السلام عليكم
سؤال محيرني شوية وعاوزة اجابة
بس كل واحد يجاوب بصراحة وانا مش هازعل
هو انا علشان أم يبقى في حقوق بتسقط من حقوقي؟
يعني في حاجات كانت بتبقى من حقي وبعدين خلاص مش من حقي؟
طيب السؤال بطريقة تاني
هو انا علشان أم يبقى مش من حقي اني ادخل الحمام واقفل بالترباس؟
مش عاوزة ضحك انا بتكلم بجد
اصل انا بدخل الحمام من هنا والبيت كلة بيبقى في حالة غريبة
اول واحد اكيد بيبقى الشينيور
تك تك تك
الشنيور: ماما انتي جوة
انا : ايوة في حاجة
الشنيور: فين البندقية بتاعتي؟
انا : مش عارفة دوّر عليها
الشنيور: ممكن تدوري عليها انتي؟
انا: لأ مش ممكن
تك تك تك
الشنيور: ماما ماشوفتيش السيف
انا: لأ ماشوفتش
الشنيور: طيب انا هاروح اللعب كمبيوتر لغاية لما تلاقيهم
وعلشان اخلص من زنة بسيبة يلعب
تك تك تك
الرايقة: ماما انا هاروح اشرب
انا: يانهار ازرق هو انا قافلة على المية ماتروحي
الرايقة: حاضر
تك تك تك
الرايقة: ماما انا شربت
انا: امشي يابت من هنا.... اية العيال دي؟!
الجبارة بقى مش بتخبط دي بتحاول تفتح الباب على طول
اصلها مؤدبة اوي
الجبارة: ماما انتي قافلة بالترباس
انا: ايوة دة بعد اذنك يعني ماشي
الجبارة: لأ مش ماشي افتحي
انا : لأ مش هاينفع قولي عاوزة اية وخلصيني
الجبارة: عاوزة ادخل معاكي
انا : لأ
الجبارة: مشمعنى (اشمعنى) انتي بتدخلي معايا؟
انا: انا بدخل معاكي علشان اساعدك واعلمك تعتمدي على نفسك
الجبارة: وانا كمان هاساعدك
انا : شكرا ساعدي نفسك انا امي كانت بتساعدني واتعلمت خلاص
الجبارة: على فكرة بقى انتي نوتية
(نوتية دي المؤنث بتاع نوتي ـ هي بتقول على الاولاد نوتي والبنات نوتية)
انا: شكرا يامؤدبة
الجبارة: اهو انتي اللي مؤدبة
حتى ابو الدراويش
يا شااااااااااااهي
انتي فين؟
انا : انا في الحماااااااااااااام
ابو الدراويش: بتعملي اية ؟ هو دة وقتة ؟ يالا تعالي الفيلم بدأ
تخيلوا بقى كل الحوارات دي وانا جوة وهما برة
يعني تقريبا العمارة كلها بتعرف اني في الحمام
نرجع بقى للسؤال
تفتكروا كل دة بيحصلي علشان بقفل بالترباس؟
والا هو مبدأ دخولي الحمام هو اللي مرفوض؟
لو طلع ان دة حقي مش هاتنازل عنة ابد
وهافضل اناضل في سبيل هذا الحق
والله الموفق
والسلام عليكم ورحمة الله وبركاتة
ههههههههههه
اشوفكم على خير
هناك ٤٩ تعليقًا:
هههههه لاياستى دا حقك ونص كمان والقانون فى صفك ماهو اذا ماكانش الواحد ياخد راحته فى حمامه هياخدها فين يعنى
بس ربنا يخليهم ليكى يارب ولادك ماشاء الله عسولين خالص
هههههههههههههههههههههههههه
ههههههههههههههههههههههههههه
هههههههههههههههههه
طبعا غلطانة من ساسك لراسك
انتى اتهبلتى يا بت؟
فيه ام تدخل الحمام
وكمان تقفل على نفسها بالترباس
اما صحيح امهات اخر زمن
اكيد طبعا مبدأ دخولك الحمام هو اللى مرفوض
واذا افترضنا ان الحالة قفشت معاكى ولزمن وحتمن ولابد انك تدخلى بيت الادب
يبقى طبعا لازمن وحتمن ولابد انك تسيبى ام الباب مفتوح على مصراعيه
يبقى اللى رايح واللى جاى شايفك ويقدر يعمل معاكى اى احاديث وحوارات
ويقدروا يعرفوا مكان البندقية والسيف ويقدروا يعرفوكى انهم شربوا
واوعى يا شاهى
اوعى
اسمعك تانى مرة بتقولى انك قفلتى على نفسك ترباس الحمام
او انك فكرتى اساسا انك تدخلى الحمام
فاهمة ولا لأ
انا مش عايزة الصورة الجميلة اللى رسمتها فى خيالى عنك تتهز
قال دخلتى الحمام قال
لأ وكمان قفلتى بالترباس
يعنى العيل من دول يجى يفتح الباب يلاقيه مابيتفتحش؟
ده انتى جبارة
روحى يا شيخة
الهى ربنا يرزقك فى كل دخلة حمام
بعيل يقلق راحتك
فكرتينى بنكتة ابقى فكرينى اقولهالك لما اشوفك
او لما اكلمك فى التليفون
اصلها نكتة خيخية جدااااااااااااا
سلام يا حتة سكرة
اختك خيخة
تعرفي إني ميته من الضحك..علشان ده بالضبط إللي بيحصل معايا..أنا بحس إني ماليش حق في أي حاجه ..حتى إني أخرج أروح لأي مكان لوحدي ده مش من حقي ...خايفه يجي يوم وألاقي إنه مش من حقي إني أتنفس ..هههههههاااا
تحياتي
هههههههههه
دي قضية كبيرة اوي ..
من الاخر كدة انتي توكلي محامي
وحقك يرجعلك بقوة القانون
هههههههه
السلام عليكم ورحمة وبركاته
ههههههههههههه
كله الا قلة الراحه في الحمام
بجد الله يكون فعونك
ههههههههههههههههههههه
بس
سلام
هههههههههههه
القضية كبيرة اوي انتي كدة عايزة محامي
ايوة طبعا ..
لازم تاخدي حقك بالقانون
هههههه
هههههههه
حمام
حمام يا شاهي
ناقص كمان تقولي زي ماما انا تعبانه وهنام محدش يخبط ومش عاوزه ازعاج
هو فيه امهات بتعرف تعمل حاجه اليومين دول
امال احنا وظيفتنا ايه
انتي عسل والله
عندى اقتراح هيخلى تحمدى ربنا وتبوسى ايدك وش وظهر هاتى لهم ام تانية تبدل معاكى لما تدخلى الحمام قلت ايه
مش كدة احسن؟ظ
لازم تعلقى يافتة على الحمام ممنوع الاقتراب أو التصوير
وممنوع الازعاج
علشان ححجهم تبطل ولما تشتمى لمجلس الامن يبقى معاكى كل الحق
هههههههههههههههه
والله انت مُلك
بس تعرفى اهو انا شحطه طويله كده ولسه بعمل كده مع ماما
يا عينى يا مامى شاهى علش حقاتك عليا والله
لاااااااااا
ام يعنى مسئوليه
فى مسئوليه تدخل الحمام وكمان تقفل؟؟
دى مسئوليه دى؟؟
ال دخلت الحمام ال
امهات اخر زمن
لا والى يضحك بقى انها قفلت بالترباس
كان الله فى عون العيال بجد
:)
لا طبعا تقفلي ليه بالترباس ما المفتاح موجود!
بس السؤال هو فعلا كدة تبقي طولتي بجد يعني لما وقتك في الحمام كفى الحوارات دي كلها!!
أومال باقي المواطنين يدخلوا الحمام امتى؟
انا مش قادرة ابطل ضحك علشان اعلق
بصراحة
بصراحة
لكى الله
هروح اكمل ضحك بقى لانى متخيلة المواقف
سلام
==========
افففففففففففف
اقفلى الباب اقفلى الواحد مش ناقص
شاهى يا شاهى
اولا وقبل اى شىء احب اشكرك بشدة على الكلام الحلو اللى انتى كتبتيه فى التعليقات والله يبارك فيكى وعقبال تخرج كل اولادك وجوازهم كمان
ثانيا موضوع الحمام اللى نكته بجد هههه
انتى كنتى قلتى على موضوع الحمام ده قبل كده بس انا مكنتش متخيل ان الموضوع هيتحول الى ازمة سياسية كبيرة الى هذه الدرجة هههههههه
تحياتى ليكى
على حب
LOL
لو على الأولاد سهله .. قوليلهم محدش يعمل كده تاني .. واللي يعمل كده متاخديش وتدي معاه .. رد واحد " مش دلوقتي"
أما السيد المبجل المحترم زوج حضرتك .. اعملي معاه نفس الموضوع .. أصل كل واحد ليه حاجه بيحب يعملها هناك .. قراية جرايد .. تأمل .. حتى اللعب بالمياه اللي هو هوايتي .. اقطعي عليه الهوايه دي وهو يبطل
:D
ربنا معاكي .. امال احنا مضربين عن الجواز ليه؟! ما هو علشان الطيبين اللي زي حضرتك خلصوا من زمااااااان
ههههههه ازيك يا شاهى تعرفى ان مدونتك تاهت منى هههههه الله يكرمه البحث بتاع جوجل حصلت عليكى بعد محاولات معضله
لا يا بنتى الامهات المفروض ميقفلوش باب الحمام خالص مالص يجب عليكى متخبيش حاجه عن الشعب
ربنا يخليلك جمهورك الصغير ويحفظهوملك
زى العسل انتى والله
تحياتى ليكى سومه_87
والله
هم في حقوق الانسان
بيقولوا
ان حقك جدا اللي بتعمليه
لكن هو فعلا كل حاجه بتحبك في الوقت ده
ول الوقت ده كبيييير
:))))
من زمان مقريتش بوست رايق كده
تحياتي
نعمممممم
حمام إيه اللى تدخليه و تقفلى وراكى بالترباس دا ؟؟؟
و الله أنا من اول ما شوفتك يا شاهى قولت البونية دى رومانسية قوى
يا ماما ..إنتى تنازلتى عن نص نفسك يوم ما إتجوزتى
و إتنازلتى عن النص التانى
يوم ما جبتى اول بيبى
يعنى إنت دلوقتى ملكية عامة للشعب
و الشعب دا ميقدرش يعيش من غيرك يا شاهى
مع إنهم يقدروا فعلياً
بس الدلع المرىء هنقول إيه
و سيادتك خلاص اخدتيهم على كدا
بقى أدمان نفسى
أنا بقى لما كان يوسف معايا
كنت بحل المشكلة دى من جذورها
كنت بستناه لما يناااااام
و اعيش حياتى بقى
غسيل هدوم
و شاور
و حمام كريم للشعر
و احمى القطة بالمرة مفيش مانع ....
فهاتى من الآخر
و نيميهم كلهم
و بعدين خدى حقك بالحيلة
و متفقة مع د.حر
البوست دا رايق قوى
و حياتك يا شاهى ما تتأخرى علينا
و بوسيلى العيال قوى
تحياتى من قلبى يا حبيبتى
هههههههههه
هههههههههه
هههههه
يا خبر ابيض!!!
أقولك؟
احسن حاجه للحصول على حقك كاملاً بلا منافسين او منازعين .. انك قبل ما تدخلى تأمنى الشقة كلها والقاطنين فيها
بمعنى
تعلنى انك فى تمام الساعة كذا انك هاتدخلى الحمام .. وممنوع الاقتراب او التحدث اليكى او طلب اى شئ
هههههههههه
حطى يافتة
Don’t disturb
كل سنة وانتى طيبة
رمضان كريم
كل الحب
هههههههههههههههههه
هههههههههههههههههههههه
ماشاء الله ربنا يحفظلك عائلة الدرويش كلها
مش مونكن صيغتك للموضوع دى
دا فعلا بيحصل بس قلتيه بطريقه لذيذه اوى
وياستى ااقلك على طريقه حلوه
فى مراحيض فى الميادين العامه
ريحى دماغك وروحى هناك
تحياتى اختى الغاليه
وتقبلى تعليقى
وربنا يحفظلك اولادك
اخيكى
احمد سكر
ههههههههههههههه
هوا قانونا من حقك
لكن فعليا لأ
لأننا بعد الجواز والخلفه بتكون حياتنا لولادنا مش لينا
ودا بيشمل الراجل والست
بس الست اكتر
لأنها ام
ربنا يصبرك:))
ههههههههههههه والله بجد انتى زى العسل وكأنك بتوصفي نفس حالتى بالظبط مع بناتى الاتنين وجوزى لو دخلت الحمام واتأخرت شويه الاقيه بينادى بأعلى صوته ويقولى انتى اتأخرتى كدا ليه ؟.. دول ناس مفترية يابنتى .. أنا دلوقتى بقفل عليا باب الحمام واقعد براحتى بالليل لما الكل ينام بس لمجرد انى احس انى بدخل الحمام بهدوء ومن غير ازعاج .. بس سيبك انتى بجد سكر وانا اول مره ادخل مدونتك بس مش هاتكون اخر مره لانى تقريبا خلصتها كلها دلوقتى وربنا يخلى لك ولادك العسولين اوى وتانى مره اوعى تقفلى على نفسك باب الحمام الا بالليل
اللى اعرفه لما شفت اول بنت لاختى
انك طالما بقيتى ام
فقدتى كل الحقوق اللى كانت ليكى قبل
ما تبقى ام
والمفروض ان انتى الحاجات تاخديها سرقه
علشان انتى ام
بس بوست كتير حلو
ربنا يخليهم ليكى
صحيح ابقى اقفلى بالترباس (بردة)
حزينه
بصى يا شاهى
انتى اللى غلطانة
طبعا غلطانة
حمام يه اللى عايزة تدخليه ده
اما كلام فاضى فعلا
بصى
روحى جمعية حموم الانسان وطالبى بواقفة احتجاجية وطالبى بحقوقك فى دخول حر للحمام مع قفل الترباس
هههههه
سلامى للتالت قمرات وابو الدراويش
جبتى الفوانيس ولا لسه ؟
كل سنة وانتى بخير يارب
هههههههههههههههههه
عسل قوي يا شاهي. بقالي كتير معديتش عليكي ولما بعدي بجد بموت من الضحك وببقي عاوزه اقري كل اللي فاتني
بس علي فكره انتي ام طماعه؟ هوا انتي عاوزه كمات تخشي الحماام وعندك عيال ؟؟؟
امهات أخر زمن ؟ :)
ههههههههههههههههههه
يا نهارك ابيض بصي الحل الوحيد هو انك متخليهمش يعرفوا انك جوه امني عليهم في اي حاجه يتشغلوا فيها الأول
هم لما بيشوفوكي داخله مكان وبتقفلي بيحسوا ان ده حاجز بينكم بالتالي بيتوتروا وبيدوروا على اي سبب يجروا وراكي بيه
يا سلام ده الواحد بقى خبير نفسي فزيع
عموماكل سنه وانتي وهم طيبين يا اجدع اخت واطيب ام
سلاااااااااااااااااااااااام
اخوكي ايهاب
رمضان كريم
ha3 ha3 ha3 :D
rabena m3aki ya benti :D
i missed ur blog awyyy
am sorry for my absence :)
koll sana wenti tayyb w 7elwa ya habibty :)
السلام عليكم
ازيك يا شاهى عاملة ايه وازى ابو الدراويش والعيال اخبارهم ايه
من هنا وانا فى موقعى هذا اللى عمرى ما عرفت اضحك ضحكة واحده حتى ولو غصب عنى
النهاردة ضحكتينى بجد
صحيح ابو الدراويش عنده حق عايزك تتفرجى على الفيلم من اوله
يعنى هو غلطان
يلا خير انا بهدى النفوس بس
خلينا نشوف ردودك
سلام وسلميلى على مصر
هههههههههههههههههههههههههههههه
و الله و حشتيني
كل سنة و انتى طيبه
و مبروك دخول ملك الحضانه مع شريف
امووووووووووووه
شفيتم مقدما
تك تك تك
قربتي تخلصي والا لسه لان عايز اقولك كل سنة وانت طيبة
والله النت وحشني
ووحشني اكثر العالم الحلوة دي
كل عام وانتم كلكم بخير
طهقان
دخول الحمام حق لكل مواطن
نحنيجب ان نلبي نداء الطبيعة بالطريقة التي نرتاح لها
كل سنه وانتي طيبه
سلاااااااااااااااااااااااام
اخوكي ايهاب
لا طبعا من حقكك تعملى إلى الى انتى عايزاه بحرية
مع الحلم أن حريتك تقف عند حرية الأخرين.
تحياتى
شاهي انتى فين يا قمرة
العيد فات
و العيد التاني جاي
و لا المدارس بدأت و مافيش وقت؟؟
وحشتينا
طيب اكتبي نوادر الشنيور و الرايقه
ههههههههه
وحشتينا
انا ياستي ام زيك
ام 6 اطفال
وانا كل ما امسك واحد من حقوقي يسقط واحد واضل طول اليوم اطارد حقوقي
خليكي زيي وزي ما يقول المثل ما ضاع حق وراه مطالب
,وعلى فكره هي الأم لازم تداوم بدوام كامل , يعني 24 ساعه فاليوم
و7 ايام فالأسبوع طووووووووول عمرها
شي محبط
لكن ان شاء الله اجرنا عند الله ما يضيع
شاهي يا قمرة و حشتيني جداا
صحيح احنا فى محافظة واحده بس يظهر الكل مشغول
حبيت اعيد عليكي و اقولك كل سنة و انتي طيبة عيد ميلادك قرب
عقبال 100 سنة
و انتى بخير و بسعادة و بصحة
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
ارسل ميلك اذا كنت ترغب في كود البنر
بابا الله يرحمه كان بيقول بعد الجواز مفيش للزوج او الزوجه حياه خاصه
بس مكنتش متخيله ان فيه غلطة املائية في كلامه وإن الحقيقة إن مفيش ( حاجه ) خاصة !!!
ربنا يخليهوملك
ويا ستي مجتش على دي في حقوقك
على الأقل دول يستاهلوا
بس بجد
دمك زي السكر
ههههههههههههه هو ده العنف ضد المراة ياريت تنورى مدونتى المتواضعه هستنا زيارتك
تحياتي للغايبين
كل سنه وانتى طيبة يا ست الكل
أخوكى المتغرب عبده محتاس
looooooooool
مسكينه
كسرتي خاطري
والله فعلا معاناة!
كان الله في عونك
بس اكيد هذا من حقك
بكل تأكيد!
ولازم تتمسكين برأيك الى اخر رمق:)
شاهى
عيد سعيد عليكى يا حبيبتى
و على أبو الدراويش و الولاد الطعامة كلهم و كل عيد و إنتى منورة حياتهم و هما مالين أيامك بالفرحة و التخبيط على باب الحمام !!!
أن شاء الله أشوفكيوم الجمعة بألف خير
عيد سعيد يا حبيبتى
تقبل الله منا ومنكم
وكل عام وانتم بخير
إيه ده ربنا يحفظهم
بجد اوعى اوعى تتنزلى عن خصوصيتك
بس اللى انا متأكده منه
أنك أجلت المهم الى وقت لاحق
ربنا يخليهم ويفضلوا حواليك
هههههههههههههههههههه
إنتي حكاية بجد
وأولادك أشقيا وبجد لذاذ أويي
ربنا يخليهم ليكي ويبارك فيهم يارب
:)
إحم إحم .. دستور
شفيتم ...
ده له معنى كويس جدا على فكره
انا المشكلة بقي عندي ان مفيش ترباس في
الحمام
و المشكلة الأكبر انها اكمونديشن عزاب
و كل يوم اصحي علي كابوس الواد الياباني و هو بيفتح عليا الحمام
لازم اقدم طلب ترباس بكرة
إرسال تعليق