مش تزعل مني
الله يسلمك
انا كويسة دة النت هو اللي كان مفصول
طيب احنا هانستنى موضوعك القادم على احر من الجمر
سعيدة بزيارتك ويارب تدوم
سلاموز
لأدي بتاعة يوسف
يبقى سلام
..............
الشنكوتي الكبير
كلامك جميل وصح جدا جدا
جميل قوي انك تكون عارف كل الكلام دة وانت لسة صغنون
ربنا يحميك ويخلي لك دماغك الكبيرة
وطبعا مش هايفوتني اني انق على بنت شبرا
ربنا يسعدك
....................
دوبة
معاكي حق يا جميلة
انتي عارفة ساعات يبقى الواحد عامل كل اللي علية وتلاقي البية يتلكك على اي حاجة وبعدين يقولك انا كنت بهزر معاكي
اهو حبة فوق وحبة تحت زي ماقال ابونا عدوية والحياة بتمشي والواحد بيحاول يستمتع على اد مايقدر
سلام يا جميلة
عزيزتى
ممكن تسحبى كسلان دى
مش معنى انه مش بيحب يخرج كتير انه كسلان
وكفايه انه بيصحاى فايق ورايق مش مضروب100.....اوك
ولازم تكون فى اختلافات
اهم شئ نتفق فى المبادئ
والاخلاق
واحترامنا لبعض وحبنا
اهم شئ اننا نحب بعض اوى
ونحب اللى بيحبوا الاخر
بدل حاجه بيطه وهايفه
تحياتى ويارب يخليكم لبعض
سلام
احساس لسة حي
انا مش قصدي بكسلان انة مش بيحب الخروج
انا قصدي انة مش بيحب الحركة داخل المنزل يعني ممكن يقعد في مكان واحد طول اليوم ومايخرجش منة غير لما يكون عاوز يروح الحمام
انا شمة ريحة تريقة عليا في كلامك اممم
انت يعني عاوزني احمد ربنا انة مش بيقوم من النوم زي حالاتي
ماشي انا حمداة وشكراة ومش معنى اني كتبت الاختلافات دي يبقى انا زعلانة منها انا بس قعدت افكر مع نفسي وقلت اعرض عليكم هذة الاختلافات واسمع رأيكم
على فكرة البوست بتاعك جميل قوي
سلام
أحب أعرفك إن خلاص
على رأى أبو جهل فى فيلم فجر الإسلام
بلغ السيل الزبى و لم يعد فى قوس الصبر منزع
و أحب أعرفك كمان إن النهارده أنا راجع من الشغل الساعه تلاته و مارضيتيش إنتى تسهرى معايا
و أحب أخيرا أعرفك إن الإنترنت الشهر اللى جاى مش هايتجدد إشتراكها
الدرويش المرووش
احب اعرفك اني مش تحت امرك يعني مش تصحيني من النوم الساعة تلاتة علشان تقولي ان حسني عبد ربة هايروح الاهلي
واحب اعرفك اني كنت باتحايل عليك علشان تيجي تقعد معايا في البلكونة ولو حتى خمس دقايق وانت كنت بترفض
واحب اعرفك اخيرا براحتك مش عاوز تجدد النت دي حاجة ترجعلك والكافيهات اهي مليا البلد وكل شارع في اتنين او تلاتة كافي نت عادي اللي مش هاقدر اكتبة من البيت هاكتبة من الشارع وبكرة تندم يا جميل
سلام
يا اخت شاهي الاختلافات دي هي اهم المشاكل اللي بتبوظ اي حياة زوجية، وانا مش قصدي ان الزوجين يكونوا متطابقين مع بعض (مع أنها فكره برده) بس لازم يكون فيه تكامل يعني مثلا موضوع النوم والصحيان يخلي الأتنين ميتقبلوش في وقت مناسب ولما واحد منهم يجي على نفسه ويصحى في ميعاد التاني طبعا بيكون موده مش قد كده ناهيكي بقى عن الاختلافات التانيه الكتتتتتير ، والموضوع مش موضوع تشأئم وتلكيك زي ما الأخت المذكوره بتقول ، الراجل بيدور على التوافق الفكري في زوجته والزوجه بدور على التوافق العاطفي ، حتى في دي بيدورا على حاجات مختلفة. الموضوع ده كبير وطويل ومحتاج شرح موسع. وحمد لله على سلامة النت اللي كان مفصول. هو عمل حاجة غلط عشان ينفصل ؟
تحياتي
طيب وليه ما نمشيش مع نواميس الكون ونصحى بدرى وننام بدرى ونسيبنا من عبد ربة واى عبد تانى ونخلينا كلنا مع الله
وبعدين لازم تكيفى نفسك علية وعلى طبعه ده الطبيعى
ومش كل الاختلافات نستطيع الصبر عليها ومنها ما هو لازم لجعل للحياه طعم
يعنى التكامل مطلوب والتطابق ممكن يخنق
تحياتى
حمد الله على السلامه ياشاهى
موضوع جميل
زى الملح والفلفل
بيكملوا بعض
والاسلوب لذيذ
كل سنه وانت وحبايبك بالف
خير
تحياتىوسلامى
عمر الاختلاف ما يقدر ياثر علي الحب الصادق الحقيقي لان لازم يكون في اختلاف دي طبيعة البشر المهم نتعامل ازاي مع الاختلافات دي
اسف علي التقصير تحياتي
الاخ العزيز يحيى
طيب اية الحل بقى
الواحد بيحاول ينام بدري ويصحى بدري ويحضر الفطار بدري وفي الاخر تقولي هو بيدور على التوافق الفكري وانا بدور على العاطفي طيب وهانتقابل امتى ان شاء الله
انا ماكنتش فاكرة ان الموضوع كبير كدة
وبرضة مصرة على كلامي ان انت عندك خفة دم مستخبية تحت الكلام الكبير
اشكرك بشدة انك علقت عندي تاني
...................
الطائر الحزين
انا بحاول على قد مااقدر
وطبعا لاني بصحى بدري ومع شغل البيت ومطالب العيال يبقى لازم اتقلب بدري قصدي انام بدري
واكيد انا اطبعت بطبع ابو الدراويش
والا ماكانش زوجنا دام 10 سنين والا اية
اعتقد ان الاختلافات دي بسيطة وممكن الصبر عليها اصل انا مش ممكن اكل بدون ملح
تحياتي
...............
اميرة هانم
وانتي بألف صحة وسعادة
وكل سنة وانتي طيبة
...............
سندباد
كلامك مظبوط هي دي طبيعة البشر
واهم حاجة الحب الصادق اللي مش يتهز من اي اختلافات
مش تتأسف ابدا المهم انك جيت والاهم انك بتحب جديد
ربنا يسعدك ويحقق لك كل امنياتك
Shahy azaiek
جميل قوي البوست داتحفه بصراحه و المفيد هي بتحب هو
وكمان هو لازم يحب هي
الاختلافات بقه مش مهم خالص ماهو لازم يكون في اختلافات علشان مايبقاش هي بتحب هو و هو بيحب هي وهما الاتنين في حالة ملل
اخيرا انا الحمدلله كويس و شكرا قويييييييي علي سؤالك
اخيرا نورتينا و رجعتى لنا
يااااااااااه ده احنا مفتقدين طبيخك جدا اسف كتاباتك جدا
حلو البوست ده بس انتى فكرتينى بمسلسل هو و هى
و كانت حلوه اوى الاغنيه اللى فى المقدمه
شكرا لكى
اللى بيحب بجد بيحب بياخد حبيبه كله على بعضه باكتش يعنى بحلوه بوحشه لانه هو حبه على كده ولو فيه حاجه سلبيه هيه اللى ممكن تتغير ام غير كده يبقه ده مش حب
اما عن اخر ما كتب فى البوست
حاجات هايفه
لا دى مش هايفه لان الحاجات دى هيه ببساطه شخصيته هو عباره عن انسان بيحب كذا وبيكره كذا وبيصحى وقت كده
ولو حاجات هايفه يبقه هو هايف
وتقبلى ارق تحياتى وسلاماتى
موضوع مهم جدا جدا
احييكي عليه
صحيح انا مش متجوز بس بشوفه فى كل بيت فى الدنيا كلها
كل واحد له طبيعته وشخصيته المستقلة عن الطرف التانى
بس دة كله جميل وبسيط طالما مش بيعمل مشاكل وخلافات وخناقات بينهم
زي الإحساس إللى بييجي للواحد وهو بيقري الموضوع بتاعك كدة :)
تحسي ان كل واحد له طبيعته والدنيا هادية خالص ومحدش له دعوة بالتاني ... شئ جميل بجد
هو الناس تكبر عقلها شويةوالخناقات تخف والحياة تبقى جميلة
لكن الخلافات ... لابد منها
spyfun
احمد باشا ازيك وعامل اية دلوقت يارب تكون في احسن حال
كلامك طبعا صح والاختلافات دي بتعمل حاجة جميلة اسمها مناغشة يعني بتخلي للحياة طعم شوية
تحياتي يا احمد وابقى اكتب بوست جديد وتقول لنا عملت اية علشان نطمن عليك
..................
محمد مارو
دة حضرتك اللي منور يا استاذ
طيب اية رأيك في عزومة في رمضان علشان تدوق طبيخي بس بشرط تكون عزومة من غير بتنجان مخلل
هو وهي كان مسلسل جميل وفعلا الاغنية كانت حلوة انت عارف انا كنت اشتريت الشريط بتاع اغاني المسلسل من زمااااااااان بس مش عارفة هو فين دلوقت
شكرا ليك
.................
حسام مراد
اية يا عم حسام انت داخل فيا شمال كدة لية؟
براحة عليا شوية
انا لما كتبت الاختلافات مش كنت باشتكي انا راضية بألاختلافات دي ومش زعلانة منها وبقالي 10 سنين كدة علشان دي طبيعة البشر مش ممكن هانبقى زي بعض في كل حاجة بس الحاجات الاساسية والمهمة بنكون متفقين فيها والحمد للة
وانا لما قلت حاجات هايفة قصدي على الختلافات مش على زوجي طبعا انا مقدرش اقول علية كدة لانة فعلا مش كدة
واضح قوي انك جي تهدي النفوس
ممكن تقرا البوست تاني وانت تعرف اني بحب هو قوي قوي
شكرا
..............
the manager
اهلا سليم زميلي في كلية التجارة الجميلة بس الفرق في سنين الزمالة كبير شوية
الله ينور عليك
الحمد لله انت فهمت الموضوع كويس قوي قوي
ماشاء الله واللهي انا سعيدة جدا انك فهمت قصدي
دة انا عمالة ادافع عن نفسي وافهم الناس لغاية لما ندمت اني كتبت الاختلافات دي وكنت بفكر اكتب حاجة تاني بسرعة علشان محدش يدخل تاني ويفهمني غلط
ربنا يسعدك زي ما اسعدتني بتعليقك
تحياتي واحترامي وهامسك الخشب
اولا
والله ما اقصد حاجه انا حبيت اعلق عشان البوست شدنى بجد وعجبنى كمان عشان انا مش بعلق وخلاص وهالل بس بجد البوست عجبنى وانا نسيت اكتب كده فى الكومنت وكمان سورى والله ما كان قصدى ان يكون اسلوبى حاد اوى كده فى التعبير انا قريت الكومنت تانى واستغربت انا كتبت كده ليه
ثانيا
انا فهمت البوست وحسيت منه انك بتحبيه اوى ايا كان ده انا معرفش انه زوجك وما قصدتش اى حاجه والله
ولتانى مره
سورى
وتقلبى ارق تحياتى
سلاموووووووووووووووووووووووووووز
على ما اعتقد ان الاختلافات دى يا شاهى شئ طبيعى
لان ربنا مخلقناش متطابقين
وهى ان كانت بسيطة بس برضه لذيذه
حسام مراد
خلاص يا حسام حصل خير
انا بس استغربت شوية من تعليقك
ولا يهمك
بس انت بتقول انك مش تعرف انة زوجي وعقابا ليك يا استاذ اتفضل اقرا كل الموضوعات اللي كتبتها قبل كدة وعاوزة اشوف تعليقك على موضوع موضوع خلاص كفاية كدة هو دة الواجب بتاع النهاردة
مش عاوزة كسل
شرفت ونورت يا حسام
.............
desert cat
اهلا وسهلا
كلامك مظبوط
وخير الكلام ما قل ودل
تحياتي
والاختلاف لا يفسد للحب قضية
:)
اول زيارة
محمد سمير
شاهي حبيبتي دايما حاسة بيا كالعادة وبوستك ده قال حاجات كتيرة كان نفسي اقولها وبتحدثني بيها نفسي وردود القراء عندك كمان خلتني في حالة أحسن كتيييييييييييييير وعرفتني ان المهم المودةوالقدرة على العطاء دون انتظار المقابل حاجات كتيرة مكنتش مدركها او يمكن كانت في الادراك بس الوعي بيتجاهلها مش عارفة اقولك ايه اكيد انتي فهماني وقرية افكاري وعارفة ايه الي بيدور في دماغي لانك فيكي كتير مني تحياتي ليكي ولا ابو الدروايش وربنا يسعدكم ووحشااااااااااني ومعلش مش همضي لانك اكيد عرفاني وميهمنيش حد يعرفني غيرك تحياتي يا احلي شوشو ويارب يعيد عليكي الايام باليمن والخير يااااااااارب دعاء من اخت تتمني لكي الخير كما تتمناه لنفسها
غمض عنيك
فعلا الاختلاف لا يفسد للحب قضية
يسلم بقك
ان شاء الله مش تكون الاخيرة
انا شوفت تعليقك على موضوع البتنجان وجاري تنفيذ الخطة
اتمنى اشوف تعليقك على باقي المواضيع
تحياتي
.............
غير معروف
حبيبة قلبي انا طبعا عرفتك على طول
ومش عارف اقولك اية بس انا سعيدة جدا ان كلامي جة في الوقت المناسب
يارب يهديلك الحال ويريح بالك ويزيدك من نعمة ويعينك على طاعتة وخشيتةويسعدك في الدنيا والاخرة بأذن الله
تحياتي وسلامي وحبي
ايه ده كل دي اختلافات ياهانم ...
اما متفقين في ايه ان شاء الله
بس انتي عارفة المقولة اللي بتقول الحب بيعمل المعجزات لو بيحبو بعض هيحبوا اللي بيحبوا كل طرف فيهم عشان خاطر الثاني
تحياتي وسلامي للعيال المقطقطة وسلام مربع للمدارس اللي قربت ودماغ شاهي اللي هتروق تبربيييييتت
حلوة اوى
كل سنة وانتى طيبة
كل عام وانت بخير
التوافق احيانا يكون مزعج زي الاختلاف
مع انى شايف ان دا ممكن يكون فيه بعض التكامل
المهم أن تتلاقى الارواح وتتألف
وربنا يسعد الجميع
إرسال تعليق