السلام عليكم
معلش انا بقالي كتير غايبة ومش برد على التعليقات
ومش بتابع مدوناتكم
انا مش عارفة سبب محدد اقدر اقولة
بس هي الظروف اللي ملغبطة على بعض كدة ومش مستقرة
ويمكن كمان التقويم مخليني مش طايقة نفسي
مش عارفة بس ان شاء الله مش هاغييب كتير كدة تاني
ندخل بقى في الموضوع
في مكالمة تليفونية طويييييييييلة مع احدى صديقات الجامعة
كان بقالي كتير ماكلمتهاش
لقيت البنت ياعيني مكبوتة وهاتطق من جنابها
ولما سألتها مالك؟ قالتلي:
في كلمتين واقفين في زوري وهايكتموا على نفسي
وعاوزة اقولهم لجوزي بس مش هاقدر
انا : اتكلمي طيب في اية؟
الكلمتين عبارة عن رسالة عاوزة تبعتهالة
واليكم محتويات الرسالة
هاي حبيبي. ازيك
ممكن من فضلك لما ترجع من الشغل وتقلع هدومك
تبقى تعلقهم على الشماعة الكبيرة
وبلاش ترميهم في جميع انحاء الشقة
علشان انا مش الخدامة اللي جبهالك باباك اللي هاتفضل تلم هدومك
من كل مكان انا مش بقولك تعلقهم في الدولاب لا سمح الله
انا بس عاوزاهم في مكان واحد
وياريت لما احضرلك الأكل تبقى تفتكر وتسألني
"انتي اكلتي والا لسة؟"
لأني مش الطباخة اللي جبتهالك مامتك اللي هاتحط لك الغدا وتدخل تاكل في المطبخ
وتعالى هنا بقى.... يعني اية ابقى قاعدة بتفرج على التليفزيون
وتدخل انت بمنتهى البساطة وتاخد الريموت من جنبي وتغير القناة!
من غير ماتكلف خاطرك وتسألني او تستأذن
هو حد فهمك ان التليفزيون دة ورث ليك والأ حاجة؟
هو مش احنا مجهزين البيت مع بعض؟!
والأ علشان انت اللي جايب الشقة يبقى خلاص دة حقك الرسمي؟!
اما بقى العيال فدول شرك بيني وبينك
يعني ليك فيهم زي اللي ليا
مش لما يعملوا حاجة غلط يبقوا ولادي وماعرفتش اربيهم
ولما يبقوا كويسين يبقوا ولادك وتربيتك
لا ياحبيبي هما اولادنا احنا الأتنين سواء حلوين او وحشين
في حاجة كمان
اذا كنت فاهم ان صوت تجشؤك يشبة لصوت عبد الحليم
او ام كلثوم علشان تفضل تسمعهولي كل شوية
فأحب اقولك انة صوت مقرف ويوجع البطن
خلاص كدة انا خلصت اللي عندي
تيك كير يا بيبي
...............
انا نقلت لكم الرسالة بناء على طلبها
وقالتلي: قولي للرجالة
يخلوا بالهم من الحاجات الصغيرة دي علشان بتفرق معانا جامد
..................
اشوفكم على خير
هناك ١٦ تعليقًا:
ماهو اى راجل يا حببتى حتقولييله الكلمتين دول حيفتح حنجرته الكريمه ويقولك "ما انتى قاعده فى البيت انتى بتعملى ايه يعننننى " بكل بساطه وحتى لو قلتيله طيب ما انا عندى شغل البيت وعندى العيال يرد عليكى برضه بكل بساطه ويقوللك " هو انتى الوحيده اللى عنده عيال فى الدنيا ما الناس كلها عندهل بيت وعيال " يعنى لا حتخدى حق ولا باطل .
فالاحسن يا حبيبى تقولى لصحبتك انها تبلع شويه ميه ورا الكلمتين دول علشان لا حيقدموا ولا حياخروا
بس سيبك انتى النت منور يا باشا
والصرف باين والله
وحرمنا من انسك ليه
اممممممممممممممممممم
دى على فكره بوسه
والله بجد حاجات بسيطة اوى بس بتفرق جامد جدا
الحمدلله الذى عافانا من الجواز D:
عتاب قوى جدا عشان غايبة كتير اووى .. جدا
ايه يابنتى
مستنياكي تبعتيلي على ايميلي
فى اقرب وقت
مش تنسي :)
ههههههههههههههههههههههههه
هو انتم موراكوش غير الزن
هي الستات عايزه ايه بس مننا
نعمل ايه يعني
الراجل راجع من شغله تعبان وفي عنده مليون مشكله دماغه بايظه هيفتكر بقى يسالها كلتي ولا لأ
ببساطه هياكلوا مع بعض لو محضره اكل لنفرين يبقى هياكلوا سوا لو لنفر واحد يبقى اكيد هي اكلت
اما لو كانت مالهاش نفس تاكل ومعملتش لنفسها طبق يبقى اكيد هي مش عايزه تاكل وفي حاجه مضايقاها وهنا بقى تستنى لما الغلبان يطفح اللقمه وبعدين تحكيله المصايب اللي مسستنياه
اما بقى حكاية الهدوم فدي يا حبيبتي علشان حماتك من الأول عودته يعيش في زريبه وانتي اول لما اتجوزتيه كنتي فرحانه بيه لدرجة عودتيه ان لسه اوبشن الزريبه قائم يعني ارمي يا حبيبي وانا اشيلك في عيني
فطبعا هو خلاص اتبرمج على النظام العك ده جوزك على ما تعوديه وابنك على ما تربيه
طيب موضوع التجشؤ ده غصب عنه يعني في العاده ما هو الواحد مش هيفضل يكتم حتى في بيته اما لو مش عايزاه يتجشأ ابقى اعملي اكل صحي ميبزظش معدته مش اي حاجه في التلاجه تسخنيها وتقلبي في صفيحة الزباله اللي هي بطنه
ايه تاني كمان
اه الريموت عايز اقول ان الست بتتفرج على التلفزيون طول اليوم ولما بيرجع هو بقى ويمني نفسه بشويه فرجة تزعل وعايزه المسلسل وعايزه الريموت حكر عليها لوحدها
تربية الولاد بقى
كل الحكماء قالوا ان دي مسؤلية اساس في رقبة الست
الأم مدرسه
ربوهم بقى
ههههههههههههههههههههههههههههههههه
طبعا كل كلامي ممكن يترفض ودي طبيعي وبالمنطق كده الحياه مش مجرد القاء تهم بين الطرفين
هو اكيد غلطان في تصرفاته والتبرير مش هو الحل للمشكله لكن الحل انهم يقربوا اكتر وكل واحد يتحمل شويه
وبلاش اهانه وبلاش تلاكيك
المشكله ان كل الحاجات الصغيره دي بتتنسي لو هو فعلا حسسها انه مهتم بيها وبيحبها زي الأول مش بقت حاجه عاديه في حياته
الست بتحب تفضل دايما حاسه انها لسه زي ما شافها اول مره متلهف عليها وشايفها في قصر عالي
زي لما بتتنحنح لكل زميله جديده في الشغل علشان تبان شيك قدامها وتنول كلمتين منها ولا ابتسامه على نكته بقالك يومين بتحضرها اعرف ان مراتك نفسها تحس انك بتهتم بيها وبتحاول تعمل اللي يبسطها ويسعدها ويريحها ساعتها هي هتريحك من كل الحاجات الصغيره دي
حسسها انها ملكه في حياتك وصدقني هتعيشك ملكه وتكون لك خادمه بمنتهى الرضا والسعاده
قبل ايديها هتترمي على ايدك تقبلها انا مش ببالغ لكن هو ده الحقيقي اللي عايز حاجه من التاني يقدمله الحاجه دي الأول
سلاااااااااااااااااااااااااام
اخوكي ايهاب
فينك طيب ؟
:d
الحمد لله الذي عافانا من المشاكل دي...:)
بس برده اخواتنا الشباب نفس الموال
ربنا يهديهم يااااارب ويبطلوا كسل واهمال
ربنا يعينها ويعينا
هع هع هع هع
معلشى اصل بتجشأ
ههههههههه
بهزر طبعا
اولا حمد الله على السلامة يا راجع من السفر
لا لسه مرجعتش كلها ايام ونرجع
المهم
هو فعلا افعال غريبة اوى بس صدقينى عارفه لو جوزها غير العادات دى هتوحشها رمى الهدوم والغلاسة اللى معيشها فيها
بس كده كفاية
وحشتيني يا شاهي
فاكراني انا مها سكوت هنصوت
النهاردة كنت ببص على بوستات قديمة
ولقيتك قلت لازم اجي ابص واطل
عزيزتى\
اكيد حاجات صغيرة لازم ياخد منها الزوج وحاجات كتيرة زيها بتسعد الست وتحسسها بتقدير واحترام وخوف وحب الراجل ليها
بس برضوا فى حاجات صغيرة من الست لازم تعملها وتاخد بالها منها لانها بتسعد الراجل
واكيد برضوا ان لازم فى حاجات فى اى راجل مش هتعجب الست وحاجات فى الست مش هتعجب الراجل وهى بدل حاجات صغيرة تبقا بسيطه وبسهولة تنحل
تحياتى
سلام
ههههههههههههه
البوست جامد الكلمتين مهمين فعلااااا
بيني وبينك
وانت عارفة انت غالية عندنا قد أيه
صاحبتم دي بتتدلع
فيها إيه يعني شوية الحاجات الهايفة دي
ما تستحمل يا ستي
دلع ستات صحيح
:))
ده العادي على فكرة
تسلم ايدك
مدونة رائعة واستمتعت جدا بيها
الى الامام دائما
عنوان مدونتى
http://mahmoudryash.blogspot.com/
ارجو التفضل بزيارتى
مدونة غمض عينيك..مقالات عن النجاح فى الحياة..وتطوير الشخصية
شكرا مقدما..
من وجهه نظري معظمها حاجات عاديه وفعلا اللي ما بتشتغلش جوزها بيبقى عنده حبتين حقد كابسين على نفسه فبيضطر يا عيني عليه من غير اراده منه وحياتك انه يرمي بعض الاشياء او يستفزها غصب عنه وحياتك هو لو حاسس بنفسه اكيد مش حيعمل كده بس هو مش واخد باله وبيحسب يا عين مامته ان هي الشغاله اللي مامته جايباها
ام رقية
قولتلها يادودو الكلمتين بتوعك بس لو عملت بنصيحتك وجرى لها حاجة يبقى انا ماليش دعوة
شكرا ياباشا منور بوجودك
......................
كفاية طيبة
والله وشي منك في الارض بس ان شاء الله هانتقابل قريب على الماسنجر واهو خلاص العيال راحو المدرسة هما صحيح بيرجعوا بدري بس ربنا يثبت اقدامهم كدة
......................
الشنكوتي الكبير
اهلا بالعريس لأ لسة نص عريس ربنا يتمم لك بخير ان شاء الله
كالعادة كالعادة كالعادة رأيك في الجووووووووووووون
مفيش كلام ممكن ارد عليك بية
...........................
rooma qandil
بكرة تجربي ان شاء الله يعني هاتروحي فين كلنا لها
تحياتي
....................
عبدة محتاس
توحشها اية يابني فس حد بيوحشة الاهمال ياراجل قول كلام غير دة
اكيد زمانك وصلت وسافرت تاني عموما حمدلله على السلامة وتسافر وترجع تاني بالسلامة
...................
سكوت هانصوت
اكيد طبعا فاكراكي انا كنت خايفة تكوني انتي اللي نسيتيني
احلى طلة واحلى بصة
.....................
احساس لسة حي
يااااااااااااااااااة
ربنا كريم
بس الحاجات الصغيرة لما بتبقى كتيرة بتكبر وتكبر وماتبقاش حاجات صغيرة
تحياتي
.........................
رومانسية
شكرا
...................
طهقان
يادي الهنا يادي النور
الله يكرمك يافندم
بقى صاحبتي بتدلع طيب تفتكر طهقانة هايبقى رأيها زيك كدة؟
شارم
لأ مش دة العادي على فكرة
تحياتي
.................
محمود رياش
طيب
....................
امرأة قبل الاوان
اعتقد انة مش حكاية حقد دي حكاية تعود ودلع وبس ولو كان حقد يبقى دة راجل مريض
تحياتي
إرسال تعليق